ಅನುಪ್ಕಾರಿ ಖಾಂಡ್

[ಕವಿತಾ] ಅನುಪ್ಕಾರಿ ಖಾಂಡ್

ಸಂಸಾರಾಂತ್ ದೋನ್ ವರ್ಗಾಚೆ ಲೋಕ್ ಆಸಾತ್, ಏಕ್: ಫಕತ್ ಅಪ್ಲೆಂ ಪೋಟ್ ಭರುಂಕ್ ಜಿಯೆತಾ ಆನಿ ದೋನ್: ಹೆರಾಂಚಿ ಫಿಕಿರ್ ಸಯ್ತ್ ಕರುನ್ ಅಪ್ಣಾಸವೆಂ ಹೆರಾಂಚಿ ಭುಕ್ ಸಯ್ತ್ ನಿವಾರುಂಕ್ ಆಟೊವ್ ಕರ್ತಾ. ಅಸಲೆಂಚ್ ಚಿಂತಪ್ ಕಾವ್ಳೊ ಸಯ್ತ್ ಕರ್ತಾ, ಅಪ್ಲ್ಯಾ ಪಿಲಾಂಸವೆಂ ಕೊಗುಳೆಚ್ಯಾ ಪಿಲಾಂಕ್ ಸಯ್ತ್ ಪೊಸ್ತಾ ಪುಣ್ ಅಖೇರಿಕ್ ಕಾವ್ಳ್ಯಾಕ್ ಭಗುಂಕ್ ಮೆಳ್ಚೆಂ ಫಕತ್ ಅನುಪ್ಕಾರಿ ಚಿಂತಪ್. ಹೆಂಚ್ ಚಿಂತಪ್ ಹ್ಯಾ ಕವಿತೆಂತ್ ದಿಸುನ್ ಯೆತಾ.

[ಕವಿತಾ] ಅನುಪ್ಕಾರಿ ಖಾಂಡ್

ಎಕ್ ಕೊಗುಳ್ ಆಪ್ಲ್ಯಾ ಪಿಲಾಂಚ್ಯಾ ಮೊಗಾನ್

ಕರುಂಕ್ ತಾಂಚ್ಯಾ ಪೊಟಾಚಿ ವೆವಸ್ಥಾ

ಸರ್ಲಿ ಭಾಯ್ರ್ ಜಿವ್ ದವ್ರುನ್ ಘೊಂಟೆರಾಂತ್

ಉಂಚ್-ಸಕಲ್ ಚಡುಂಕ್ ಮೆಳವಂಕ್ ಖಾಣ್

ಕೆದ್ನಾಂ ಝಾಡಾನ್ರ್ ಕೆದ್ನಾಂ ಜಮ್ನಿರ್

ಆನಿ ಕಾನ್ಟ್ಯಾಂ ಸಯ್ತ್ ಪಾಲ್ಯಾಪತ್ರಾಂತ್

ಪುಂಜಾಯ್ಲೆಂ ಖಾಣ್ ಚಂಚಿನ್ ಬರೆಂಚ್

ಪಡ್ಚೆ ನಾಂತ್ ಹಾಚಿ ಖಾತ್ರಿತ್ ಕರುನ್

ಧರ್ಲೆಂ ಪಾಂಯ್ಯ್ಯಾಂಚ್ಯಾ ಗಳ್ಶಿರಾಂತ್

ಯೆವಂಕ್ ಪರತ್ ತಾಣ್ಲಿ ವಾಟ್ ಉಮೆದಿಚಿ

ಪಯ್ಲಿಯೆ ಪಾವ್ಟ್ ಮೊಲಾದಿಕ್ ಖಾಣ್ ಮೆಳವ್ನ್

ಭುಲ್ಲುಸುನ್ ಗೆಲಿ ತಿ ವೆಗ್ಳ್ಯಾ ಸಂವ್ಸಾರಾಂತ್

ನದರ್ ಆಸ್ಲಿ ಥಿರ್ ಘನ್ಟೆರಾ ಕಡೆಂ

ಅಕಸ್ಮಾತ್ ಪಳೆಲೆಂ ಎಕ್ ಕಾಂವ್ಳ್ಯಾ ಪಿಲ್

ತಳ್ಮಳ್ಟಾಲೆಂ ಬಾಬ್ಳಿಚ್ಯಾ ಕಾನ್ಟ್ಯಾಂತ್

ಪಾಖಾಂನಿ ನೆಟ್ ಅಕಸ್ಮಾತ್ ದೆಂವಯ್ಲೊ

ಚುರ್ಚುರ್ಯಾಂಚಿಯೆ ಭಾವ್ನೆನ್ ಭರ್ಲಿ

ವಿಸ್ರನ್ ಆಪ್ಲ್ಯಾ ಪಿಲಾಂಕ್ ಘುಸ್ಲಿ ಝಂಪಾಂತ್

ಆಪ್ಲಿಯೆ ಬೊಂಚಿನ್ ಕಾಣ್ಟೆ ಸೊಡಯ್ಲೆ

ಕಾಂವ್ಳ್ಯಾ ಪಿಲಾಕ್ ಸುಟ್ಕಾ ದಿಲಿ ಕಶ್ಟವ್ನ್

ಸ್ವತಾ ರಂಗ್ಬಂಬಾಳ್ ಜಾಲಿ ಕಾರ್ಯಾಂತ್

ಸುರಿಯಾ ಮವ್ ಆಸ್ಲೊ ಶಾಂತ್ ಆಸ್ಲೆಂ ಮಳಬ್

ಉಲ್ಹಾಸಾನ್ ಗಾಯ್ತ್ ಧಿನ್ವಾಸ್ಣಿಯೆಚೆಂ ಗಿತ್

ಕೊಗುಳ್ ಪಾವ್ಲಿ ಖಾಣ್ ಘೆವ್ನ್ ಘನ್ಟೆರಾಂತ್

ನಿಶ್ಪಾಪ್ ಪಿಲಾಂ ಚಂಚಿ ಉಗ್ತಿಯೊ, ನಾಸ್ಲೊ ಜಿವ್

ಕೊಗುಳ್ ಲಾಗ್ಲಿ ರಡಂಕ್ ಪಳೆವ್ನ್ ಕಾಂವ್ಳ್ಯಾಕ್

ಜಾಣೆಂ ಕೆಲ್ಲೊ ಅನುಪ್ಕಾರಿ ಖಾಂಡ್ ಘೊಂಟೆರಾಂತ್

[ಜುಲಾಯ್, 2020]