ಕವಿತಾकविताPoem

Zovab (- Sheela Bhandarkar)

[kovita] Zovab (- Sheela Bhandarkar)

Hi zovab utoranchi nhoi, hi zovab vellachi, hi zovab avazachi nhoi, hi zovab maunachi. Ani jedonam jivitacho lamb kall ani tea kallant onbhou korunk mellchim vevegollim ghottonam ekameka somozunk fokot dolleanchi bhas pauta.

Bai Sheela Bhandarkar hinem GSB. Bolint boroyil'lea hea kovitechi sobhai parkunk tukach ulo ditam.

[kovita] Zovab (- Sheela Bhandarkar)

Zovab.

Ponch‍vis vorsa uporanto

poroto takka bhettucho ovokaxo.

Toxi monnuno aila tagele sondexo‌.

Mono dhamvle ponch‍viso vorosa makxi.

Potonga vori ubole devo sakxi.

Tagelo eko sovalacho zhap

megele bhit'tori vorola.

Tea vello utramno megele sath dilole na.

Azo hamvo tagele soglle sovalache zovabo dit'toli

monache zoddaunno devonu hoguro zat'toli

dhamvoli hamvo sano chelyelo vori.

Tedona am'mi mellche kedollache zageri.

Horde dhoddodhoddu. Pott'ttantu bhomvora gondollu.

Ailo to.. Tanne laggi yeuche disole.

Voi ki noi mollele sonxoi aile.

Mask gal'lele tonddano hamvo hasli

to haslo ki na mollele makka disoni

boslinchi am'mi eko mittor duro

rakuko monnu samajiko ontoro.

To boxilo mouno ani megele utrom bhairo ponni.

Choddota axili vot'ta chi hunosanni

sabaro vellano tanne apoile megele namvo.

Hum moll'lle xivam-i vingoddo ul'loini hamvo.

Tanne sangli tageli ghor chi khoboro.

Cherddumvali, baileli ani tagele udeogachi.

Hamve megele somsarachi.

Tagele ddoyabittis ani megele soinos.

Itulechi am'mi ul'loyile soglle dis.

Sanz zal'li sureo buddlo.

Tagele sovalacho zovabo megele bhit'tori vorolo.

Hamvo megele ghora ani to tagele ghora chomokolo.

Monacho bharu monano poroto vamvolo.

- Sheela Bhandarkar. [May, 2020]

Sheela Bhandarkar: Hichea kovitemni toxench kanneamni utton dischem zaunasa monxamog ani monxam mouleam. Kanddi bhasent soit sorag boromvchi hi stri somvedonank spondon korche tosli konknnentoli oprup kouytri. Prostut moisurant aplea kuttmasovem vosti korchi hinnem, kovitagoxttimni hinnem vantto ghetla. Akax‌vannicher soit hichim kovita vachleant.