ಕವಿತಾकविताPoem

ಸುಟ್ಕಾ

This poem is available in its original Kannada only.

’ಸರ್ವ್ ಧರ್ಮ್ ಬರೆಂಚ್ ಕರುಂಕ್ ಸಾಂಗ್ತಾತ್ ತರ್ ಹ್ಯಾ ಸಂಸಾರಾಂತ್ ಅನಿತ್ ಕಿತ್ಯಾಕ್ ಚಡುನ್ ಯೆತಾ?’ - ಹೆಂ ಚಿಂತಾಪ್ ಹರ್ಯೆಕಾ ಮನ್ಶಾನ್ ಚಿಂತ್ಚೆಂ ಭೋವ್ ಗರ್ಜೆಚೆಂ ಜಾವ್ನಾಸಾ. ಸರ್ವ್ ಧರ್ಮ್ ’ಬರೆಂಚ್’ ಕರುಂಕ್ ಸಾಂಗ್ತಾತ್ ತರ್, ಸಗ್ಳೆ ಭಕ್ತ್ ’ಬರೆಂಚ್’ ಕರ್ತಾತ್ ತರ್, ತಾಣಿಂ ’ಬರೆಂ’ ಮ್ಹಣ್ ಚಿಂತ್ಚಾ ವಾ ಪಾತ್ಯೆಂವ್ಚಾ ಸಂಗ್ತೆಂತ್ ನಿಜಾಯ್ಕಿ ದುಭಾವ್ ಜಾತಾ. ಸ್ವತಂತ್ರ್ ಹೆಂ ನ್ಹಯ್‌ಕಿ ಕಿತೆಂಯ್ ಕರ್ಚೆಂ, ಸ್ವತಂತ್ರ್ ಹೆಂ ಕೀ - ಬರೆಂಚ್ ಕರ್ಚೆಂ.

ಸಮಾಜಿಕ್ ಚಿತ್ರಣ್ ದಿಂವ್ಚಿ ಹಿ ಕವಿತಾ ಫಕತ್ತ್ ಉತ್ರಾಂಚಿ ರಾಸ್ ನ್ಹಯ್, ಬಗಾರ್ ಹಕೀಗತ್. ’ಅಚ್ಚೆ ದಿನ್ ಆಯೆಂಗೆ’ ಮ್ಹಳ್ಳೆ ನಾರೆ ಅಜೂನ್ ಆಮ್ಚ್ಯಾ ಕಾನಾಂನಿ ಗಾಜೊನ್ ಆಸಾತ್, ತರ್ ಹೆಗೀ ಅಚ್ಚೆ ದಿನ್?

ಸಾಹಿತಿಕ್ ಶಿಕ್ಷಕ್ ಜೋನ್ ಸುಂಟಿಕೊಪ್ಪಚಿ ಹಿ ಕವಿತಾ ಕಾಂಯ್ ಅಸ್ಕತ್ ಅತ್ಮ್ಯಾಂಚೆಂ ರುದಾನ್ ಕರ್ಚೆಂ ಆಯ್ಕತಾ.

ಸುಟ್ಕಾ

ಸುಟ್ಕಾ ಮೆಳ್ಳ್ಯಾರೆ ಸಾಯ್ಭಾ

ಸುಟ್ಕಾ ಮೆಳ್ಳ್ಯಾ

ದೀಸ್ ರಾತ್ ನಾಗ್ಡೆಂ ನಾಚುನ್

ಮಿಟ್ಯೊ ಮಾರ್ಯಾಂ

ಗಾಂವ್ ಗಾಂವಾಂನಿ

ಹಳ್ಳಿ ಹಳ್ಳೆಂನಿ ಸೊರೊ ಭರ್ಯಾಂ

ಭರ್ನ್ ಭರ್ನ್

ಆಪ್ಣೆಂ ಸಗ್ಳೆಂ ಲಗಾಡ್ ಕಾಡ್ಯಾಂ

ಸುಟ್ಕಾ ಮೆಳ್ಳ್ಯಾರೆ ಸಾಯ್ಭಾ

ಸುಟ್ಕಾ ಮೆಳ್ಳ್ಯಾ

ಹಲ್ಳಿ ಹಳ್ಳೆಂನಿ

ಗರಾಂ ಗರಾಂನಿ

ಇಸ್ಪಿಟ್ ಖೆಳ್ಯಾಂ

ಚೊರಿ ಕರ್ನ್ ಸೊರೊ ಉಕ್ಡೊನ್

ಅಂಗಾಲಾಪ್ ತಿರ್ಸಿಯಾಂ

ಸುಟ್ಕಾ ಮೆಳ್ಳ್ಯಾರೆ ಸಾಯ್ಭಾ

ಸುಟ್ಕಾ ಮೆಳ್ಳ್ಯಾ

ಝಂಡಾ ಊಂಚಾ ರಹೇ ಹಮಾರಾ ಪದಾಂ ಗಾವ್ಯಾಂ

ಹಿಂದು-ಮುಸ್ಲಿಮ್ ಮೊಗಾನ್ - ಘುಟಾನ್ ಕೊಯ್ತಿ ಪಾಜ್ಯಾಂ

ಪಾಜುನ್ ಪಾಜುನ್ ರಗತ್ ವ್ಹಾಳವ್ನ್ ಲಗಾಡ್ ಕಾಡ್ಯಾಂ

ಸುಟ್ಕಾ ಮೆಳ್ಳ್ಯಾರೆ ಸಾಯ್ಭಾ

ಸುಟ್ಕಾ ಮೆಳ್ಳ್ಯಾ

ಗಲ್ಲೆ ಗಲ್ಲೆಂನಿ

ನಿರ್ಜನ್ ರಸ್ತ್ಯಾಂನಿ ಚೆಡ್ವಾಂಕ್ ಧೊಸ್ಯಾಂ

ಸಾಸ್ಪುನ್ ಸಾಸ್ಪುನ್ ಆಂಗ್ ಆಪದ್ನ್

ಬಲತ್ಕಾರ್ ಕರ್ಯಾಂ

ಅಮ್ಕಾಂ ಸುಟ್ಕಾ ಮೆಳ್ಳ್ಯಾರೆ ಸಾಯ್ಭಾ

ಸುಟ್ಕಾ ಮೆಳ್ಳ್ಯಾ

ಪಾರ್ಟಿ ಗಿರ್ಟಿ ಎಲಿಸಾಂವ್ ಮ್ಹಣಿನ್ ವಿಣ್ಗೆ ಜಾವ್ಯಾಂ

ಹಾಂಚೆ ತಾಂಚೆ ಭಿತರ್ಲೆಂ ಭಯ್ಲೆಂ

ಉಸ್ತುನ್ ಕಾಡ್ಯಾಂ

ಆಮಿ ಧುಂಯೆಸ್ ಜಾವ್ಯಾಂ

ಅರೆ ಸುಟ್ಕಾ ಮೆಳ್ಳ್ಯಾರೆ ಸಾಯ್ಭಾ

ಸುಟ್ಕಾ ಮೆಳ್ಳ್ಯಾ

* ಧುಂಯೆಸ್ (ಗಾದ್ಯಾಂತ್ ಆಸ್ಚಿ ಎಕಾ ಥರಾಚಿ ಕೀಡ್)

- ಜೋನ್ ಸುಂಟಿಕೊಪ್ಪ [ಅಗೋಸ್ತ್, 2017]

ಜೋನ್ ಸುಂಟಿಕೊಪ್ಪ: ಕಾನಡಿ ಭಾಸೆಂತ್ ಅಪುರ್ಭಾಯೆಚ್ಯೊ ಕವಿತಾ/ಕಾಣ್ಯೊ ಬರಂವ್ಚೊ ಜೋನ್ ಡಿ’ಸೋಜ್, ವೃತ್ತೆನ್ ಏಕ್ ಶಿಕ್ಷಕ್. ಸಾಹಿತ್ಯಾಚೆಂ ಪದ್ಯುತ್ತರ್ ಶಿಕಾಪ್ ಜೊಡುನ್ ಆಸ್ಚೊ ಹೊ ಏಕ್ ಭೋವ್ ಸಂವೇದನ್‌ಶೀಲ್ ತಶೆಂಚ್ ಭೋವ್ ಮೊವಾಳ್/ಖಾಲ್ತೊ. ಪುಣ್ ಚಿಂತ್ನಾಂನಿ ತಿತ್ಲೊಚ್ಚ್ ಪರಿಪಕ್ವ್. ಸಮಾಜಿಂತ್ಲ್ಯಾ ವಾಂಕ್ಡ್ಯಾಂಚೆರ್ ವಿಮರ್ಶಾತ್ಮಕ್ ನದರ್ ಘಾಲ್ಚೆಂ ಚಿಂತಾಪ್ ಹಾಚ್ಯಾ ಚಡ್ತಾವ್ ಬರ್ಪಾಂನಿ ನಿಶೆತಾ.

ಸ್ಮಾರ್ಟ್ ಫೋನಾಂತ್ಲೆಂ ಜಿವಿತ್