ಶಾಳೆತ್ ವಯ್ತಾನಾ (- ಸಂಧೇಶ್ ಭಾಂದೇಕರ್)

[ಕವಿತಾ] ಶಾಳೆತ್ ವಯ್ತಾನಾ (- ಸಂಧೇಶ್ ಭಾಂದೇಕರ್)

ಜಿವಿತಾಚ್ಯಾ ಪಯ್ಣಾರ್ ಇಸ್ಕೊಲಾಚೆ ದೀಸ್ ಮಹತ್ವಾಚೆ. ಇಸ್ಕೊಲಾಂನಿ ಲಿಸಾಂವಾಂ ಮಾತ್ರ್ ನ್ಹಯ್, ಘರಾಂತ್ ಜಿವಿತಾಕ್ ಶಿಕ್ಚೆ ದೀಸ್ ತೆ. ಹಾಂಗಾಸರ್ ಕವಿತೆಂತ್ ತ್ಯಾ ದಿಸಾಂಚೊ ನಿಯಾಳ್ ಕೆಲ್ಲೊ ದಿಸುನ್ ಯೆತಾ.

ಕವಿ ಸಂಧೇಶ್ ಭಾಂದೇಕರ್ ಕಾರವಾರ್ ಮುಳಾಚೊ ಕೊಂಕಣಿ ಕವಿ, ತಾಚ್ಯಾ ಕವಿತೆಂನಿ ಕಾರವಾರ್ ಬೊಲಿಚೆ ಸೊಭಿತ್ ಸಬ್ಧ್ ಆಮಿ ಪಳೆವ್ಯೆತಾ. ಕೊಂಕಣಿ ಭಾಶೆಚ್ಯಾ ಸೊಭಿತ್ ಬೊಲಿಂಚೊ ಅಸ್ವಾದ್ ಕರುಂಕ್ ತುಕಾ ಉಲೊ ದಿತಾಂ.

[ಕವಿತಾ] ಶಾಳೆತ್ ವಯ್ತಾನಾ (- ಸಂಧೇಶ್ ಭಾಂದೇಕರ್)

ಶಾಳೆತ್ ವಯ್ತಾನಾ

ಶಾಳೆತ್ ವಯ್ತಾನಾ ಪಾಟಿ ಕಾಡಿ ಬರಾ

ಆಯ್ದನಾ ಮೆಳ್ಳಿ ಘಾಸುಕ್

ಕಪ್ಡೆ ಮೆಳ್ಳೆಂ ಉಬ್ಬಳುಕ್

ಸಾನ್ನ್ ಮೆಳ್ಳಿ ಝಾಡುಕ್

ಶೆಣ್ ಮೆಳ್ಳೆ ಸಾರೊವುಕ್

ಬುಟಿ ಮೆಳ್ಳಿ ಮಾತಿ ಭರೂಕ್

ಶೆತ್ ಮೆಳ್ಳೆ ಘೊಳುಕ್

ಹ್ಯಾ ಸಗ್ಳ್ಯಾತ್ ಪಾಟಿ ಕಾಡಿ ಸುಟ್ಚೊ ಭಂಯ್

ದುಸ್ರ್ಯಾ ಗೆರ್ ಕಾಮ್ ಕರ್ತಾನಾ ಮಾಲ್ಕಾಲೊ ಭಂಯ್

ಪಿದಂಕರ್ ಪೈರಣ್ ಪಿದ್ದೀಲ್ ಚಡ್ಡಿ

ಕಪ್ಡಯಾ ಪಿಶ್ವೆತ್ ಪಿದ್ದೀಲ್ಯಾ ಪುಸ್ತಕಾ ಘಡಿ

ಶಾಳೆ ಗೆಲ್ ತೆನ್ನಾ ಅಭ್ಯಾಸಾಚಿ ಚಿಂತಾ

ಘೊಳು ಗೆಲ್ಲ್ ಕಡೆ ಪೊಟ್ ಭರ್ತಲ್ ಕಾಯ್ ನಾ ಮ್ಹಣ್ ಚಿಂತಾ

ಶಾಳೆತ್ ಅಭ್ಯಾಸ್ ಜಾಲ್ ನಾ ಮ್ಹಣ್ ಬಾಇ ಮಾಸ್ತರಾಲೊ ಭಂಯ್

ಕಾಮಾ ಘೊಳುಕ್ ಗೆಲ್ಲೆ ಕಡೆ ಸಾವ್ಕಾರಾಲೊ ಭಂಯ್

ಆತಾ ಬರಿ ನೌಕ್ರಿ ಆಸಾ ಘೆ ಮ್ಹಣ್ ಪಗಾರ್ ಆಸಾ

ಖಾಉ ಜೆವುಕ್ ಮೌಜ್ ಮಜಾ ಕರೂಕ್ ಆಸಾ

ಪುಣ್ ಆಜ್ ವೆಳ್ ನಾ ಕಾಳ್ ನಾ

ಆಂಫೀಸಾತಲೆಂ ವರ್ಸಾ ಟಾರ್ಗೆಟ್ ಪುರಾಯ್ ಜಾಲ್ ನಾ

ತರ್ ಬಾಂಸ್ ಉಲಯ್ತಲೊ ಮ್ಹಣ್ ಭಂಯ್

ಫಾಲ್ಯಾ ಹಾತ್ ಪಾಯ್ ಥಕ್ತಲೆಂ

ಶಿಕ್ಪಣ್ ಆಂಗಾತ್ ಬಿಹ್ರಾಡ್ ಕರು ಲಾಗ್ತಲೆಂ

ಫಾಲ್ಯಾ ಆಮ್ಕಾ ಆಮ್ಗೆಲ್ ಪೊರಾ

ಪಳ್ತಲ್ ಕಾಯ್ ನಾ.ಮ್ಹಣ್ ಭಂಯ್

ಹಯ್

ಕಾಲ್ ಆಜ್ ಫಾಲ್ಯಾ ಸಗ್ಳ್ಯಾಂ ವಾಟೆನ್ ಭಂಯ್ ಆನಿ ಭಂಯ್

- ಸಂಧೇಶ್ ಭಾಂದೇಕರ್. [ಮಾರ್ಚ್, 2020]