ಕವಿತಾकविताPoem
ಥೆಂಬೊ (- ರೆನಿಟಾ ಡಿ’ಸೋಜ್ ಹೊಸ್ಪೇಟ್)
[ಕವಿತಾ] ಥೆಂಬೊ (- ರೆನಿಟಾ ಡಿ’ಸೋಜ್ ಹೊಸ್ಪೇಟ್)
ಮನ್ಶಾಚೆಂ ಅಸ್ಥಿತ್ವ್ ಧುಳ್, ಧುಳಿ ಥಾವ್ನ್ ಆಯಿಲ್ಲೊ ಆನಿ ಧುಳಿಕ್ ಪಾಟಿಂ ವೆಚೊ. ಜೀವ್ ಆಸ್ತಾನಾ ರಾಗ್-ಹಂಕಾರ್-ಮೊಸೊರ್ ಅಪ್ಣಾಸವೆಂ ಘೆವ್ನ್ ಜಿಯೆಂವ್ಚೊ ಮನಿಸ್ ಲಿಸಾಂವ್ ಶಿಕುಂಕ್ ಸಕತ್ ಆಸಾ ತರ್ ಎಕೆಕಾ ಥೆಂಬ್ಯಾ ಥಾವ್ನ್ ದರ್ಯಾತೆದೆಂ ಲಿಸಾಂವ್ ಶಿಕುವ್ಯೆತಾ; ಜಶೆಂ ಉದ್ಕಾಚೊ ಏಖ್ ಥೆಂಬೊ, ದುದಾಚೊ ಏಕ್ ಥೆಂಬೊ, ರಗ್ತಾಚೊ ಏಕ್ ಥೆಂಬೊ, ಆನಿ ಘಾಮಾಚೊ ಏಕ್ ಥೆಂಬೊ. ಇತ್ಲೆಂಚ್ ನ್ಹಯ್. ಮನ್ಶಾಪಣಾಚೊ ಏಖ್ ಥೆಂಬೊ ಜರ್ ನಾ ತರ್ ತೊ ಮನಿಸ್ ತೀಸ್ ಕಾಸಾಂಕ್ಯೀ ಉಪ್ಕಾರಾಕ್ ಪಡಾನಾಸ್ಚೊ ಮ್ಹಳ್ಳೆಂ ಸೊಭಿತ್ ಚಿಂತಪ್ ದಿಂವ್ಚಿ ಹಿ ಅಪುರ್ಭಾಯೆಚಿ ಕವಿತಾ.
[ಕವಿತಾ] ಥೆಂಬೊ (- ರೆನಿಟಾ ಡಿ’ಸೋಜ್ ಹೊಸ್ಪೇಟ್)
ಥೆಂಬೊ
ಥೆಂಬೊ ತುಂ ಪಾವ್ಸಾಚೊ ವೇಗಾನ್
ಮೊಳ್ಬಾ ಥಾವ್ನ್ ನಿಸ್ರೊನ್ ಪೃಕ್ರತಿಚ್ಯಾ
ಪಾಂಳ್ನ್ಯಾಂತ್ ಧಲ್ಚೊ!! ಥೆಂಬೊ ತುಂ ಘಾಮಾಚೊ ವಾಂವ್ಟಿನ್ ಪಾಜರೊನ್ ದಿತಾಯ್ ಫಳ್ ದಿಸ್ಪೊಡ್ತ್ಯಾ
ಗ್ರಾಸಾಚೊ!! ಥೆಂಬೊ ತುಂ ಆವೊಯ್ಚ್ಯಾ ದೂದಾಚೊ ಸತ್ವಾನ್ ಭರೊನ್ ತಾಂಬ್ತಾಯ್ ಭುಕ್ ನೆಣ್ತುಲ್ಯಾ
ಬಾಳಾಚೊ!! ಥೆಂಬೊ ತುಂ ದುಃಖಾಚೊ ಬಿಜೊನ್
ಮೊತಿಯಾ ಗಳ್ತಾನಾ ಕಳವೊಳ್ತಾ ವೇಗ್ ಕಾಳ್ಜಾ ಉಡಿಚೊ!! ಥೆಂಬೊ ತುಂ ರಗ್ತಾಚೊ ಸಕ್ರೀಯ್ ರಿತಿನ್ ಮೆಳೊನ್
ಕರ್ತಾಯ್ ಪೋಶಿತ್ ಹರ್ ಜೀವ್ ಕಣಾಚೊ!!
ಥೆಂಬೊ ತುಂ ಮನ್ಶಾಪಣಾಚೊ
ವಿಸರ್ ಪಡತ್ ತರ್, ಜಾಶಿ
ಗುಲಾಮ್ ಪಾತ್ಕಿಪಣಾಚೊ!!
-
ರೆನಿಟಾ ಡಿ’ಸೋಜ್ ಹೊಸ್ಪೇಟ್.
[ಅಗೋಸ್ತ್, 2020]
ರೆನಿಟಾ ಡಿ’ಸೋಜ್ ಹೊಸ್ಪೇಟ್:
ಗಾಂವಾಂತ್ ಹೊಸ್ಪೆಟ್ಚಿ ರೆನಿಟಾ ಡಿ’ಸೋಜ್, ಸದ್ದ್ಯಾಕ್
ಮಂಗ್ಳುರ್ಚ್ಯಾ ಸಾಂ|ಲುವಿಸ್ ಕೊಲೆಜಿಂತ್ ಎಮ್.ಎಸ್ಸಿ.
ಶಿಕುನ್ ಆಸಾ. ಕವಿತಾ, ಕಥಾ ಹಿಕಾ ಆವಡ್ಚೆ ಸಾಹಿತಿಕ್
ಪ್ರಕಾರ್.
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.