Xellamv yadi [Rajashree Sail]

’Mhaka paus khub auddta’ - jednam charli chaplinan hem utor sanglem, lok hasunk laglo kom-i; oxem chintun, kaim ho ek novench fokannam korta mhonnun. Punn mukharun charli chaplinan sanglem; ’mhaka paus khuv auddta, kiteak mhollear tedonam mhojem duk konnak‌ch disana’. Kovi ek kolakar, punn poilem to ek monis, axa-otreg, mog-moipas, duk-niras bhogcho monis. Jednam kovi oplea jinnyechea onbogak utranchea rongant vhalloitana ubhzol'li kovita kitli opurbhayechi zaunko sokta mhonnocheak kaim hi kovita govai dit.

Bai razoxri soil, gõychi namonnechi kouyotri, fa|agnel kolez pilar, hangasor soho-pradheapoki zaun vaur korun asa. Vichar‌vont kouyotri, raxttri-i kareasallamni zaite probondh ani odhyoin lekhonam tinnem sador keleant. Punn hangasor tichi kovita fokot utramni jivo soddina bogor jivo bhorta dekun ek bholladhik rudan, jem aichea somajent ami sodanch aikon ayil'leporim amchea kanamni gazota. Bakichem sodhunk toxench mapunk tukach soddtam

[Kovita] Xellamv yadi [Rajashree Sail]

Xellamv yadi

Mhoji aji mhonnottali;

jivit mhonnottat tem,

allva ponauylem udok,

pausant poddotta ani vareat vhallotta.

Mhoji mauxi mhonnottali;

gorobhache oni mirogache sangu yeta,

ken'no rochota ani ken'na zhoddotta to.

Mhoji bhoinn mhonnottali;

pausant bhizolear ani

ghovan marolear konnak sangotoli?

lovo lovo hamv vhodd zalim oni

mhaka kolluk hanche pauxi totv‌ginean

ojyelo ghorokar allva panauylea thembeavori

rokhoddoch vamvon gelo.

Mauxelea pottat ken'na gorbhoch rochukoch nasolo,

ani mhoji bhoinn jivit‌bhor ghovalo maroch khait asli

atam hea rasoull dukhancho

ek paus

ek paus zala

- Rajashree Sail [Janer 2019]