ಸಾಥ್ (- ಎಚ್. ಮನೋಜ್ ಜೆ)

[ಕವಿತಾ] ಸಾಥ್ (- ಎಚ್. ಮನೋಜ್ ಜೆ)

ದೆವಾನ್ ರಚಿಲ್ಲ್ಯಾ ಸೊಬಿತ್ ಸೈಮಾತ್ ಆಪ್ಲೆ ಜಿವೀತ್ ಸಬೊವ್ಪಾಕ್ ಕೊಣಾಚಿ ತರಿ ಸಾಥ್ ಜಾಯ್. ಆಪ್ಲ್ಯಾ ಮೊಗಾಕ್ ತೊ ಆಶೆಲಾ ತೊ ಆಪ್ಲ್ಯಾಕ್ ಸಾಥ್ ದಿ ಮ್ಹಣ್ ಮಾಗ್ತಾ. ಕವಿಕ್ ಆಪ್ಲ್ಯಾ ಮೊಗೀಚೆ ಸಾಥ್ ಮೆಳತ್ ತರ್ ತಾಜೆ ಜಿವಿತ್ ಫುಲ್ತಲೆ ಎಕ್ ನವಿ ವಳಖ್ ಘಡೊವಂಕ್ ಆನಿ ನವೆಂ ನಾತೆ ಫುಲೊವಂಕ್, ತೊ ಸಾಥ್ ಮಾಗ್ತಾ. ಆಪ್ಲ್ಯಾ ಮನಾಚಿ ವ್ಯಥಾ ತೊ ಉಕ್ತಾಯತಾ.

[ಕವಿತಾ] ಸಾಥ್ (- ಎಚ್. ಮನೋಜ್ ಜೆ)

ಸಾಥ್

ಸಾಥ್ ತುಜೊ ಮೆಳತ್ ಜರ್

ಜಿವೀತ್ ಅಶೆಂ ಫುಲತ್ ತರ್

ಮ್ಹಜಿ ನವಿ ವಳಖ್ ಘಡ್ಟಲಿ!

ಪಾಚ್ವೆಂ ಮನ್ ಒಡ್ ಲಾಯ್ತಾ

ತುಜ್ಯಾ ಮೊಗಾಕ್ ಆಶೆತಾ

ದೊಳೆ ತುಜೊ ಥಾವ್ ಘೆತಾ

ಜಾಯ್ ಗೊ ತುಜೊ ಸಾಥ್!

ಉತರ್ ತುಜೆ ಕೆನ್ನಾ ಯೆತ್ಲೆಂ

ಉಮೆದೀಚಿಂ ಲ್ಹಾರಾಂ ಘೆವ್ನ್

ಪಳೆತಾ ವಾಟ್ ಆಶೆನ್

ಜಾಯ್ ಗೊ ತುಜೊ ಸಾಥ್!

ಜಾಲ್ಯಾ ಜೀಣ್ ಸಪನ್ ಬಾಗ್

ಮನೂಯ್ ಥತ್ರಬಿತರ್

ರಿತೊ ಹಾಂವ್ ತುಜೆ ವಿಣೆಂ

ಜಾಯ್ ಗೊ ತುಜೊ ಸಾಥ್!

ನಾದ್ ತುಜ್ಯಾ ಪಾಂಯ್ಜಣಾಚೊ

ಭುರಳ್ ಘಾಲೂಂಕ್ ಲಾಗ್ತಾ

ಉಠ್ಟಾ ಕಾಳ್ಜಾಂತ್ ಉಮಾಳೆ

ಜಾಯ್ ಗೊ ತುಜೊ ಸಾಥ್!

ಉಲೊ ತೂಜೊ ಆಕಯ್ಲೊ

ಹಾವೆಸ್ ಮ್ಹಜೊ ಫುಲ್ಲೊ

ತುಜೆಂ ಮ್ಹಜೆಂ ನಾತೆ ಆತಾಂ ಫುಲುಂ ದಿ

ಜರ್ ಮೆಳ್ಳೊ ತುಜೊ ಸಾಥ್!

ದಿ ಗೊ ತುಜೊ ಸಾಥ್

ಮ್ಹಾಕಾ ಜಾಯ್ ಗೊ ತುಜೊ ಸಾಥ್!

- ಎಚ್. ಮನೋಜ್ ಜೆ. [ಎಪ್ರಿಲ್, 2020]