कार्कळांत दायज-मित्र साहितीक शिभीर

दायज डाट कोम आनी मित्र हफ्त्याळें हाणीं कार्कळ वाराड्याचा हंताचें एका दिसाचें साहितीक शिभीर हेच्च माय मयन्याचा २० तारिकेर, कार्कळ क्रैसट किंग इगर्जेचा सभासालांत मांडून हाडलें. सकाळीं साडे नोव वोरांक सुरू जाल्ल्या ह्या शिभिराचें उग्तावण करुंक कार्कळ फिर्गजेचो विगार बाप मा|गोम्स हाजर आस‌ल्लो, ताचेसवें कोंकणेचे फामाद साहिती एडवीन जे.एफ.डी’सोज, डोलफी कास्सिया, दायज संपादक वल्ली क्वाड्रस आनी मित्र संपादक एल्येर ताकोडे वेदिचेर आस‌ल्ले. कार‍याचें उग्तावण कर्तच्च बाप गोम्स हाणीं फिर्गजेंनी आसचा यूव तालेंताक उत्तेजन दिंवची आयचा काळार भोव गर्ज आसा म्हळ्ळें समजोन हीं पावलां काडुंक मुकार सर‌ल्ल्या ’दायज-मित्र’ पंगडाक उल्लास पाटयले आनी व्हडा संख्यान हाजर आस‌ल्ल्या शिभिरार्थिंक उल्लास पाटवन, ह्या शिभिराचो भर्पूर फायदो जोडुंक उलो दिलो.

शिभिराचा पयल्या भागांत ’कोंकणी वावर’ म्हळ्ळ्याचेर सविसतार विवर दीवंक प्रमूक उलवपी जावन हाजर आस‌ल्लो पत्रिकोध्यमी, साहिती मानेसत डोलफी कास्सिया हाणें आयचा काळार कोंकणी वावर मुखारून वरुंक कोणाची गर्ज आसा म्हळ्ळेविशीं सविसतार विवर दिलो. त्या उपरांत गलफांत कोंकणी वावर कसो जाता म्हळ्ळेविशीं मानेसत जेरी डी’मेल्लो बेंदूर हाचें सविसतार उलवप जातेच्च, मानेसतीण ग्लेडीस रेगो हिणें कोंकणी वावराविशीं अपलो अनभोग वांटून घेतलो आनी अखरेक मानेसत वल्ली क्वाड्रसान फिर्गजेहंतार कोंकणी वावर कसो कर‍येत म्हळ्ळेविशीं विवर दीवन, हर‍येका युवजणान आपापल्या फिर्गजेंत असलो कोंकणी वावर सुरू करुंक उलो दिलो. उपरांत शिभिरार्थिंनी उलवप्यांसवें भासाभास चलयली.

Placeholder: the original page gave this picture no description, and none has been written yet. It came from daaiz\daaiz\vardi.html.

(वल्ली क्वाड्रस, एडवीन जे.एफ.डी’सोज, मा|बा|गोम्स, डोलफी कास्सिया, एल्येर ताकोडे)

Placeholder: the original page gave this picture no description, and none has been written yet. It came from daaiz\daaiz\vardi.html.

(वितोरी, कार्कळ)

शिभिराचा दूसऱ्या भागांत ’कोंकणी मटव्यो काण्यो’ म्हळ्ळेविशीं मानेसत एडवीन जे.एफ.डी’सोज आनी मानेसत केवीन डी’मेल्लो हाणीं सविसतार रितीन आपापले विचार उचारले. एडवीन जे.एफ.डी’सोज हाणें कोंकणी मटव्यो काण्यो कश्यो बरंवच्यो म्हळ्ळेविशीं उलयलो. उपरांत शिभिरार्थिंनी उलवप्यांलागीं भासाभास केली.

दनपारांचें जेवणाचें कार‍यें जातेच्च, शिभिराचें कार‍यें मांडून हाड‌ल्लो सुतारी वितोरी कार्कळ हाणें कोंकणी क्वीज चलवन वेलो तशेंच जिकप्यांक इनामां जावन ’आशावादी प्रकाशन’ हांचो ’सतां आनी खतां’ बूक दिले.

Placeholder: the original page gave this picture no description, and none has been written yet. It came from daaiz\daaiz\vardi.html.

(वल्ली क्वाड्रस, डोलफी कास्सिया, जेरी डी’मेल्लो, ग्लेडीस रेगो)

Placeholder: the original page gave this picture no description, and none has been written yet. It came from daaiz\daaiz\vardi.html.

(एडवीन जे.एफ.डी’सोज, केवीन डी’मेल्लो)

उपरांत सुरू चल‌ल्ल्या वेदिचा कार‍याक मुखेल सयरे जावन कर्नाटक कोंकणी साहित्य अकाडेमिचो अध्यक्ष मानेसत एरीक ओजेरियो, मा|बा|वलेरियन फेर्नांडीस, मानेसत एडवीन जे.एफ.डी’सोज, मानेसत डोलफी कास्सिया, मानेसतीण ग्लेडीस रेगो आनी कार‍याचो अध्यक्ष जावन मा|बा|रिचार्ड रेगो (रेगाम ताकोडे) हाजर आस‌ल्लीं.

काऱ्याचा सुर्वातेर दायज दोन वर्सां संपवन तीसऱ्या वर्साक पांय तेंकचा वग्तां, ’दायज डाट कोम’ विशीं सविसतार रितिची माहेत आटापचें लेखन मानेसत मेलवीन क्यासतलिनो पेर्नाल हाणें प्रसतूत केलें.

Placeholder: the original page gave this picture no description, and none has been written yet. It came from daaiz\daaiz\vardi.html.

(शिभिरार्थीं)

Placeholder: the original page gave this picture no description, and none has been written yet. It came from daaiz\daaiz\vardi.html.

(शिभिरार्थीं)

Placeholder: the original page gave this picture no description, and none has been written yet. It came from daaiz\daaiz\vardi.html.

(शिभिरार्थीं)

Placeholder: the original page gave this picture no description, and none has been written yet. It came from daaiz\daaiz\vardi.html.

(क्लेमेंट ताकोडे, मेलवीन पेर्नाल, ऐवी पेर्नाल, सुनील फेर्नांडीस, रिचार्ड कवतार, पियूस जेम्स करुगळनडे, वायलेट पिरेरा, जियो आग्रार)

उपरांत आशावादी प्रकाशनाचा पांच नव्या बुकांची मटवी वळोक, मानेसत सुनील फेर्नांडीस कोट हाणें करून दितेच्च ह्या बुकांचें उग्तावण कार‍यें चल्लें. 

’पाटीं गांवाक’ (वल्ली क्वाड्रसाची सवी कादंबरी - कोंकणेंतली पयली ई-कादंबरी) (उग्तावपी: डोलफी कास्सिया)
’बामुणाचें चेडूं’ (एच्चेमाचो तिस्रो कविताजमो)(उग्तावपी: एरीक ओजेरियो)
’दर्भारांतली फिंर्गोण’ (वल्ली क्वाड्रसाचो तिस्रो कविताजमो)(उग्तावपी: एडवीन जे.एफ.डी’सोज)
’दर‍याक उदाक’ (कवितापाठ भाग-२) (कोंकणी कविता अध्ययन लेकनां - उग्तावपीण: ग्लेडीस रेगो)
’सागोराच्या वाटेच्यो झरी’ (शेंभोर कविंचा शेंबोर कवितांचो जमो)(उग्तावपी: मा|बा|वलेरियन फेर्नांडीस)

हेच्च संदर्भार कोंकणेंतलो पयलो संपूर्ण ई-बूक ’सागोराच्या वाटेच्यो झरी’ हाचें उग्तावण मानेसत जेरी डी’मेल्लो हाणें केलें. (पिडिएफ फार्मेटीर आसचो हो बूक कोणेंय अंतर‌जाळी थावन अपल्या कंप्यूटराक डावन‌लोड कर्न वाच्येता)

Placeholder: the original page gave this picture no description, and none has been written yet. It came from daaiz\daaiz\vardi.html.

(बूक उग्तावण: वल्ली क्वाड्रस, मा|बा|वल्ली फेर्नांद, ग्लेडीस रेगो, एरीक ओझेरियो, डोलफी कास्सिया, एडवीन जे.एफ.डी’सोज, जेरी डी’मेल्लो, वितोरी कार्कळ)

Placeholder: the original page gave this picture no description, and none has been written yet. It came from daaiz\daaiz\vardi.html.

(जियो आग्रार)

बुकांचा उग्तावणा उपरांत मांय‌गांव सांडून वेगिंच केनडा वचोंक आसचा फामाद कोंकणी वावराडी, गावपी, अंकण‌कार, कवी मानेसत जेरी डी’मेल्लो हाका ’दायज-मित्र’ तर्फेन मानेसत एरीक ओजेरियो हाणें शाल पांग्रून, फुलां-फळां आनी मान‌पत्र दीवन सन्मान केलो. मानेसत जेरी डी’मेल्लो आपल्या उलवपांत अपूण कोंकणेचो वावर मुखारून वर्ची उर्भा-हुमेद घेवन केनडा वेतां देखून कोंकणेथावन केदिंच पयस आसचोंना म्हळ्ळो संदेश दिलो. मान केल्लो मानेसत एरीक ओझेरियो उलवन कोंकणेक आज असल्या वावराची खूब गर्ज आसा म्हणालो आनी जेरी डी’मेल्लोचा वावराविशीं ताणें शाभासकी पाटयली. ह्या वेदिचा कार‍याचें सुरात्पण घेत‌ल्लें फामाद उलवपी मानेसत जियो आग्रार हाणें.

Placeholder: the original page gave this picture no description, and none has been written yet. It came from daaiz\daaiz\vardi.html.

(वल्ली क्वाड्रस, मा|बा|वल्ली फेर्नांद, ग्ल्याडीस रेगो, एरीक ओझेरियो, डोलफी कास्सिया, एडवीन जे.एफ.डी’सोज आनी मान घेंवचो जेरी डी’मेल्लो)

Placeholder: the original page gave this picture no description, and none has been written yet. It came from daaiz\daaiz\vardi.html.

(उभीं आसचीं सन्मानितां बरवपीं: मेल्क मियार, अविना मियार, वितोरी कार्काळ, केवीन डी’मेल्लो, जोर्ज क्यासतलिनो, मा|बा|रोनालड डी’सोज, स्टीफन पिंटो, विल्मा तौरो (स्टेन‌रो ची पतीण आनी स्वीजल (धूव))

उपरांतल्या कार‍यांत ’दायज साहितीक स्पर्धो - २००५’ हांतूं इनामां जोड‌ल्ल्यांक ३०,०००.०० रुप्यांचीं इनामां दिलीं मा|बा|रोनालड प्रकाश डी’सोज हाणीं. जिकप्यांचीं नांवां;

मटवी काणी विभाग
पयलें (रू.५०००.००) इनाम: एच्चेम [काणी: नशिबाची रात]
दुस्रें (रू.३०००.००) इनाम: डा|एडवर्ड नज्रेत [काणी: जुबलेव]
तिस्रें (रू.२०००.००) इनाम: केवीन डी’मेल्लो [काणी: अन्वेषण]

कविता विभाग
पयलें (रू.५०००.००) इनाम: एच्चेम [कविता: मात्येचें रुदान]
दुस्रें (रू.३०००.००) इनाम: मेलवीन पिंटो नीरुडे [कविता: दुकाळ गितां आनी..]
तिस्रें (रू.२०००.००) इनाम: विल्सन कटील [कविता: एक कविता अशी]

लेखनां विभाग
पयलें (रू.५०००.००) (रेग्रो पाळुंक नात‌ल्ल्यान रद्द केलां)
दुस्रें (रू.३०००.००) इनाम: डा|एडवर्ड नज्रेत
तिस्रें (रू.२०००.००) इनाम: स्टीफन क्वाड्रस, पेर्मुदे

हेच्च संदर्भार कार्कळ वाराड्यांतल्या बरवप्यांक दायज तर्फेन, कार‍याचो अध्यक्ष मा|बा|रिचार्ड रेगो हाणीं सन्मान केलो. सन्मातां;
केवीन डी’मेल्लो कार्कळ, जोर्ज क्यासतलिनो नक्रे, स्टीफन पिंटो कुंटल्पाडी, स्टेन‌रो अजेकार, वितोरी कार्कळ, मा|बा|रोनालड प्रकाश डी’सोज अजेकार, अविना मियार आनी मेल्क मियार.

उपरांत अध्यक्षाचा भाशणांत रेगाम ताकोडेन कोंकणेंत ई-बूक कोंकणी साहित्याक कसली देणगी दीवंक सकत म्हळ्ळेविशीं अपले विचार वेक्त करिलागलो.

वितोरी कार्कळ हाणें उपकार आटवणेचें कार‍यें चलवन वेलें. अजेकार, कार्कळ, अत्तूर, हिर्गान, नक्रे, कणजार, पारप्पाडी, मियार आनी नेल्लिकार फिर्गजेथावन आयिल्ल्या ५४ शिभिरार्थिंनी ह्या शिबिराचो भर्पूर फायदो जोडलो.

Placeholder: the original page gave this picture no description, and none has been written yet. It came from daaiz\daaiz\vardi.html.

(अविना मियार - मयन्याची कवयत्री)

उपरांत मांड-सोभाण हांचें धावें कविता-सोभाण कवी वल्ली क्वाड्रसान चलवन वेलें लगबग सत्तर कविता रसिकांनी चडुणें वीस कविंचा कवितांक आयकोन भर्पूर आनंद जोडलो. अविना मियार मयन्याची कवयत्री जावन विंचोन आयली आनी ५०० रुप्यांचें इनाम जोडुंक पावली.

सकाळीं साडे नोव वोरांक सुरू जाल्लें कार‍यें सांजेर साडे पांच वोरांक संपलें.

वर्दी - दायज बात्मी, मंगळूर