Mull Kanni: The Gift of Magi. Konkonnint: Rayanchi Bhettounn

Ek ddolor ani 87 somnttos. Fokt titlech, ani tantutole 60 somnttos. Hem niz zanne aslet. Urmottoponnan uloun posrokaracher, torkarivaleacher, kasabacher gopchup arop ghalun, himtteponnan ek, don korun ekttayil'le he peniz nanne aslet. Ddolan te tin pauttim mejlet. Toruy titlech. Ek ddolor ani 87 somnttos. Ani, dusre disa notalanche foist.

Oxem astona, dhakttulea pornea polongar thopkol marun bospa xivai, ani bobo-huyeleo marun roddpa xivai anik kainch korop xoky nasle. Mhonnttokuch, ddolor tench kelem. Oxem distalem, jivit mhollear hunddkeamni roddop, nakantlean vhamvpi ximutt sum=sum korun samvrop, ani hamsop. Noitik poddbimbak komar kaddpi jivit mhollearuch roddop, hunddke divp ani mumurokem hamsop.

Ghorabeachi malkinn xant zait vota mhonnsor, tichea ghorakodden nodor marumya. Podd‌re, galiche, lankddi saman-suman bi sogllem aslem ghorant. Athouvddoyak $ 8 bhaddem aslem. Sarkhench bhikareachem koxem hem ghor naslem; toruy, bhikareancho doll hoya ghorant rauta gai? mhonnpacho dubhavo konnachyai monant yeunk xoktalo.

Sokoilea ottear chitti ghalpak chittinche boks aslem; punn osle poristhitint, tantumn ekuy chitt bhitor poddop xoky naslem. Ghontti vazoupak darar vijecho butamv aslo; punn kitench kelear tantuntlean ghantticho avaz kaddpak konnakuch kosench xoky zaupachem naslem. Xivai, darar ghorachea malkachem namv aslolo toktto aslo, ”jems ddilingohoms yong (James Dillingham Young).

Ddilingohoms hem namv, tea kallar borem sobtalem, jen'na dor ek dis bhorbhoratticho, udorgoticho aslo, ani ghorachea malkak atthouddoyak $ 30 pogar mellttalom. Uprant, jen'na atthouddoyacho pogar $20 ddolorancher demvlo, ten'na ddilingohoms namvantoli fokt ddi-ch urli. Toruy, jems ddilingohoms yong, aplea voilea mallyeuylea ghorant bhitor sortokuch, taka jim' mhunn ulo marun, ghott veng marun tache baile koddlean, mhonnchench ”mises jems ddilingohoms yong, yeukar mellttalo. Ani voir sanglele porim, hench tem ddola, jemos‌chi bail. Mhonnttokuch, sogllem tthik-tthak aslem.

Ddolan aplem roddnem thamboilem; galank veusthit pauddor bi marun zatkuch, nistez monan zonelakodden ubhem ravun bhair pollounk laglem; zalear, magdeream addo ghatlelea ugtte suvatentlean gobrachea rongachem ek mazor cholot aslem. Faleam notalanchem fest; ani tache kodden fokt $ 1.87 aslet. Hoyam duddvamni taka jima khatir bhettoust gheupachi asli. Te khatir, kitleaxeanch mh‌yobeam pasun tem ek, ek pen'ni (penny) ekttait aslem. Atthouddoyak $ 20 pogar chodd kall tigna. Tannem hixeb kel'le poros khorch subezuch zal'lo. Toxench asta tem. Khorch subez zatach. Fokt $ 1.87 baki urlelet; ani hoyam itleanch duddvamni tannem jima khatir bhett vost gheunk zai asli. Tacho jim'. Tache khatir kosli-i tori bori vost gheupak, tannem kitlim tori voram khub yeuzun khoxalokayen sarleli. Kitem tori sobit, sundor, ani durmill, ani ospoll, ani ossol bhettonst ghenpak. Apunn jimachi mhal mot'ta somzun, tache malkeche protiittek laik tharpa sarkhi kosli-i tori teag laikechi bhettkorunu tem taka gheupak sodtalem.

Ddola ubhem aslem thoim don zonelo modem pair glas harso aslo. Ghoddyek tumi $ 8 chea ghorant oso pair glas pollela astolo. Fokt ek barik, suddsuddit monis aplem poddbimb hea harxeant polloun, aple sobitokayecho thoddobhovo ormas kaddunk xoktalo. Ddola suttsuttit aslelean, taka hi kola bore toren zomtali.

Oksomat tem zonelapasun pois ghumvlem, ani harxea mukhar yeun ubhem raulem. Tache dolle liklikotale; punn tachea tonddavelo rong bis sekondamni nanpois zalo. Taktiken tannem bandlele aple kems soddlet, ani aplea itlea lambchelamb kemsak tokhet raulem.

Atam sangchem zalear, jems ddilingohem' yong, hea zoddpeak, aple lagim asleleam don vostuncher bhovo vhodd abhiman aslo; vhoddvik asli. Ek vost mhollear, jima kodden aslelem bhangarachem ghoddeal. Hem ghoddeal tachea bapaichem, ani tache adim tachea xapaichem aslem. Dusri vost mohllear, ddolache kems tanchea ghorache pele vatten zor xiba chi ranni vosti korun asli zalear, ddola, apleam kesam samkar rannyecheam mannkam moteanchi kim'mot xuny mhunn pottoun divpa khatir, khoinchyai vellar zonelakodden apleam lamb kesanchem prodrxon korpachench. Ani, solomoz raza, apleam moladik vostuncho yevo eke kuddint sattoun te kuddichi rakhonn korpa khatir rakhonn korpa khatir rakhnnoddar aslo zalear, dor ek pauttik te vattentlean asar pasar zatna, aplem ghoddeal razache nodrek poddchem mhunn jim' mud'domuch aplem ttem ghoddea bolsantlean bhair bhitor kaddit rautolo aslo; razak nidd'ddukai zamvchi mohunn.

Tor uprant ddolache sobit lamb kems chokchokit udkachea lhanxea loharancho dhakttuloch ghosghoso koso, tachi pattbhor posrolet. Tachea dhompram sokoil paulele tache kems tache kuddik ek vostr koxem sobtalet. Nervoz zal'le bhaxen soddsoddit tannem porot kems bandlet. Ekuch pautt eka minuta khatir tem addokhll'llem; ani dolleantoli ek don demvlelim dukam, udkacho xitoddo usll'lle le bhaxen, pornea tambddoya karpettacher poddttana, tem thoinch khuntt koxem ubhem urlem.

Tannem aplem pornem kopichea rongachem zokitt angar choddoile; uprant kopichea rongachem pornem chepem mabheak ghatlem; ani toxxea toxem aslelea, dolleamni liklikopi teza sokott aplea vistidachi ek girki marit, tosoch ek bhomvr marit tem dar ughddun sokla margar paulem.

Te zom-i thamblem, thoim ek noktto lailolo aslo:- qddom' sofroni soglle torcho kemsanchi samgri. Ddola voile mallyer dhamvt choddlem. Khorxelem. Ilo visou ghetlo. Dukonachi malkinn khubuch motti, khubuch gori, nirutsahi asli. Sofroni namvak sobpa sarkhi disoch nasli.

Tum mhoje kems vikte ghetli? ddolan vicharolem.

Hamv kems vikte ghetam, malkinnin sanglem. Tujem chepem kadd, ani tujea kemsancher ek nodor marun polletam.

Ani, ddolache bandhlele kofichea rongache kems, lharo koxim ghosghoxit sokla demvle.

Vis ddolor, ddolachea kemsancho chombo aplea hatamni ukhlit malkinninn samhlem.

Di tor mhaka; veggin, ddolan mhollem.

Ani fuddlim don voram sukhachea pakhottoyancher uddot raulem ddola. Jima khatir gheunk zai asleli bhettoust sodpa khatir ddola sogllim dukonam dhoullib raulem.

Akhrek, mell'lli taka ti vost. Ti vost kherit jima khatiruch keleli asli; anik konnacheach khatir nhoim tannem sogllim dukonam bhomvun polloil'le. Pokuy dukon soddunk naslem. Punn haka sor zaupi dusri vost taka khoinch mellunk nasli. Hi vost mhollear, sadi, nitoll msttinmochi ghoddealachi sankhlli asli. He sankhllechem mol veusthit tthollkoponnim distalem tem ticheam sotvam velean; sob haddpi bhopkebaz nasli hi vost, dikhavo nasli-ani khoreanich soglleo boreo vostu oxeoch aspak zai, ti polletonach taka mona pasun dislem, hi vost jima khatiruch. Jima bhaxenuch asli ti. Xanti ani valor-hem vornnon dogamykuy lagu zatalem. Tache koddlear te vostuche tannim 21 ddolor ghetlet; ani urlele 87 senttos gheun tem taktiken ghora portolem. Jimachea ghoddealak hi sankhlli ghaltokuch, konnachyai sangatan aslear legit, ghoddealar vell polloupa khatir, jim' utsuk zaupachoch. Ghoddeal tor oprotim' aslench, punn ghoddvalacho porso sankhkechea zagear chamddeacho aslelean, vell polletona jim' ken'nai lip choream ghoddeal pollesalo.

Ddola ghora portotokuch, tachi hi khoxechi noxa demvli, ani ilem xanneponn ani somjikai tacheant aili. Tannem kems kongre korpachem aplem bhomn'n agor kaddlem, aso pettoili, ani mogan kelelea udaroponnak lagun tannem zo soteanax kel'lo, tea durusyi korpachea kamank survat keli. Ani hem kam' koro mhollear ek, zobrodst kam' asta, mogachea dorttano-khub hoddlem kam' 40 minnttam bhitor, kongream kemsamni bhorlelem tachem mathem polloun, polletolo konnuy monis taka ek vales videarthi somzotolo aslo. Tem aplem poddbimb, khub vell porean, zotnayen nirikxonn kel'le bhaxen harxeant pollet raulem.

Mhojer portun ek pautt nodor marche adim, zor jimon mhaka jitench marunk na, tem svotaxinch ddolounk loglem, zalear, hamv khoinchea tori heddge zomatintolem gaupinn distam oxem to nokkich mhonnttolo mhaka. Punn, hamv anik kitem korunk xoktalim?-oh!! ek ddolor ani 87 senttos gheun hamv korunk tori kitem xoktali?

sat vorancher kofi keli, ani chops randpa khatir kail sttovacher taponk douroli.

Jimak ken'na uxir zainaslo. Ddolan ghoddealichi sankhlli aplea hatant doddli, ani jim' ghorant bhitor sortalo tea dara kodden aslelea mezachea ek konxear voslem. Ten'na tannem, sovala saun voir roupi iskadir jimachea pamvllancho avaz aikolo ani khinnbhor tachea tonddauyoli ronguch uddlo. Dosoptt'ttim ghoddottlea sadeam gozalim vixim monantlea mozant magnnem korpachi taka somvy asli; ani hea oxea vellar nannem lhovuch devak ulo marlo, deva, upkar korun jimachea dolleank hamv azunuch sobit, sundor disunxem kor.

Dar ughddun jim' bhitor sorlo, ani dar bond kelem. To barik distalo, ani khub gombhiruy bi. Churchure babddeache; to fokt bavis vorsam pirayecho aslo-ani kuttumbachem vojem tacher poddlelem!!! taka eka novea kottachi goroz asli, ani tache kodden hatanchim luvam-i naslim.

Sunneak xikarecho vas yetkuch thoinchea thoinch tannem thambchem, toso jim', bhitor sortonach, khuntt koso ubho raulo. Tachi nodor ddolacher khillun urli; tache nodrentolim bhaunam tem vachunk xoklemna; ani hakach lagun tacher akant ailo. Jimache nodremn rag naslo, ozap naslem, napsonti nasli, bhirant nasli; nhoim mhunn ddolak opekxit aslele khoinchech umalle. Vichitr nodren to fokt taka ek=ttok pollet aslo.

Ddola mezauylean demvlem ani tachea mohreant gelem.

Mogachea jim', mhollem tannem, mhaka he bhaxen pollenaka. Hamvem mhoje kems kagonerun vikhun uddoile; itlech khatir, nanalam somear tuka bhettoust dilea xivai mhojean koxench ravum noz aslem dekhun mohje kems porot vaddttolen -tuka urkot za mum? khorench borkat na mum? mhaka noxenn korchench poddlem. Mhonne kems soddsoddit vaddttat. Khoxlobhorit notalam notalam mhonn pollomvea jim'; ani ami dogam-i khoxal zamveam. Tuka khobor na, hanem tuka kitli bori, kitli sobit bhettkorun haddlea ti.

Tuvem tujem kems kanroley? jimamn koxttamni vicharolem; oxem ki itlo vell taka mansik tras zhaun legit, hem sot ro sotmandunk xokunk naslo.

Katrolet, ani vikhun uddoilet ddola mhollem; toruy, tum mohaka titlench posont korinai? kems nastonai hamv hamvuch; nhoi?

jim' heutten teutten barikosannen pollounk laglo.

Tum mhonnttai tuje kems nanpoit zalet? pisantur zal'le bhaxen jiman mhollem.

Tum te kems sodhinakai, ddolan mhollem; hamne vikhlet tel khorench viroulet. Aiz notalanchi sanz, jim', mhojer ragar zainakai. Tuje khatiruch hamvem te vikhlet. Mhojea matheavoilo ekan ek kems mejlolo asum yet; tem mogan uloit raulem, punn, tuje sovem mhozo mog mat konnacheanuch ken'nach mezunk zamvchona. Tuka khaupak chops haddum, jim'?

jim' sopnantolo soddsoddit zagoul'le bhaxen zalo. Tannem aplea ddolak vengent ghetlem. Dha sekondam khatir ami kosley nori kohtv naslele vostuchi eke behlle dixen, chotur ravun barik choukoxi korumya. Atthouddeak $ 8 vo vorsak miliyn ddol- koslo forok poddpak aila? ek gonnitoxastrogone vo ek budout monis tuka chukiyo zavab ditlo. Tengai budvont razamni ovo moldik bhettounnlo haddleot; punn tanche modekot tem naslem; ho kallkhi dono uprant bhokaxit zatlo.

Jiman aplea kottachea bolsantlean ek parsol bhair kahlem; ani mezar uddoilem.

Mhuje bod'dol goir somon korinakai ddol jimamn mhollem, tuka dista kesank lagun do zmpuk lagun, vo anik osleam, mol nasleleam, karannank lagun hamv tuka utthom posont kortolom mhunn? punn, tum hem parsol ughddoxi zalear tuka kollttolem, survatek hamv oso abalar kiteak zalo; kiteak hamv godholl'llom to ddolan xittuk dhoveam bottani kagdachi sutli soddli. Ani uprant khoxalokayen bhorleli ek killonch, ani magir arere!!! bailank somvy agonelele pormonnem roddop, dukam golloup ani magir ghorachea dhonean apli soglli xokti vaprun tichem somadhan korop bhuzounn divp.

Karann, thoim teo soglleo dantonneo posrayal'leo asleot-vegvegllea torancheo, broddvechea vostusongrohant prodrxon korpak manddil'leo; zanchi khub kall pasun ddolo, eke bhaxen, puza aradhona korit axil'lem- sobit dantonneo, moteancho kantt aslolo, ddolachea odrixy zal'lea kemsank sobpa sarkho xud'dh kochkoddo (tortoise shell) mharom' dantonneo asleot heo; mem zanna aslem; ani heo dantonneo aple malvecheo zaupachi xokyonai nanch mhunn zanna zaun legit, tachem kalliz teo apnnaunk axel'lem, amvddel'lem, asusolelem. Ani atam tor teoch dantonneo tacheo svotacheo zal'leo; punn aple zhupkedar kems sozoupak hoyam sobai haddpi vostuchi monolea monota ji makha tanne balgil'li, te zhupkedar kem'much nachy zal'le.

jiman azun pasun apleak hddoleli bhettoust pollounk nasli. Aplea hatchea tallttar dourun ddomlan ti bhett aturotayen tache mukhar ghorli. Ddolachea utsahit, urbebhorit prourit'techea poddbimba vorvim, ti nistez miladik dhatuchi bhettoust zhogzhogota koxi disunk lagli.

Khorench oprotim' asa, nhoi jim'? kitlo kastig ghetlo hamvem xarant bhovun, ti melloupa khatir. Atam, disak xembhor pauttim tori tuvem vell pollomvcho poddttoloi. Ghoddeal di tujem mhaka. Hacher tem koxem sobta tem mhaka pollounk zai

tachi agonea pallpa bodlek, jim' polongar lounddolo, ani tokle pondak donuy hat dourun mumurokoch hamslo.

Ddol, tannem mhollem, ami amcheo notalancheo bhetto kaim khinnam khatir kuxik dourumya. Teo itleo sobit asat, atanch veginch vapuropakh mohaka puttvana. Ani atam chops randunk suru korxi?

teg rai, tumi zannant budvont monis aslet-azapanche budvont monis-zamnnim gotteant zoloml'lea ballkak bhetto haddleot. Nanalacheo bhetto divpachi kola, hi nanchi svotachi; tannim chalik laileli. Te budvont aslet mhonnttokuch tancheo bhettaye bi dubhavavinn tosleoch asleot. Ghoddyek eke vostuchem duttppiponn zalear, odla bodol korunk zatlem aslem dekhun, ani hangasor, eka ghorant raupi don murrt bhurgeanchi pochpochin gozal hamvem tumkam voilea voir sangon uddoili; jeo bhurgeamni aplea ghorantolem bhovo moladik vostunche bhanddar, pixea bhaxen vagon eka meka khatir teag kele. Punn, hea kallauylea budvont monxank ek xeuttachem ut'tor sangchem zalear, soglleamni oxem mhonnum di, hea fuddem jim monxam eka mekak bhetto bhettoitolim, tacheam soglleam poros budvont tim, hinch dogam. Jim monxam bhetto bhettoitan ani jim monxam bhetto svikarotat, tache modlim him dogam-i soglleam poros budvont. Soglle kodden tinch budvont tinch tim (teg) raya.

Aug 2020