ಕವಿತಾकविताPoem

ಸಾಸ್ಣಾಚೆಂ ಘರ್ (- ವಿನ್ಸಿ ಕ್ವಾಡ್ರೊಸ್)

[ಕವಿತಾ] ಸಾಸ್ಣಾಚೆಂ ಘರ್ (- ವಿನ್ಸಿ ಕ್ವಾಡ್ರೊಸ್)

ಕೋವಿಡ್ ಪಿಡೆನ್ ಸಂಸಾರ್‌ಭರ್ ಮನಶಾಕ್ ಇತ್ಲೊಯ್ ಲಾಚಾರ್ ಕರುನ್ ಘಾಲಾ ಮ್ಹಳ್ಯಾರ್ ಮನಿಸ್ ಜಿವಿತಾಚೊ ಭಾರ್ವಸೊ ಸಾಂಡುನ್ ಜಿಯೆತಾ ಅಶೆಂ ಭಗ್ತಾ. ದೀಸ್ಪಡ್ತೊ ಗ್ರಾಸ್ ಕಶ್ಟಾಂಚೊ ಜಾಲಾ. ಹ್ಯಾ ಪರಿಸ್ತಿತೆಂತ್ ಖರೆಂಪಣಿಂ ದರೇಕಾ ಮನಶಾಕ್ ಅಶೆಂ ಭಗುಂಕ್ ಲಾಗ್ಲಾಂ; ಸದಾಂ ಮೊರೊನ್ ಮೊರೊನ್ ಜಿಯೆಂವ್ಚೆ ಪ್ರಾಸ್ ಸಾಸ್ಣಾಚೆಂ ಜಿವಿತ್ ಸೊಧ್ಚೆಂಚ್ ಬರೆಂ ಮ್ಹಣುನ್.

[ಕವಿತಾ] ಸಾಸ್ಣಾಚೆಂ ಘರ್ (- ವಿನ್ಸಿ ಕ್ವಾಡ್ರೊಸ್)

ಸಾಸ್ಣಾಚೆಂ ಘರ್

ಕೊವಿಡ್-19 ಪಿಡೆಂತ್ಲ್ಯಾನ್

ಮ್ಹಾಕಾ ವಾಟ್ ದಿಸನಾಂ

ಘರಾಂತ್ ನಾಂ ತಾಂದುಳ್-ಗಟೊ

ದಾಳ್-ಭಾಜಿಿ ಕಣ್ ದಿನಾಂ

ಮಜುರಿ ಕರುಂಕ್ ಸೊ;ದ್ತಾಂ

ಕಾಮ್ ಖಂಯ್ ಮೆಳನಾಂ

ಆಂದಾರ್-ಮಂತ್ರಿಯಾಂಚಿಂ

ದಾರಾಂ ಕೊಣ್ ಉಗ್ಡಿನಾಂ

ಭುರ್ಗಿಂ ಆಸಾತ್ ಚಡ್ ಲ್ಹಾನ್

ತಾಂಕಾಂ ಸಂವ್ಸಾರ್ ಸಮ್ಜನಾಂ

ದಾರಾಂತ್ ಯೆತಲ್ಯಾಕ್ ಲಜ್ತಾತ್

ಪೊಟಾಭುಕುಯ್ ಸಂಸೊನಾಂ

ಸಮಾಜಾಚಿಂ ದಾರಾಂ ಬಂದ್

ಉಪಾಸ್ಮಾರಿ ಫಾಟ್ ಸೊಡಿನಾಂ

ಉದಕುಯ್ ಜಾಲಾಂ ದುಶಿತ್

ತಾನ್ ಪಾಸುನ್ ಭಾಗನಾಂ

ಎಕುಚ್ ದಾರ್ ಆಸಾ ಉಗ್ತೆಂ

ಥಂಯ್ ವಚನ್ ದಿಸನಾಂ

ಶಿಮಿತೆರ್ ಸಾಸ್ಣಾಚೆಂ ಘರ್

ಗೆಲ್ಯಾರ್ ಪರ್ತೊ_ಂಕ್ ಮೆಳನಾಂ

- ವಿನ್ಸಿ ಕ್ವಾಡ್ರೊಸ್. [ಒಕ್ಟೊಬರ್, 2020]