(11 ಸೆಪ್ಟೆಂಬ್ರ್ 1862 -
5 ಜ್ಯೂನ್ 1910)
ಓ ಹೆನ್ರಿ (William Sydney Porter)
ಮೂಳ್ ಕಾಣಿ: The Gift of Magi. ಕೊಂಕಣಿಂತ್: ರಾಯಾಂಚಿ ಭೆಟವ್ಣ್
ಎಕ್ ಡೊಲರ್ ಆನಿ 87 ಸಂನ್ಟಸ್. ಫಕ್ತ್ ತಿತ್ಲೆಚ್, ಆನಿ ತಾಂತುತಲೆ 60 ಸಂನ್ಟಸ್. ಹೆಂ ನೀಜ್ ಜಾಣೆ ಆಸ್ಲೆತ್. ಉರ್ಮಟಪಣಾನ್ ಉಲೊವ್ನ್ ಪಸ್ರಕಾರಾಚೆರ್, ತರ್ಕಾರಿವಾಲ್ಯಾಚೆರ್, ಕಾಸಾಬಾಚೆರ್ ಗಪ್ಚೂಪ್ ಆರೊಪ್ ಘಾಲೂನ್, ಹಿಮ್ಟೆಪಣಾನ್ ಎಕ್, ದೊನ್ ಕರೂನ್ ಎಕ್ಟಾಯಿಲ್ಲೆ ಹೆ ಪೆನೀಜ್ ನಾಣೆ ಆಸ್ಲೆತ್. ಡೊಲಾನ್ ತೆ ತೀನ್ ಪಾವ್ಟಿಂ ಮೆಜ್ಲೆತ್. ತರೂಯ್ ತಿತ್ಲೆಚ್. ಎಕ್ ಡೊಲರ್ ಆನಿ 87 ಸಂನ್ಟಸ್. ಆನಿ, ದುಸ್ರೆ ದಿಸಾ ನತಾಲಾಂಚೆ ಫೈಸ್ತ್.
ಅಶೆಂ ಆಸ್ತನಾ, ಧಾಕ್ಟುಲ್ಯಾ ಪರ್ನ್ಯಾ ಪಲಂಗಾರ್ ಥಪ್ಕಲ್ ಮಾರೂನ್ ಬಸ್ಪಾ ಶಿವಾಯ್, ಆನಿ ಬೊಬೊ-ಹುಯೆಲ್ಯೊ ಮಾರೂನ್ ರಡ್ಪಾ ಶಿವಾಯ್ ಆನೀಕ್ ಕಾಂಯ್ಚ್ ಕರಪ್ ಶಕ್ಯ್ ನಾಸ್ಲೆ. ಮ್ಹಣ್ಟಕೂಚ್, ಡೊಲರ್ ತೆಂಚ್ ಕೆಲೆಂ. ಅಶೆಂ ದಿಸ್ತಾಲೆಂ, ಜೀವೀತ್ ಮ್ಹಳ್ಯಾರ್ ಹುಂಡ್ಕ್ಯಾಂನಿ ರಡಪ್, ನಾಕಾಂತ್ಲ್ಯಾನ್ ವ್ಹಾಂವ್ಪಿ ಶಿಮೂಟ್ ಸುಂ=ಸುಂ ಕರೂನ್ ಸಾಂವ್ರಪ್, ಆನಿ ಹಾಂಸಪ್. ನಯ್ತೀಕ್ ಪಡ್ಬಿಮ್ಬಾಕ್ ಕೊಮಾರ್ ಕಾಡ್ಪಿ ಜಿವೀತ್ ಮ್ಹಳ್ಯಾರೂಚ್ ರಡಪ್, ಹುಂಡ್ಕೆ ದಿವ್ಪ್ ಆನಿ ಮುಮುರಕೆಂ ಹಾಂಸಪ್.
ಘರಾಬ್ಯಾಚಿ ಮಾಲ್ಕೀಣ್ ಶಾಂತ್ ಜಾಯ್ತ್ ವತಾ ಮ್ಹಣ್ಸರ್, ತಿಚ್ಯಾ ಘರಾಕಡೆನ್ ನದರ್ ಮಾರೂಂಯಾ. ಪಡ್ರೆ, ಗಾಲಿಚೆ, ಲಾಂಕ್ಡಿ ಸಾಮಾನ್-ಸುಮಾನ್ ಬಿ ಸಗ್ಳೆಂ ಆಸ್ಲೆಂ ಘರಾಂತ್. ಆಥೌವ್ಡಯಾಕ್ $ 8 ಭಾಡೆಂ ಆಸ್ಲೆಂ. ಸಾರ್ಖೆಂಚ್ ಭಿಕಾರ್ಯಾಚೆಂ ಕಶೆಂ ಹೆಂ ಘರ್ ನಾಸ್ಲೆಂ; ತರೂಯ್, ಭಿಕಾರ್ಯಾಂಚೊ ದಳ್ ಹಯಾ ಘರಾಂತ್ ರಾವ್ತಾ ಗಾಯ್? ಮ್ಹಣ್ಪಾಚೊ ದುಭಾವ್ ಕೊಣಾಚ್ಯಾಯ್ ಮನಾಂತ್ ಯೆವಂಕ್ ಶಕ್ತಾಲೊ.
ಸಕಯ್ಲ್ಯಾ ಒಟ್ಯಾರ್ ಚಿಟಿ ಘಾಲ್ಪಾಕ್ ಚಿಟೀಂಚೆ ಬೊಕ್ಸ್ ಆಸ್ಲೆಂ; ಪೂಣ್ ಅಸ್ಲೆ ಪರಿಸ್ಥಿತೀಂತ್, ತಾಂತೂಂನ್ ಎಕೂಯ್ ಚಿಟ್ ಭಿತರ್ ಪಡಪ್ ಶಕ್ಯ್ ನಾಸ್ಲೆಂ. ಘಂಟಿ ವಾಜವ್ಪಾಕ್ ದಾರಾರ್ ವಿಜೆಚೊ ಬುತಾಂವ್ ಆಸ್ಲೊ; ಪೂಣ್ ಕಿತೆಂಚ್ ಕೆಲ್ಯಾರ್ ತಾಂತುಂತ್ಲ್ಯಾನ್ ಘಾಂಟೀಚೊ ಆವಾಜ್ ಕಾಡ್ಪಾಕ್ ಕೊಣಾಕೂಚ್ ಕಸೆಂಚ್ ಶಕ್ಯ್ ಜಾವ್ಪಾಚೆಂ ನಾಸ್ಲೆಂ. ಶಿವಾಯ್, ದಾರಾರ್ ಘರಾಚ್ಯಾ ಮಾಲ್ಕಾಚೆಂ ನಾಂವ್ ಆಸ್ಲೊಲೊ ತಕ್ಟೊ ಆಸ್ಲೊ, ”ಜೆಮ್ಸ್ ಡಿಲಿಂಗಹಂಸ್ ಯಂಗ್ (James Dillingham Young).
ಡಿಲಿಂಗಹಂಸ್ ಹೆಂ ನಾಂವ್, ತ್ಯಾ ಕಾಳಾರ್ ಬರೆಂ ಸೊಬ್ತಾಲೆಂ, ಜೆನ್ನಾ ದರ್ ಎಕ್ ದೀಸ್ ಭರ್ಭರಾಟೀಚೊ, ಉದರ್ಗತಿಚೊ ಆಸ್ಲೊ, ಆನಿ ಘರಾಚ್ಯಾ ಮಾಲ್ಕಾಕ್ ಆಠೊವ್ಡಯಾಕ್ $ 30 ಪಗಾರ್ ಮೆಳ್ಟಾಲೊಂ. ಉಪ್ರಾಂತ್, ಜೆನ್ನಾ ಆಠೊವ್ಡಯಾಚೊ ಪಗಾರ್ $20 ಡೊಲರಾಂಚೆರ್ ದೆಂವ್ಲೊ, ತೆನ್ನಾ ಡಿಲಿಂಗಹಂಸ್ ನಾಂವಾಂತಲಿ ಫಕ್ತ್ ಡಿ-ಚ್ ಉರ್ಲಿ. ತರೂಯ್, ಜೆಮ್ಸ್ ಡಿಲಿಂಗಹಂಸ್ ಯಂಗ್, ಆಪ್ಲ್ಯಾ ವಯ್ಲ್ಯಾ ಮಾಳ್ಯೆವಯ್ಲ್ಯಾ ಘರಾಂತ್ ಭಿತರ್ ಸರ್ತಕೂಚ್, ತಾಕಾ ಜಿಮ್ ಮ್ಹೂಣ್ ಉಲೊ ಮಾರೂನ್, ಘಟ್ ವೆಂಗ್ ಮಾರೂನ್ ತಾಚೆ ಬಾಯ್ಲೆ ಕಡ್ಲ್ಯಾನ್, ಮ್ಹಣ್ಚೆಂಚ್ ”ಮಿಸೆಸ್ ಜೆಮ್ಸ್ ಡಿಲಿಂಗಹಂಸ್ ಯಂಗ್, ಯೆವ್ಕಾರ್ ಮೆಳ್ಟಾಲೊ. ಆನಿ ವಯ್ರ್ ಸಾಂಗ್ಲೆಲೆ ಪರಿಂ, ಹೆಂಚ್ ತೆಂ ಡೊಲಾ, ಜೆಮಸ್ಚಿ ಬಾಯ್ಲ್. ಮ್ಹಣ್ಟಕೂಚ್, ಸಗ್ಳೆಂ ಠೀಕ್-ಠಾಕ್ ಆಸ್ಲೆಂ.
ಡೊಲಾನ್ ಆಪ್ಲೆಂ ರಡ್ನೆಂ ಥಾಂಬಯ್ಲೆಂ; ಗಾಲಾಂಕ್ ವೆವ್ಸ್ಥೀತ್ ಪಾವ್ಡರ್ ಬಿ ಮಾರೂನ್ ಜಾತ್ಕೂಚ್, ನಿಸ್ತೆಜ್ ಮನಾನ್ ಜನೆಲಾಕಡೆನ್ ಉಭೆಂ ರಾವೂನ್ ಭಾಯ್ರ್ ಪಳೊವಂಕ್ ಲಾಗ್ಲೆಂ; ಜಾಲ್ಯಾರ್, ಮಾಗ್ದೆರ್ಯಾಂ ಆಡೊ ಘಾತ್ಲೆಲ್ಯಾ ಉಗ್ಟೆ ಸುವಾತೆಂತ್ಲ್ಯಾನ್ ಗೊಬ್ರಾಚ್ಯಾ ರಂಗಾಚೆಂ ಎಕ್ ಮಾಜೊರ್ ಚಲತ್ ಆಸ್ಲೆಂ. ಫಾಲ್ಯಾಂ ನತಾಲಾಂಚೆಂ ಫೆಸ್ತ್; ಆನಿ ತಾಚೆ ಕಡೆನ್ ಫಕ್ತ್ $ 1.87 ಆಸ್ಲೆತ್. ಹಯಾಂ ದುಡ್ವಾಂನಿ ತಾಕಾ ಜಿಮಾ ಖಾತೀರ್ ಭೆಟ್ವಸ್ತ್ ಘೆವ್ಪಾಚಿ ಆಸ್ಲಿ. ತೆ ಖಾತೀರ್, ಕಿತ್ಲ್ಯಾಶ್ಯಾಂಚ್ ಮಯ್ನ್ಯಾಂಯಾಂ ಪಾಸೂನ್ ತೆಂ ಎಕ್, ಎಕ್ ಪೆನ್ನಿ (penny) ಎಕ್ಟಾಯತ್ ಆಸ್ಲೆಂ. ಆಠೊವ್ಡಯಾಕ್ $ 20 ಪಗಾರ್ ಚಡ್ ಕಾಳ್ ತಿಗ್ನಾ. ತಾಣೆಂ ಹಿಶೆಬ್ ಕೆಲ್ಲೆ ಪರಸ್ ಖರ್ಚ್ ಸುಬೆಜೂಚ್ ಜಾಲ್ಲೊ. ತಶೆಂಚ್ ಆಸ್ತಾ ತೆಂ. ಖರ್ಚ್ ಸುಬೆಜ್ ಜಾತಾಚ್. ಫಕ್ತ್ $ 1.87 ಬಾಕಿ ಉರ್ಲೆಲೆತ್; ಆನಿ ಹಯಾಂ ಇತ್ಲ್ಯಾಂಚ್ ದುಡ್ವಾಂನಿ ತಾಣೆಂ ಜಿಮಾ ಖಾತೀರ್ ಭೆಟ್ ವಸ್ತ್ ಘೆವಂಕ್ ಜಾಯ್ ಆಸ್ಲಿ. ತಾಚೊ ಜಿಮ್. ತಾಚೆ ಖಾತೀರ್ ಕಸ್ಲೀಯ್ ತರಿ ಬರಿ ವಸ್ತ್ ಘೆವ್ಪಾಕ್, ತಾಣೆಂ ಕಿತ್ಲಿಂ ತರಿ ವರಾಂ ಖೂಬ್ ಯೆವ್ಜೂನ್ ಖೊಶಾಲಕಾಯೆನ್ ಸಾರ್ಲೆಲಿ. ಕಿತೆಂ ತರಿ ಸೊಬೀತ್, ಸುಂದರ್, ಆನಿ ದುರ್ಮೀಳ್, ಆನಿ ಅಸ್ಪಳ್, ಆನಿ ಅಸ್ಸಲ್ ಭೆಟೆನ್ಚ್ ಘೆನ್ಪಾಕ್. ಆಪೂಣ್ ಜಿಮಾಚಿ ಮ್ಹಾಲ್ ಮತ್ತಾ ಸಮ್ಜೂನ್, ತಾಚೆ ಮಾಲ್ಕೆಚೆ ಪ್ರತಿಇಟೆಕ್ ಲಾಯ್ಕ್ ಥಾರ್ಪಾ ಸಾರ್ಖಿ ಕಸ್ಲೀಯ್ ತರಿ ತ್ಯಾಗ್ ಲಾಯ್ಕೆಚಿ ಭೆಟ್ಕರೂನು ತೆಂ ತಾಕಾ ಘೆವ್ಪಾಕ್ ಸೊದ್ತಾಲೆಂ.
ಡೊಲಾ ಉಭೆಂ ಆಸ್ಲೆಂ ಥಂಯ್ ದೊನ್ ಜನೆಲೊ ಮದೆಂ ಪಾಯ್ರ್ ಗ್ಲಾಸ್ ಹಾರ್ಸೊ ಆಸ್ಲೊ. ಘಡ್ಯೆಕ್ ತುಮಿ $ 8 ಚ್ಯಾ ಘರಾಂತ್ ಅಸೊ ಪಾಯ್ರ್ ಗ್ಲಾಸ್ ಪಳೆಲಾ ಆಸ್ತಲೊ. ಫಕ್ತ್ ಎಕ್ ಬಾರೀಕ್, ಸುಡ್ಸುಡೀತ್ ಮನೀಸ್ ಆಪ್ಲೆಂ ಪಡ್ಬಿಂಬ್ ಹ್ಯಾ ಹಾರ್ಶ್ಯಾಂತ್ ಪಳೊವ್ನ್, ಆಪ್ಲೆ ಸೊಬೀತಕಾಯೆಚೊ ಥೊಡೊಭೊವ್ ಅರ್ಮಾಸ್ ಕಾಡೂಂಕ್ ಶಕ್ತಾಲೊ. ಡೊಲಾ ಸುಟ್ಸುಟೀತ್ ಆಸ್ಲೆಲ್ಯಾನ್, ತಾಕಾ ಹಿ ಕಲಾ ಬರೆ ತರೆನ್ ಜಮ್ತಾಲಿ.
ಅಕ್ಸಮಾತ್ ತೆಂ ಜನೆಲಾಪಾಸೂನ್ ಪಯ್ಸ್ ಘುಂವ್ಲೆಂ, ಆನಿ ಹಾರ್ಶ್ಯಾ ಮುಖಾರ್ ಯೆವ್ನ್ ಉಭೆಂ ರಾವ್ಲೆಂ. ತಾಚೆ ದೊಳೆ ಲಿಕ್ಲಿಕತಾಲೆ; ಪೂಣ್ ತಾಚ್ಯಾ ತೊಂಡಾವೆಲೊ ರಂಗ್ ಬೀಸ್ ಸೆಕಂದಾಂನಿ ನಪಂಯ್ಚ್ ಜಾಲೊ. ತಾಕ್ತಿಕೆನ್ ತಾಣೆಂ ಬಾಂದ್ಲೆಲೆ ಆಪ್ಲೆ ಕೆಂಸ್ ಸೊಡ್ಲೆತ್, ಆನಿ ಆಪ್ಲ್ಯಾ ಇತ್ಲ್ಯಾ ಲಾಂಬ್ಚೆಲಾಂಬ್ ಕೆಂಸಾಕ್ ತೊಖೆತ್ ರಾವ್ಲೆಂ.
ಆತಾಂ ಸಾಂಗ್ಚೆಂ ಜಾಲ್ಯಾರ್, ಜೆಮ್ಸ್ ಡಿಲೀಂಗಹೆಮ್ ಯಂಗ್, ಹ್ಯಾ ಜೊಡ್ಪ್ಯಾಕ್, ಆಪ್ಲೆ ಲಾಗಿಂ ಆಸ್ಲೆಲ್ಯಾಂ ದೊನ್ ವಸ್ತುಂಚೆರ್ ಭೊವ್ ವ್ಹಡ್ ಆಭಿಮಾನ್ ಆಸ್ಲೊ; ವ್ಹಡ್ವೀಕ್ ಆಸ್ಲಿ. ಎಕ್ ವಸ್ತ್ ಮ್ಹಳ್ಯಾರ್, ಜಿಮಾ ಕಡೆನ್ ಆಸ್ಲೆಲೆಂ ಭಾಂಗಾರಾಚೆಂ ಘಡ್ಯಾಲ್. ಹೆಂ ಘಡ್ಯಾಲ್ ತಾಚ್ಯಾ ಬಾಪಾಯ್ಚೆಂ, ಆನಿ ತಾಚೆ ಆದಿಂ ತಾಚ್ಯಾ ಶಾಪಾಯ್ಚೆಂ ಆಸ್ಲೆಂ. ದುಸ್ರಿ ವಸ್ತ್ ಮಹ್ಳ್ಯಾರ್, ಡೊಲಾಚೆ ಕೆಂಸ್ ತಾಂಚ್ಯಾ ಘರಾಚೆ ಪೆಲೆ ವಾಟೆನ್ ಜರ್ ಶಿಬಾ ಚಿ ರಾಣಿ ವಸ್ತಿ ಕರೂನ್ ಆಸ್ಲಿ ಜಾಲ್ಯಾರ್, ಡೊಲಾ, ಆಪ್ಲ್ಯಾಂ ಕೆಸಾಂ ಸಾಮ್ಕಾರ್ ರಾಣ್ಯೆಚ್ಯಾಂ ಮಾಣ್ಕಾಂ ಮೊತ್ಯಾಂಚಿ ಕಿಂಮತ್ ಶೂನ್ಯ್ ಮ್ಹೂಣ್ ಪಟೊವ್ನ್ ದಿವ್ಪಾ ಖಾತೀರ್, ಖಂಯ್ಚ್ಯಾಯ್ ವೆಳಾರ್ ಜನೆಲಾಕಡೆನ್ ಆಪ್ಲ್ಯಾಂ ಲಾಂಬ್ ಕೆಸಾಂಚೆಂ ಪ್ರದ್ರ್ಶನ್ ಕರ್ಪಾಚೆಂಚ್. ಆನಿ, ಸೊಲೊಮೊಜ್ ರಾಜಾ, ಆಪ್ಲ್ಯಾಂ ಮೊಲಾದೀಕ್ ವಸ್ತುಂಚೊ ಯೆವೊ ಎಕೆ ಕುಡೀಂತ್ ಸಾಟೊವ್ನ್ ತೆ ಕುಡೀಚಿ ರಾಖಣ್ ಕರ್ಪಾ ಖಾತೀರ್ ರಾಖಣ್ ಕರ್ಪಾ ಖಾತೀರ್ ರಾಖ್ಣಡಾರ್ ಆಸ್ಲೊ ಜಾಲ್ಯಾರ್, ದರ್ ಎಕ್ ಪಾವ್ಟೀಕ್ ತೆ ವಾಟೆಂತ್ಲ್ಯಾನ್ ಆಸಾರ್ ಪಾಸಾರ್ ಜಾತ್ನಾ, ಆಪ್ಲೆಂ ಘಡ್ಯಾಲ್ ರಾಜಾಚೆ ನದ್ರೆಕ್ ಪಡ್ಚೆಂ ಮ್ಹೂಣ್ ಜಿಮ್ ಮುದ್ದಮೂಚ್ ಆಪ್ಲೆಂ ಟೆಂ ಘಡ್ಯಾ ಬೊಲ್ಸಾಂತ್ಲ್ಯಾನ್ ಭಾಯ್ರ್ ಭಿತರ್ ಕಾಡೀತ್ ರಾವ್ತಲೊ ಆಸ್ಲೊ; ರಾಜಾಕ್ ನಿಡ್ಡೂಕಾಯ್ ಜಾಂವ್ಚಿ ಮ್ಹುಣ್.
ತರ್ ಉಪ್ರಾಂತ್ ಡೊಲಾಚೆ ಸೊಬೀತ್ ಲಾಂಬ್ ಕೆಂಸ್ ಚಕ್ಚಕೀತ್ ಉದ್ಕಾಚ್ಯಾ ಲ್ಹಾನ್ಶ್ಯಾ ಲಹಾರಾಂಚೊ ಧಾಕ್ಟುಲೊಚ್ ಘಸ್ಘಸೊ ಕಸೊ, ತಾಚಿ ಪಾಟ್ಭರ್ ಪಸ್ರಲೆತ್. ತಾಚ್ಯಾ ಧೊಂಪ್ರಾಂ ಸಕಯ್ಲ್ ಪಾವ್ಲೆಲೆ ತಾಚೆ ಕೆಂಸ್ ತಾಚೆ ಕುಡೀಕ್ ಎಕ್ ವಸ್ತ್ರ್ ಕಶೆಂ ಸೊಬ್ತಾಲೆತ್. ನೆರ್ವೊಜ್ ಜಾಲ್ಲೆ ಭಾಶೆನ್ ಸೊಡ್ಸೊಡೀತ್ ತಾಣೆಂ ಪರತ್ ಕೆಂಸ್ ಬಾಂದ್ಲೆತ್. ಎಕೂಚ್ ಪಾವ್ಟ್ ಎಕಾ ಮಿನುತಾ ಖಾತೀರ್ ತೆಂ ಆಡಖ್ಳ್ಳೆಂ; ಆನಿ ದೊಳ್ಯಾಂತಲಿ ಎಕ್ ದೊನ್ ದೆಂವ್ಲೆಲಿಂ ದುಕಾಂ, ಉದ್ಕಾಚೊ ಶಿತೊಡೊ ಉಸ್ಳ್ಳೆ ಲೆ ಭಾಶೆನ್, ಪೊರ್ನ್ಯಾ ತಾಂಬ್ಡಯಾ ಕಾರ್ಪೆಟಾಚೆರ್ ಪಡ್ಟಾನಾ, ತೆಂ ಥಂಯ್ಚ್ ಖೂಂಟ್ ಕಶೆಂ ಉಭೆಂ ಉರ್ಲೆಂ.
ತಾಣೆಂ ಆಪ್ಲೆಂ ಪೊರ್ನೆಂ ಕೊಪೀಚ್ಯಾ ರಂಗಾಚೆಂ ಜಕೀಟ್ ಆಂಗಾರ್ ಚಡಯ್ಲೆ; ಉಪ್ರಾಂತ್ ಕೊಪೀಚ್ಯಾ ರಂಗಾಚೆಂ ಪೊರ್ನೆಂ ಚೆಪೆಂ ಮಾಭ್ಯಾಕ್ ಘಾತ್ಲೆಂ; ಆನಿ ತಶ್ಶ್ಯಾ ತಶೆಂ ಆಸ್ಲೆಲ್ಯಾ, ದೊಳ್ಯಾಂನಿ ಲಿಕ್ಲಿಕಪಿ ತೆಜಾ ಸಕಟ್ ಆಪ್ಲ್ಯಾ ವಿಸ್ತೀದಾಚಿ ಎಕ್ ಗಿರ್ಕಿ ಮಾರೀತ್, ತಸೊಚ್ ಎಕ್ ಭೊಂವ್ರ್ ಮಾರೀತ್ ತೆಂ ದಾರ್ ಉಘ್ಡೂನ್ ಸಕ್ಲಾ ಮಾರ್ಗಾರ್ ಪಾವ್ಲೆಂ.
ತೆ ಜಂಯ್ ಥಾಂಬ್ಲೆಂ, ಥಂಯ್ ಎಕ್ ನಕ್ಟೊ ಲಾಯ್ಲೊಲೊ ಆಸ್ಲೊ:- qಡೊಮ್ ಸೊಫ್ರೊನಿ ಸಗ್ಳೆ ತರ್ಚೊ ಕೆಂಸಾಂಚಿ ಸಾಮ್ಗ್ರಿ. ಡೊಲಾ ವಯ್ಲೆ ಮಾಳ್ಯೆರ್ ಧಾಂವ್ತ್ ಚಡ್ಲೆಂ. ಖರ್ಶೆಲೆಂ. ಇಲೊ ವಿಸವ್ ಘೆತ್ಲೊ. ದುಕೊನಾಚಿ ಮಾಲ್ಕೀಣ್ ಖುಬೂಚ್ ಮೊಟಿ, ಖುಬೂಚ್ ಗೊರಿ, ನಿರೂತ್ಸಾಹಿ ಆಸ್ಲಿ. ಸೊಫ್ರೊನಿ ನಾಂವಾಕ್ ಸೊಬ್ಪಾ ಸಾರ್ಖಿ ದಿಸಚ್ ನಾಸ್ಲಿ.
ತುಂ ಮ್ಹಜೆ ಕೆಂಸ್ ವಿಕ್ತೆ ಘೆತ್ಲಿ? ಡೊಲಾನ್ ವಿಚಾರಲೆಂ.
ಹಾಂವ್ ಕೆಂಸ್ ವಿಕ್ತೆ ಘೆತಾಂ, ಮಾಲ್ಕೀಣೀನ್ ಸಾಂಗ್ಲೆಂ. ತುಜೆಂ ಚೆಪೆಂ ಕಾಡ್, ಆನಿ ತುಜ್ಯಾ ಕೆಂಸಾಂಚೆರ್ ಎಕ್ ನದರ್ ಮಾರೂನ್ ಪಳೆತಾಂ.
ಆನಿ, ಡೊಲಾಚೆ ಬಾಂಧ್ಲೆಲೆ ಕೊಫೀಚ್ಯಾ ರಂಗಾಚೆ ಕೆಂಸ್, ಲ್ಹಾರೊ ಕಶಿಂ ಘಸ್ಘಶೀತ್ ಸಕ್ಲಾ ದೆಂವ್ಲೆ.
ವೀಸ್ ಡೊಲರ್, ಡೊಲಾಚ್ಯಾ ಕೆಂಸಾಂಚೊ ಚೊಂಬೊ ಆಪ್ಲ್ಯಾ ಹಾತಾಂನಿ ಉಖ್ಲೀತ್ ಮಾಲ್ಕೀಣೀಣ್ ಸಾಂಗ್ಲೆಂ.
ದಿ ತರ್ ಮ್ಹಾಕಾ; ವೆಗ್ಗೀನ್, ಡೊಲಾನ್ ಮ್ಹಳೆಂ.
ಆನಿ ಫುಡ್ಲಿಂ ದೊನ್ ವರಾಂ ಸುಖಾಚ್ಯಾ ಪಾಖೊಟಯಾಂಚೆರ್ ಉಡತ್ ರಾವ್ಲೆಂ ಡೊಲಾ. ಜಿಮಾ ಖಾತೀರ್ ಘೆವಂಕ್ ಜಾಯ್ ಆಸ್ಲೆಲಿ ಭೆಟವ್ಸ್ತ್ ಸೊದ್ಪಾ ಖಾತೀರ್ ಡೊಲಾ ಸಗ್ಳಿಂ ದುಕೊನಾಂ ಧವ್ಳೀಬ್ ರಾವ್ಲೆಂ.
ಆಖ್ರೆಕ್, ಮೆಳ್ಳಿ ತಾಕಾ ತಿ ವಸ್ತ್. ತಿ ವಸ್ತ್ ಖೆರೀತ್ ಜಿಮಾ ಖಾತೀರೂಚ್ ಕೆಲೆಲಿ ಆಸ್ಲಿ; ಆನೀಕ್ ಕೊಣಾಚ್ಯಾಚ್ ಖಾತೀರ್ ನ್ಹಯಂ ತಾಣೆಂ ಸಗ್ಳಿಂ ದುಕೊನಾಂ ಭೊಂವೂನ್ ಪಳಯ್ಲ್ಲೆ. ಪಕೂಯ್ ದುಕೊನ್ ಸೊಡೂಂಕ್ ನಾಸ್ಲೆಂ. ಪೂಣ್ ಹಾಕಾ ಸರ್ ಜಾವ್ಪಿ ದುಸ್ರಿ ವಸ್ತ್ ತಾಕಾ ಖಂಯ್ಚ್ ಮೆಳೂಂಕ್ ನಾಸ್ಲಿ. ಹಿ ವಸ್ತ್ ಮ್ಹಳ್ಯಾರ್, ಸಾದಿ, ನಿತಳ್ ಟಿನ್ಮಚಿ ಘಡ್ಯಾಲಾಚಿ ಸಾಂಖ್ಳಿ ಆಸ್ಲಿ. ಹೆ ಸಾಂಖ್ಳೆಚೆಂ ಮೊಲ್ ವೆವ್ಸ್ಥೀತ್ ಠಳ್ಕಪಣಿಂ ದಿಸ್ತಾಲೆಂ ತೆಂ ತಿಚ್ಯಾಂ ಸತ್ವಾಂ ವೆಲ್ಯಾನ್; ಸೊಬ್ ಹಾಡ್ಪಿ ಭೊಪ್ಕೆಬಾಜ್ ನಾಸ್ಲಿ ಹಿ ವಸ್ತ್, ದಿಖಾಉ ನಾಸ್ಲಿ-ಆನಿ ಖರ್ಯಾನೀಚ್ ಸಗ್ಳ್ಯೊ ಬರ್ಯೊ ವಸ್ತು ಅಶ್ಯೊಚ್ ಆಸ್ಪಾಕ್ ಜಾಯ್, ತಿ ಪಳೆತನಾಚ್ ತಾಕಾ ಮನಾ ಪಾಸೂನ್ ದಿಸ್ಲೆಂ, ಹಿ ವಸ್ತ್ ಜಿಮಾ ಖಾತೀರೂಚ್. ಜಿಮಾ ಭಾಶೆನೂಚ್ ಆಸ್ಲಿ ತಿ. ಶಾಂತಿ ಆನಿ ವಾಲೊರ್-ಹೆಂ ವರ್ಣನ್ ದೊಗಾಂಯ್ಕೂಯ್ ಲಾಗು ಜಾತಾಲೆಂ. ತಾಚೆ ಕಡ್ಲ್ಯಾರ್ ತೆ ವಸ್ತುಚೆ ತಾಣಿಂ 21 ಡೊಲರ್ ಘೆತ್ಲೆತ್; ಆನಿ ಉರ್ಲೆಲೆ 87 ಸೆನ್ಟಸ್ ಘೆವ್ನ್ ತೆಂ ತಾಕ್ತೀಕೆನ್ ಘರಾ ಪರ್ತಲೆಂ. ಜಿಮಾಚ್ಯಾ ಘಡ್ಯಾಲಾಕ್ ಹಿ ಸಾಂಖ್ಳಿ ಘಾಲ್ತಕೂಚ್, ಕೊಣಾಚ್ಯಾಯ್ ಸಾಂಗಾತಾನ್ ಆಸ್ಲ್ಯಾರ್ ಲೆಗೀತ್, ಘಡ್ಯಾಲಾರ್ ವೆಳ್ ಪಳೊವ್ಪಾ ಖಾತೀರ್, ಜಿಮ್ ಉತ್ಸೂಕ್ ಜಾವ್ಪಾಚೊಚ್. ಘಡ್ಯಾಲ್ ತರ್ ಅಪ್ರತಿಮ್ ಆಸ್ಲೆಂಚ್, ಪೂಣ್ ಘಡ್ವಾಲಾಚೊ ಪರ್ಸೊ ಸಾಂಖ್ಕೆಚ್ಯಾ ಜಾಗ್ಯಾರ್ ಚಾಮ್ಡ್ಯಾಚೊ ಆಸ್ಲೆಲ್ಯಾನ್, ವೆಳ್ ಪಳೆತನಾ ಜಿಮ್ ಕೆನ್ನಾಯ್ ಲಿಪ್ ಚೊರ್ಯಾಂ ಘಡ್ಯಾಲ್ ಪಳೆಸಾಲೊ.
ಡೊಲಾ ಘರಾ ಪರ್ತತಕೂಚ್, ತಾಚಿ ಹಿ ಖೊಶೆಚಿ ನಶಾ ದೆಂವ್ಲಿ, ಆನಿ ಇಲೆಂ ಶಾಣೆಪಣ್ ಆನಿ ಸಮ್ಜೀಕಾಯ್ ತಾಚ್ಯಾಂತ್ ಆಯ್ಲಿ. ತಾಣೆಂ ಕೆಂಸ್ ಕೊಂಗ್ರೆ ಕರ್ಪಾಚೆಂ ಆಪ್ಲೆಂ ಭಂನ್ನ್ ಆಗರ್ ಕಾಡ್ಲೆಂ, ಸ ಪೆಟಯ್ಲಿ, ಆನಿ ಮೊಗಾನ್ ಕೆಲೆಲ್ಯಾ ಉದಾರಪಣಾಕ್ ಲಾಗೂನ್ ತಾಣೆಂ ಜೊ ಸತ್ಯಾನಾಶ್ ಕೆಲ್ಲೊ, ತ್ಯಾ ದುರೂಸ್ಯಿ ಕರ್ಪಾಚ್ಯಾ ಕಾಮಾಂಕ್ ಸುರ್ವಾತ್ ಕೆಲಿ. ಆನಿ ಹೆಂ ಕಾಮ್ ಕರಒ ಮ್ಹಳ್ಯಾರ್ ಎಕ್, ಜಬ್ರದ್ಸ್ತ್ ಕಾಮ್ ಆಸ್ತಾ, ಮೊಗಾಚ್ಯಾ ದರ್ಟಾನೊ-ಖೂಬ್ ಹಡ್ಲೆಂ ಕಾಮ್ 40 ಮಿಣ್ಟಾಂ ಭಿತರ್, ಕೊಂಗ್ರ್ಯಾಂ ಕೆಂಸಾಂನಿ ಭರ್ಲೆಲೆಂ ತಾಚೆಂ ಮಾಥೆಂ ಪಳೊವ್ನ್, ಪಳೆತಲೊ ಕೊಣೂಯ್ ಮನೀಸ್ ತಾಕಾ ಎಕ್ ವಾಲೆಸ್ ವಿದ್ಯಾರ್ಥಿ ಸಮ್ಜತಲೊ ಆಸ್ಲೊ. ತೆಂ ಆಪ್ಲೆಂ ಪಡ್ಬಿಂಬ್, ಖೂಬ್ ವೆಳ್ ಪರ್ಯಾನ್, ಜತ್ನಾಯೆನ್ ನಿರಿಕ್ಷಣ್ ಕೆಲ್ಲೆ ಭಾಶೆನ್ ಹಾರ್ಶ್ಯಾಂತ್ ಪಳೆತ್ ರಾವ್ಲೆಂ.
ಮ್ಹಜೆರ್ ಪರ್ತೂನ್ ಎಕ್ ಪಾವ್ಟ್ ನದರ್ ಮಾರ್ಚೆ ಆದಿಂ, ಜರ್ ಜಿಮೊನ್ ಮ್ಹಾಕಾ ಜಿತೆಂಚ್ ಮಾರೂಂಕ್ ನಾ, ತೆಂ ಸ್ವತಾಶೀಂಚ್ ಡಲೊವಂಕ್ ಲಗ್ಲೆಂ, ಜಾಲ್ಯಾರ್, ಹಾಂವ್ ಖಂಯ್ಚ್ಯಾ ತರಿ ಹೆಡ್ಗೆ ಜಮಾತೀಂತಲೆಂ ಗಾವ್ಪೀಣ್ ದಿಸ್ತಾಂ ಅಶೆಂ ತೊ ನಕ್ಕೀಚ್ ಮ್ಹಣ್ಟಲೊ ಮ್ಹಾಕಾ. ಪೂಣ್, ಹಾಂವ್ ಆನೀಕ್ ಕಿತೆಂ ಕರೂಂಕ್ ಶಕ್ತಾಲಿಂ?-ಒಹ್!! ಎಕ್ ಡೊಲರ್ ಆನಿ 87 ಸೆನ್ಟಸ್ ಘೆವ್ನ್ ಹಾಂವ್ ಕರೂಂಕ್ ತರಿ ಕಿತೆಂ ಶಕ್ತಾಲಿ?
ಸಾತ್ ವರಾಂಚೆರ್ ಕೊಫಿ ಕೆಲಿ, ಆನಿ ಚೊಪ್ಸ್ ರಾಂದ್ಪಾ ಖಾತೀರ್ ಕಾಯ್ಲ್ ಸ್ಟೊವಾಚೆರ್ ತಾಪೊಂಕ್ ದವ್ರಲಿ.
ಜಿಮಾಕ್ ಕೆನ್ನಾ ಉಶೀರ್ ಜಾಯ್ನಾಸ್ಲೊ. ಡೊಲಾನ್ ಘಡ್ಯಾಲೀಚಿ ಸಾಂಖ್ಳಿ ಆಪ್ಲ್ಯಾ ಹಾತಾಂತ್ ದೊಡ್ಲಿ, ಆನಿ ಜಿಮ್ ಘರಾಂತ್ ಭಿತರ್ ಸರ್ತಾಲೊ ತ್ಯಾ ದಾರಾ ಕಡೆನ್ ಆಸ್ಲೆಲ್ಯಾ ಮೆಜಾಚ್ಯಾ ಎಕ್ ಕೊನ್ಶ್ಯಾರ್ ವಸ್ಲೆಂ. ತೆನ್ನಾ ತಾಣೆಂ, ಸವಾಲಾ ಸಾವ್ನ್ ವಯ್ರ್ ರೊವ್ಪಿ ಇಸ್ಕಾದೀರ್ ಜಿಮಾಚ್ಯಾ ಪಾಂವ್ಳಾಂಚೊ ಆವಾಜ್ ಆಯ್ಕಲೊ ಆನಿ ಖಿಣ್ಭರ್ ತಾಚ್ಯಾ ತೊಂಡಾವ್ಯಲಿ ರಂಗೂಚ್ ಉಡ್ಲೊ. ದೊಸಪ್ಟ್ಟಿಂ ಘಡಟ್ಲ್ಯಾ ಸಾದ್ಯಾಂ ಗಜಾಲಿಂ ವಿಶಿಂ ಮನಾಂತ್ಲ್ಯಾ ಮಜಾಂತ್ ಮಾಗ್ಣೆಂ ಕರ್ಪಾಚಿ ತಾಕಾ ಸಂವ್ಯ್ ಆಸ್ಲಿ; ಆನಿ ಹ್ಯಾ ಅಶ್ಯಾ ವೆಳಾರ್ ನಾಣೆಂ ಲ್ಹವೂಚ್ ದೆವಾಕ್ ಉಲೊ ಮಾರ್ಲೊ, ದೆವಾ, ಉಪ್ಕಾರ್ ಕರೂನ್ ಜಿಮಾಚ್ಯಾ ದೊಳ್ಯಾಂಕ್ ಹಾಂವ್ ಆಜುನೂಚ್ ಸೊಬೀತ್, ಸುಂದರ್ ದಿಸೂಂಶೆಂ ಕರ್.
ದಾರ್ ಉಘ್ಡೂನ್ ಜಿಮ್ ಭಿತರ್ ಸರ್ಲೊ, ಆನಿ ದಾರ್ ಬಂದ್ ಕೆಲೆಂ. ತೊ ಬಾರೀಕ್ ದಿಸ್ತಾಲೊ, ಆನಿ ಖೂಬ್ ಗಂಭೀರೂಯ್ ಬಿ. ಚುರ್ಚುರೆ ಬಾಬ್ಡ್ಯಾಚೆ; ತೊ ಫಕ್ತ್ ಬಾವೀಸ್ ವರ್ಸಾಂ ಪಿರಾಯೆಚೊ ಆಸ್ಲೊ-ಆನಿ ಕುಟುಂಬಾಚೆಂ ವಜೆಂ ತಾಚೆರ್ ಪಡ್ಲೆಲೆಂ!!! ತಾಕಾ ಎಕಾ ನವ್ಯಾ ಕೊಟಾಚಿ ಗರಜ್ ಆಸ್ಲಿ, ಆನಿ ತಾಚೆ ಕಡೆನ್ ಹಾತಾಂಚಿಂ ಲುವಾಂಯ್ ನಾಸ್ಲಿಂ.
ಸುಣ್ಯಾಕ್ ಶಿಕಾರೆಚೊ ವಾಸ್ ಯೆತ್ಕೂಚ್ ಥಂಯ್ಚ್ಯಾ ಥಂಯ್ಚ್ ತಾಣೆಂ ಥಾಂಬ್ಚೆಂ, ತಸೊ ಜಿಮ್, ಭಿತರ್ ಸರ್ತನಾಚ್, ಖೂಂಟ್ ಕಸೊ ಉಭೊ ರಾವ್ಲೊ. ತಾಚಿ ನದರ್ ಡೊಲಾಚೆರ್ ಖಿಳೂನ್ ಉರ್ಲಿ; ತಾಚೆ ನದ್ರೆಂತಲಿಂ ಭಾವ್ನಾಂ ತೆಂ ವಾಚೂಂಕ್ ಶಕ್ಲೆಂನಾ; ಆನಿ ಹಾಕಾಚ್ ಲಾಗೂನ್ ತಾಚೆರ್ ಆಕಾಂತ್ ಆಯ್ಲೊ. ಜಿಮಾಚೆ ನದ್ರೆಂನ್ ರಾಗ್ ನಾಸ್ಲೊ, ಅಜಾಪ್ ನಾಸ್ಲೆಂ, ನಾಪ್ಸಂತಿ ನಾಸ್ಲಿ, ಭಿರಾಂತ್ ನಾಸ್ಲಿ; ನ್ಹಯಂ ಮ್ಹೂಣ್ ಡೊಲಾಕ್ ಅಪೆಕ್ಷೀತ್ ಆಸ್ಲೆಲೆ ಖಂಯ್ಚೆಚ್ ಉಮಾಳೆ. ವಿಚೀತ್ರ್ ನದ್ರೆನ್ ತೊ ಫಕ್ತ್ ತಾಕಾ ಎಕ್=ಟಕ್ ಪಳೆತ್ ಆಸ್ಲೊ.
ಡೊಲಾ ಮೆಜಾವ್ಯ್ಲ್ಯಾನ್ ದೆಂವ್ಲೆಂ ಆನಿ ತಾಚ್ಯಾ ಮಹ್ರ್ಯಾಂತ್ ಗೆಲೆಂ.
ಮೊಗಾಚ್ಯಾ ಜಿಮ್, ಮ್ಹಳೆಂ ತಾಣೆಂ, ಮ್ಹಾಕಾ ಹೆ ಭಾಶೆನ್ ಪಳೆನಾಕಾ. ಹಾಂವೆಂ ಮ್ಹಜೆ ಕೆಂಸ್ ಕಾಜ್ಞರೂನ್ ವಿಖೂನ್ ಉಡಯ್ಲೆ; ಇತ್ಲೆಚ್ ಖಾತೀರ್, ನಾನಾಲಾಂ ಸಮ್ಯಾರ್ ತುಕಾ ಭೆಟವ್ಸ್ತ್ ದಿಲ್ಯಾ ಶಿವಾಯ್ ಮ್ಹಜ್ಯಾನ್ ಕಶೆಂಚ್ ರಾವುಂ ನಜ್ ಆಸ್ಲೆಂ ದೆಖೂನ್ ಮಹ್ಜೆ ಕೆಂಸ್ ಪರತ್ ವಾಡ್ಟಲೆನ್ -ತುಕಾ ಉರ್ಕತ್ ಜಾ ಮುಂ? ಖರೆಂಚ್ ಬರ್ಕಾತ್ ನಾ ಮುಂ? ಮ್ಹಾಕಾ ನಶೆಣ್ ಕರ್ಚೆಂಚ್ ಪಡ್ಲೆಂ. ಮ್ಹಣೆ ಕೆಂಸ್ ಸೊಡ್ಸೊಡೀತ್ ವಾಡ್ಟಾತ್. ಖೊಶ್ಲಭರೀತ್ ನತಾಲಾಂ ನತಾಲಾಂ ಮ್ಹಣ್ ಪಳೊಂವ್ಯಾ ಜಿಮ್; ಆನಿ ಆಮಿ ದೊಗಾಂಯ್ ಖೊಶಾಲ್ ಜಾಂವ್ಯಾಂ. ತುಕಾ ಖಬರ್ ನಾ, ಹಾನೆಂ ತುಕಾ ಕಿತ್ಲಿ ಬರಿ, ಕಿತ್ಲಿ ಸೊಬೀತ್ ಭೆಟ್ಕರುನ್ ಹಾಡ್ಲ್ಯಾ ತಿ.
ತುವೆಂ ತುಜೆಂ ಕೆಂಸ್ ಕಾನ್ರಲೆಯ್? ಜಿಮಾಂನ್ ಕಶ್ಟಾಂನಿ ವಿಚಾರಲೆಂ; ಅಶೆಂ ಕಿ ಇತ್ಲೊ ವೆಳ್ ತಾಕಾ ಮಾನ್ಸಿಕ್ ತ್ರಾಸ್ ಝಾವ್ನ್ ಲೆಗೀತ್, ಹೆಂ ಸತ್ ರೊ ಸತ್ಮಾಂದೂಂಕ್ ಶಕೂಂಕ್ ನಾಸ್ಲೊ.
ಕಾತ್ರಲೆತ್, ಆನಿ ವಿಖೂನ್ ಉಡಯ್ಲೆತ್ ಡೊಲಾ ಮ್ಹಳೆಂ; ತರೂಯ್, ತುಂ ಮಹಾಕಾ ತಿತ್ಲೆಂಚ್ ಪಸಂತ್ ಕರಿನಾಯ್? ಕೆಂಸ್ ನಾಸ್ತನಾಯ್ ಹಾಂವ್ ಹಾಂವೂಚ್; ನ್ಹಯ್?
ಜಿಮ್ ಹೆವ್ಟೆನ್ ತೆವ್ಟೆನ್ ಬಾರೀಕಸಾಣೆನ್ ಪಳೊವಂಕ್ ಲಾಗ್ಲೊ.
ತುಂ ಮ್ಹಣ್ಟಾಯ್ ತುಜೆ ಕೆಂಸ್ ನಾನ್ಪಯತ್ ಜಾಲೆತ್? ಪಿಸಾಂತೂರ್ ಜಾಲ್ಲೆ ಭಾಶೆನ್ ಜಿಮಾನ್ ಮ್ಹಳೆಂ.
ತುಂ ತೆ ಕೆಂಸ್ ಸೊಧೀನಾಕಾಯ್, ಡೊಲಾನ್ ಮ್ಹಳೆಂ; ಹಾಂನೆ ವಿಖ್ಲೆತ್ ತೆಲ್ ಖರೆಂಚ್ ವಿರವ್ಲೆತ್. ಆಯ್ಜ್ ನತಾಲಾಂಚಿ ಸಾಂಜ್, ಜಿಮ್, ಮ್ಹಜೆರ್ ರಾಗಾರ್ ಜಾಯ್ನಾಕಾಯ್. ತುಜೆ ಖಾತೀರೂಚ್ ಹಾಂವೆಂ ತೆ ವಿಖ್ಲೆತ್. ಮ್ಹಜ್ಯಾ ಮಾಥ್ಯಾವಯಲೊ ಎಕಾನ್ ಎಕ್ ಕೆಂಸ್ ಮೆಜ್ಲೊಲೊ ಆಸುಂ ಯೆತ್; ತೆಂ ಮೊಗಾನ್ ಉಲಯ್ತ್ ರಾವ್ಲೆಂ, ಪೂಣ್, ತುಜೆ ಸವೆಂ ಮ್ಹಜೊ ಮೊಗ್ ಮಾತ್ ಕೊಣಾಚ್ಯಾನೂಚ್ ಕೆನ್ನಾಚ್ ಮೆಜೂಂಕ್ ಜಾಂವ್ಚೊನಾ. ತುಕಾ ಖಾವ್ಪಾಕ್ ಚೊಪ್ಸ್ ಹಾಡುಂ, ಜಿಮ್?
ಜಿಮ್ ಸಪ್ನಾಂತಲೊ ಸೊಡ್ಸೊಡೀತ್ ಜಾಗೊವ್ಲ್ಲೆ ಭಾಶೆನ್ ಜಾಲೊ. ತಾಣೆಂ ಆಪ್ಲ್ಯಾ ಡೊಲಾಕ್ ವೆಂಗೆಂತ್ ಘೆತ್ಲೆಂ. ಧಾ ಸೆಕಂದಾಂ ಖಾತೀರ್ ಆಮಿ ಕಸ್ಲೆಯ್ ನರಿ ಕಹ್ತ್ವ್ ನಾಸ್ಲೆಲೆ ವಸ್ತುಚಿ ಎಕೆ ಬೆಹ್ಳೆ ದಿಶೆನ್, ಚತೂರ್ ರಾವೂನ್ ಬಾರೀಕ್ ಚವ್ಕಶಿ ಕರೂಂಯಾ. ಆಠೊವ್ಡ್ಯಾಕ್ $ 8 ವೊ ವರ್ಸಾಕ್ ಮಿಲೀಯ್ನ್ ಡೊಲ್- ಕಸ್ಲೊ ಫರಕ್ ಪಡ್ಪಾಕ್ ಆಯ್ಲಾ? ಎಕ್ ಗಣೀತಶಾಸ್ತ್ರಜ್ಞ್ ವೊ ಎಕ್ ಬುದವ್ತ್ ಮನೀಸ್ ತುಕಾ ಚುಕೀಯೊ ಜಾವಾಬ್ ದಿತ್ಲೊ. ತೆಂಗಾಯ್ ಬುದ್ವಂತ್ ರಾಜಾಂನಿ ಒವ್ ಮೊಲ್ದೀಕ್ ಭೆಟವ್ಣ್ಲೊ ಹಾಡ್ಲ್ಯೊತ್; ಪೂಣ್ ತಾಂಚೆ ಮದೆಕತ್ ತೆಂ ನಾಸ್ಲೆಂ; ಹೊ ಕಾಳ್ಖಿ ದೊನೊ ಉಪ್ರಾಂತ್ ಭಕಾಶೀತ್ ಜಾತ್ಲೊ.
ಜಿಮಾನ್ ಆಪ್ಲ್ಯಾ ಕೊಟಾಚ್ಯಾ ಬೊಲ್ಸಾಂತ್ಲ್ಯಾನ್ ಎಕ್ ಪಾರ್ಸಲ್ ಭಾಯ್ರ್ ಕಾಹ್ಲೆಂ; ಆನಿ ಮೆಜಾರ್ ಉಡಯ್ಲೆಂ.
ಮ್ಹೂಜೆ ಬದ್ದಲ್ ಗಯ್ರ್ ಸಮನ್ ಕರಿನಾಕಾಯ್ ಡೊಲ್ ಜಿಮಾಂನ್ ಮ್ಹಳೆಂ, ತುಕಾ ದಿಸ್ತಾ ಕೆಸಾಂಕ್ ಲಾಗೂನ್ ದೊ zಮ್ಪೂಕ್ ಲಾಗೂನ್, ವೊ ಆನೀಕ್ ಅಸ್ಲ್ಯಾಂ, ಮೊಲ್ ನಾಸ್ಲೆಲ್ಯಾಂ, ಕಾರಾಣಾಂಕ್ ಲಾಗೂನ್ ಹಾಂವ್ ತುಕಾ ಉಠೊಂ ಪಸಂತ್ ಕರ್ತೊಲೊಂ ಮ್ಹೂಣ್? ಪೂಣ್, ತುಂ ಹೆಂ ಪಾರ್ಸಲ್ ಉಘ್ಡಶಿ ಜಾಲ್ಯಾರ್ ತುಕಾ ಕಳ್ಟಲೆಂ, ಸುರ್ವಾತೆಕ್ ಹಾಂವ್ ಅಸೊ ಆಬಾಲಾರ್ ಕಿತ್ಯಾಕ್ ಜಾಲೊ; ಕಿತ್ಯಾಕ್ ಹಾಂವ್ ಗೊಧೊಳ್ಳೊಂ ತೊ
ಡೊಲಾನ್ ಶಿಟೂಕ್ ಧವ್ಯಾಂ ಬೊಟಾನಿ ಕಾಗ್ದಾಚಿ ಸುತ್ಲಿ ಸೊಡ್ಲಿ. ಆನಿ ಉಪ್ರಾಂತ್ ಖೊಶಾಲಕಾಯೆನ್ ಭರ್ಲೆಲಿ ಎಕ್ ಕಿಳೊಂಚ್, ಆನಿ ಮಾಗೀರ್ ಆರೆರೆ!!! ಬಾಯ್ಲಾಂಕ್ ಸಂವ್ಯ್ ಆಜ್ಞಲೆಲೆ ಪರ್ಮಣೆಂ ರಡಪ್, ದುಕಾಂ ಗಳೊವ್ಪ್ ಆನಿ ಮಾಗೀರ್ ಘರಾಚ್ಯಾ ಧನ್ಯಾನ್ ಆಪ್ಲಿ ಸಗ್ಳಿ ಶಕ್ತಿ ವಾಪ್ರೂನ್ ತಿಚೆಂ ಸಮಾಧಾನ್ ಕರಪ್ ಭುಜವ್ಣ್ ದಿವ್ಪ್.
ಕಾರಾಣ್, ಥಂಯ್ ತ್ಯೊ ಸಗ್ಳ್ಯೊ ದಾಂತೊಣ್ಯೊ ಪಸ್ರಾಯಾಲ್ಲ್ಯೊ ಆಸ್ಲ್ಯೊತ್-ವೆಗ್ವೆಗ್ಳ್ಯಾ ತರಾಂಚ್ಯೊ, ಬ್ರೊಡ್ವೆಚ್ಯಾ ವಸ್ತೂಸಂಗ್ರಹಾಂತ್ ಪ್ರದ್ರ್ಶನ್ ಕರ್ಪಾಕ್ ಮಾಂಡಿಲ್ಲ್ಯೊ; ಜಾಂಚಿ ಖೂಬ್ ಕಾಳ್ ಪಾಸೂನ್ ಡೊಲೊ, ಎಕೆ ಭಾಶೆನ್, ಪೂಜಾ ಆರಾಧನಾ ಕರೀತ್ ಆಶಿಲ್ಲೆಂ- ಸೊಬೀತ್ ದಾಂತೊಣ್ಯೊ, ಮೊತ್ಯಾಂಚೊ ಕಾಂಟ್ ಆಸ್ಲೊಲೊ, ಡೊಲಾಚ್ಯಾ ಅದೃಶ್ಯ್ ಜಾಲ್ಲ್ಯಾ ಕೆಂಸಾಂಕ್ ಸೊಬ್ಪಾ ಸಾರ್ಖೊ ಶುದ್ಧ್ ಕಚ್ಕಡೊ (tortoise shell) ಮ್ಹಾರಮ್ ದಾಂತೊಣ್ಯೊ ಆಸ್ಲ್ಯೊತ್ ಹ್ಯೊ; ಮೆಂ ಜಾಣಾ ಆಸ್ಲೆಂ; ಆನಿ ಹ್ಯೊ ದಾಂತೊಣ್ಯೊ ಆಪ್ಲೆ ಮಾಲ್ವೆಚ್ಯೊ ಜಾವ್ಪಾಚಿ ಶಕ್ಯನಾಯ್ ನಾಂಚ್ ಮ್ಹೂಣ್ ಜಾಣಾ ಜಾವ್ನ್ ಲೆಗೀತ್, ತಾಚೆಂ ಕಾಳೀಜ್ ತ್ಯೊ ಆಪ್ಣಾವಂಕ್ ಆಶೆಲ್ಲೆಂ, ಆಂವ್ಡೆಲ್ಲೆಂ, ಆಸುಸಲೆಲೆಂ. ಆನಿ ಆತಾಂ ತರ್ ತ್ಯೊಚ್ ದಾಂತೊಣ್ಯೊ ತಾಚ್ಯೊ ಸ್ವತಾಚ್ಯೊ ಜಾಲ್ಲ್ಯೊ; ಪೂಣ್ ಆಪ್ಲೆ ಝುಪ್ಕೆದಾರ್ ಕೆಂಸ್ ಸಜೊವ್ಪಾಕ್ ಹಯಾಂ ಸೊಬಾಯ್ ಹಾಡ್ಪಿ ವಸ್ತುಚಿ ಮನೊಲ್ಯಾ ಮನೊತಾ ಜಿ ಮಾಖಾ ತಾಣೆ ಬಾಲ್ಗಿಲ್ಲಿ, ತೆ ಝುಪ್ಕೆದಾರ್ ಕೆಂಮೂಚ್ ನಾಚ್ಯ್ ಜಾಲ್ಲೆ.
ಪೂಣ್, ತಾಣೆಂ ತ್ಯೊ ಆಪ್ಲ್ಯಾ ಹಡ್ಡ್ಯಾ ಲಾಗಿ, ಘಟ್ ಜರ್ಲ್ಲೊ; ಆನಿ ಜಾಯ್ಲ್ಯಾ ವೆಳಾ ಉಪ್ರಾಂತ್, ಖೂಬ್ ಯತ್ನ್ ಕರೂನ್, ನಿಸ್ತೆಣ್ ದೊಳ್ಯಾಂನಿ ಆನಿ ಮುಮುರಕೆಂಚ್ ಹಾಂಸತ್, ತಾಚ್ಯಾ ತೊಂಡೊತ್ಲ್ಯಾನ್ ಉತ್ತರಾಂ ಭಾಯ್ರ್ ಸರ್ಲಿಂ, ಮ್ಹಜೆ ಕೆಂಸ್ ಖೂಬ್ ವೆಲೀನ್ ವಾಡ್ಟಾತ್, ಜಿಮ್ ಆನಿ ಮಾಗೀರ್, ಎಕಾ ಧಾಕ್ಟುಲ್ಯಾ ಹುಲಪ್ಲ್ಲ್ಯಾ ಭಾಜ್ರಿ ಭಾಶೆನ್ ಡೊಲಾ ಉड़ಕಿ ಮಾರೀತ್ ಆಡ್ಡಲೆಂ, ಒಟ್!!! ಒಟ್!!!
ಜಿಮಾನ್ ಆಜೂನ್ ಪಾಸೂನ್ ಆಪ್ಲ್ಯಾಕ್ ಹ್ಡಲೆಲಿ ಭೆಟವ್ಸ್ತ್ ಪಳೊವಂಕ್ ನಾಸ್ಲಿ. ಆಪ್ಲ್ಯಾ ಹಾತ್ಚ್ಯಾ ತಾಳ್ಟಾರ್ ದವ್ರೂನ್ ಡಂಲಾನ್ ತಿ ಭೆಟ್ ಆತುರತಾಯೆನ್ ತಾಚೆ ಮುಖಾರ್ ಘರ್ಲಿ. ಡೊಲಾಚ್ಯಾ ಉತ್ಸಾಹಿತ್, ಉರ್ಬೆಭರೀತ್ ಪ್ರವೃತ್ತೆಚ್ಯಾ ಪಡ್ಬಿಂಬಾ ವರ್ವಿಂ, ತಿ ನಿಸ್ತೆಜ್ ಮಿಲಾದೀಕ್ ಧಾತೂಚಿ ಭೆಟವ್ಸ್ತ್ ಝಗ್ಝಗತಾ ಕಶಿ ದಿಸೂಂಕ್ ಲಾಗ್ಲಿ.
ಖರೆಂಚ್ ಅಪ್ರತೀಮ್ ಆಸಾ, ನ್ಹಯ್ ಜಿಮ್? ಕಿತ್ಲೊ ಕಾಸ್ತೀಗ್ ಘೆತ್ಲೊ ಹಾಂವೆಂ ಶಾರಾಂತ್ ಭೊವೂನ್, ತಿ ಮೆಳೊವ್ಪಾ ಖಾತೀರ್. ಆತಾಂ, ದಿಸಾಕ್ ಶೆಂಭರ್ ಪಾವ್ಟಿಂ ತರಿ ತುವೆಂ ವೆಳ್ ಪಳೊಂವ್ಚೊ ಪಡ್ಟಲೊಯ್. ಘಡ್ಯಾಲ್ ದಿ ತುಜೆಂ ಮ್ಹಾಕಾ. ಹಾಚೆರ್ ತೆಂ ಕಶೆಂ ಸೊಬ್ತಾ ತೆಂ ಮ್ಹಾಕಾ ಪಳೊವಂಕ್ ಜಾಯ್ ತಾಚಿ ಆಜ್ಞಾ ಪಾಳ್ಪಾ ಬದ್ಲೆಕ್, ಜಿಮ್ ಪಲಂಗಾರ್ ಲವಂಡಲೊ, ಆನಿ ತಕ್ಲೆ ಪೊಂದಾಕ್ ದೊನೂಯ್ ಹಾತ್ ದವ್ರೂನ್ ಮುಮುರಕೊಚ್ ಹಾಂಸ್ಲೊ.
ಡೊಲ್, ತಾಣೆಂ ಮ್ಹಳೆಂ, ಆಮಿ ಆಮ್ಚ್ಯೊ ನತಾಲಾಂಚ್ಯೊ ಭೆಟೊ ಕಾಂಯ್ ಖಿಣಾಂ ಖಾತೀರ್ ಕುಶೀಕ್ ದವ್ರೂಂಯಾ. ತ್ಯೊ ಇತ್ಲ್ಯೊ ಸೊಬೀತ್ ಆಸಾತ್, ಆತಾಂಚ್ ವೆಗೀಂಚ್ ವಾಪುರಪಾಖ್ ಮಹಾಕಾ ಪುಟ್ವಾನಾ. ಆನಿ ಆತಾಂ ಚೊಪ್ಸ್ ರಾಂದೂಂಕ್ ಸುರು ಕರ್ಶಿ?
ತೆಗ್ ರಾಯ್, ತುಮಿ ಜಾಣಾಂತ್ ಬುದ್ವಂತ್ ಮನೀಸ್ ಆಸ್ಲೆತ್-ಆಜಾಪಾಂಚೆ ಬುದ್ವಂತ್ ಮನೀಸ್-ಜಾಂಣಿಂ ಗೊಟ್ಯಾಂತ್ ಜಲಮ್ಲ್ಲ್ಯಾ ಬಾಳ್ಕಾಕ್ ಭೆಟೊ ಹಾಡ್ಲ್ಯೊತ್. ನಾನಾಲಾಚ್ಯೊ ಭೆಟೊ ದಿವ್ಪಾಚಿ ಕಲಾ, ಹಿ ನಾಂಚಿ ಸ್ವತಾಚಿ; ತಾಣಿಂ ಚಾಲೀಕ್ ಲಾಯ್ಲೆಲಿ. ತೆ ಬುದ್ವಂತ್ ಆಸ್ಲೆತ್ ಮ್ಹಣ್ಟಕೂಚ್ ತಾಂಚ್ಯೊ ಭೆಟಾಯೆ ಬಿ ದುಭಾವಾವೀಣ್ ತಸ್ಲ್ಯೊಚ್ ಆಸ್ಲ್ಯೊತ್. ಘಡ್ಯೆಕ್ ಎಕೆ ವಸ್ತೂಚೆಂ ದುಟ್ಪ್ಪೀಪಣ್ ಜಾಲ್ಯಾರ್, ಅದ್ಲಾ ಬದಲ್ ಕರೂಂಕ್ ಜಾತ್ಲೆಂ ಆಸ್ಲೆಂ ದೆಖೂನ್, ಆನಿ ಹಾಂಗಾಸರ್, ಎಕಾ ಘರಾಂತ್ ರಾವ್ಪಿ ದೊನ್ ಮೂರ್ರ್ತ್ ಭುರ್ಗ್ಯಾಂಚಿ ಪಚ್ಪಚೀನ್ ಗಜಾಲ್ ಹಾಂವೆಂ ತುಮ್ಕಾಂ ವಯ್ಲ್ಯಾ ವಯ್ರ್ ಸಾಂಗೊನ್ ಉಡಯ್ಲಿ; ಜ್ಯೊ ಭುರ್ಗ್ಯಾಂನಿ ಆಪ್ಲ್ಯಾ ಘರಾಂತಲೆಂ ಭೊವ್ ಮೊಲಾದೀಕ್ ವಸ್ತುಂಚೆ ಭಾಂಡಾರ್, ಪಿಶ್ಯಾ ಭಾಶೆನ್ ವಾಗೊನ್ ಎಕಾ ಮೆಕಾ ಖಾತೀರ್ ತ್ಯಾಗ್ ಕೆಲೆ. ಪೂಣ್, ಹ್ಯಾ ಕಾಳಾವ್ಯ್ಲ್ಯಾ ಬುದ್ವಂತ್ ಮನ್ಶಾಂಕ್ ಎಕ್ ಶೆವ್ಟಾಚೆಂ ಉತ್ತರ್ ಸಾಂಗ್ಚೆಂ ಜಾಲ್ಯಾರ್, ಸಗ್ಳ್ಯಾಂನಿ ಅಶೆಂ ಮ್ಹಣುಂ ದಿ, ಹ್ಯಾ ಫುಡೆಂ ಜಿಂ ಮನ್ಶಾಂ ಎಕಾ ಮೆಕಾಕ್ ಭೆಟೊ ಭೆಟಯ್ತಲಿಂ, ತಾಚ್ಯಾಂ ಸಗ್ಳ್ಯಾಂ ಪರಸ್ ಬುದ್ವಂತ್ ತಿಂ, ಹೀಂಚ್ ದೊಗಾಂ. ಜಿಂ ಮನ್ಶಾಂ ಭೆಟೊ ಭೆಟಯ್ತಾನ್ ಆನಿ ಜಿಂ ಮನ್ಶಾಂ ಭೆಟೊ ಸ್ವೀಕಾರತಾತ್, ತಾಚೆ ಮದ್ಲಿಂ ಹಿಂ ದೊಗಾಂಯ್ ಸಗ್ಳ್ಯಾಂ ಪರಸ್ ಬುದ್ವಂತ್. ಸಗ್ಳೆ ಕಡೆನ್ ತೀಂಚ್ ಬುದ್ವಂತ್ ತೀಂಚ್ ತಿಂ (ತೆಗ್) ರಾಯಾ.
Aug 2020
ಫಿಲೊಮೆನಾ ಸಾಂಫ್ರಾನ್ಸಿಸ್ಕೊ
