Somvnne Nhait Gelem [Sonjiv Verenkor]

Hem somvnnem (sukonnem) mogachem somvnnem dekun mogachim lharam gheun kallzatoddik apttaxem kortana kovitarosikachem mon ul'lasan bhorta. Punn hea somvnnean xiddxidd pausant nhamvchem kovik zor oplea kallzantlea premichi yad haddun dita ani bhognnancho katt tuttounko sokta tor tea somvnneavixim matxi kholayen chintpachi goroz asa.

Bab sonjivo verenkor gõycho ek namonnecho potr‌kort, kovi, vauraddi ani moipasi monis. Vimola poi puroskar, tti.Em'.E.Poi puroskar, konkonni bhaxa monddoll (gõyam) puroskar haka labh‌l'le promuk puroskar. Sadim utram vhaparun roch‌l'li hi kovita sadi disonk puro punn somzoteleank hixaroch pauta mholl'lle sangonneporim, hea kovitechea gunddayek demvonk tukach soddotam

[Kovita] Somvnne Nhait Gelem [Sonjiv Verenkor]

Somvnne nhait gelem

xiddxidd xidd pausantlean

somvnne nhait gelem

monat mhojea ghotter korun

khoinchogo tum paulem

kuddu kuddu zata mhunn

zhaddar hamv liplem

pananchi kamoll korun

susth hamv nhidlem

fulanchi sopna polloun

fatea parar uttlem

foddfodd pakham haloun

ujvadd nhait raulem

tujea monatlea ghotterache

koru naka dar ugddem

sobit mhojem somvnne mogachem

sanguk mhaka laglem

khoim go tum

- Sonjiv Verenkor [Janer, 2019]

Sonjiv Verenkor: Potrikodhyomi, kovi, chintpi toxench vauraddi zaun vaur korchea hachim Bhavo‌zhumbor, Mumbor, Gamvantoli Sanz, Poddve Boili Somvnni, Choitoneacheo Paulleo, Osvosth Sury - he hache yedoll pason porgott zal'le kovitazome. Vimola poi puroskar, tti.Em'.E.Poi puroskar, konkonni bhaxa monddoll (gõyam) puroskar haka labh‌l'le promuk puroskar.