साहित्यीक लिखणी अंतराश्ट्रीय काऱ्यागार आनी आशावादी.कोम लोकार्पण
१८ सपटेंबर (मंगळूर): मंगळूर विश्व विद्यालय कोंकणी अध्ययन पीठ आनी सां.लूवीस परिगणीत विश्वविद्यालयच्या जोड आसऱ्याखाल एका दिसाचें अंतराश्ट्रीय स्थराचें काऱ्यागार ’साहित्यीक लिखणी’ सां लुवीस विश्वविद्यालयच्या सभांगणांत मांडून हाडलें.
मुखेल सयरे जावन दो.आसटीन डिसोज प्रभू इलिनोय थावन हाजर आसोन लिखणी अनी वीज डिजिटल नेमाळ्याविशीं अपणाचीं भोगणां अनी अनबोग वांटून घेतलो. विश्वविद्यालयचे कुलपती मा.दो.क. प्रवीण मार्टीस जे.स. कोंकणी बावटो उभार्न कोंकणी मायेक वंदन कर्न, कोंकणी विश्वविद्यालय भितर जिवाळ आनीं क्रियाळ म्हळ्ळें दृश्टांत दीवन, संदेश दिलो.
हेच संदर्भार दो.चारल्स लोबोन कोंकणी डिजिटल काळाच्या सुर्वातेर आशावादी प्रकाशनान केल्ल्या वावराची मोटवी ओळोक, दायज.कोम, पयणारी.कोम आनी के.बी.एस. (कोंकणी बियोंड स्क्रिपट) मिसांवाविशीं विवर आटापचें प्रेसेंटेशन दिलें. आशावादी प्रकाशनाची त्रिलिपिची (कन्नड, नागरी आनी रोमी लिपिंत आसची) वेबसायट आशावादी.कोम लोकार्पण केल्लो; सां.लूवीस विद्या संस्थेच्या व्हडील रेकटर मा.बा. ब्रायन पिरेरा अपल्या उलवपांत जेज्वितांचो वावर कोंकणी खातीर कसो ऊर्जीत जाला म्हळ्ळ्या विशीं माहेत दिली. कोंकणी संस्थ्याचे निर्देशक मा.बा.प्रशांत माडता, कोंकणी संघाची काऱ्यदर्शी शनन पिंटो आनीं आरोन पिंटो वेदीर हाजर आसल्ले.
अंतराश्ट्रीय काऱ्यागाराक मंगळूर विश्व विद्यालय कोंकणी अध्ययन पीठची संयोजकी दो,प्रीती कीर्ती डिसोजान येवकार मागलो, मानेसतीण फ्लोरा क्यासतेलिनो (कोंकणी विभागाची मुखेसीण) धिन्वास पाठयले.
देवाधीन मीक-म्याक्साविशीं परिसंवाद मानेसतीण ज्यूलियेट मोरास आनीं हेमचाऱ्यन भाग घेवन विवीध गावप्यां मारिफात ताची गाणां मानेसत संजय रोड्रिगासच्या संगीत निर्देशनाद्वारीं सादर केलीं. ह्या संदर्भार कोंकणी फिल्म ’नाचुयां कुंपासर’ म्हळ्ळें प्रदर्शीत जालें.
भात्मी आनी तस्विरो: फ्लोरा क्यासतलिनो
