March 8

Devan monxeak rochlo ani disank matr rochlo. Punn monxean bozar ubho kelo ani hea bozarant monxa sombondhancho goll kelo. Dekun auyank ek dis, bapoyank onyek dis, mog kornnarank ek dis, mel'leank onyek dis. Punn hangasor jivont ason moron gel'lea chintpacheank monxa sombondhak disak rakon ramvchi gorz asagi mholl'llem viddombonatmok soval korta bai vosudha probhu.

March 8 tarik ontor‌raxttri-i striyancho divos. Punn amchea dexant, amche somajent amchea striyank kitlo man labhta mholl'llem soval ami korchi bhovo chodd gorz asa. ’ghoracho divo’ zaunaschi ek stri khonddit zaun bukamni va kealenddoramni sobhchi vost nhoi bogor kallzant raz korchetosli mholl'llem chintop hye kovitenk utton dischem tuminch parkiat.

March 8

hamvo mhonnta, march 8 ch kiteak

vorsa soglle dis zauka stri yank

zonma et'tonachi cheddu zol'le mhonnu

kortat tiroskar

soglle vixoyantu ghorotuchi zot'ta tatsar

san prayerichi dakle bhaunddali

zot'ta ti auyi

tanka handdir dhornu bhounddayita sodoyi

bhuko lagli ki tanka mogari ghasu bhoroita

opole auyiko modot mhonn

soglle ghora kamoyi korta

beggi tije logno kornu bamnna ghora pettoyitati

thoyi vore sogllel seva kornu,

ghor dar mhonnu tatuchi anondo pauta ti

sokalli dhornu kamantu osun sokodda zayi toxi

ti cholnu ti zot'ta sogllel hat'ta khellonni

kollot no kollot zat'ta mul'le oxchi mitt'ttachi bhoronni

ayuxyo bhori opnnelo somsaru sombhallot osta

opnnelo somsaru sukhari douri mhonnu devale magto osto

koxtto kalari sogllele fattibolako ti robta

konnalki bayil, bhoinni,auyi,nonnondo, bhauzo ti zot'ta

kodde xvasa poryont sokkoddo sombondu zopto osta

oxxi proti eklel jiunantu tigelo

vantto hoddu

zaleariyi kiteak nanko tirpitat

zol'le mhonnu cheddu,,,,

- Vasudha Probhu   [March, 2018]

Vosudha Probhu: namnnechi obhinetri, boroupinn. Kanoddi bhasent matr nhoi konknnent soit kovita boromvchi hi mumboyant namnnechi. Nattok, filmamni notton kel'li hi somajik viddombonancher kovita boroita dekun kovigoxttimni hichea kovitenk lok khub khois korta. Hicho poilo kovitazomo ’bayilo bom'munnu’ veginch porgott zamvchear asa.