ಕವಿತಾकविताPoem
Prothom' Svotak Somoz (- Indu Gerusoppe)
[kovita] Prothom' Svotak Somoz (- Indu Gerusoppe)
Kovita mhollear sobdhanchi mellaunn va
utranchi bhandaull mhonnun boroiteleamni hi
kovita porot porot vaschi. Kovita mhollear
hoveas nhoi, ti ek zovabhdari, zoxem eka ghorant
ek osturi tea ghorchem kam' korchi zovabhdari
gheta toxi. Hangasor herank somzaunko vecheadhim
poilem svotaH somzunchi bhovo gorjechi.
Bai Indu Gersoppe vrit'ten xikxoki zaun khup
jinnye onbhog zoddloli kovi. Her bhasemni soit
hinnem boroilam her bhasentlem hinnem vachlam
mhonnun hichea kovitemni kollun yeta. Hea
kovitechi tank toxench sobhai polleunko atam
tukach apounnem ditam.
[kovita] Prothom' Svotak Somoz (- Indu Gerusoppe)
Prothom' Svotak Somoz
koslem zal'lem manouzatik?
kosleak oxxi jivo osvosth?
mon mel'levari?
kosleak yox mellna?
jinnecho orth kollna?
ayuxy khorchoyilem bhair gonean sod'dunu
prothom' svotHk somoz
tori zog somzota,zon somzota
khorem goneanachem mull atmosonxodhon
assom tori koslem hea monantu?
onek vicharancho ghuspagondhollu
bhit'tori bhaunancho uchambollu
chirddun dourleam mot mahiticho khoudollu
yedexe matheantu itlem chokrivadoll?
henchi mogelem ostitv?
sodtam vadllachem kendrobindu
anikoi bhit'tori mona gabheantu
ani mellta oprup stholl
xant nivant ocholl
ayuxeantu sodlem, tem hanga ass sogllem
vixal vixvachi goti
choitneachi osim' sompt'ti
vixvacho ek sukxm' onx tum
torion'ny, odviti-i
akaxantu jhgojhgi xolakha zaunu
vatteri nokxotram zhoddoit voch
zagrit za
pramannik za
sompurnn somorth za.
- Indu Gerusoppe. [Apr, 2023]
Indu gersoppe: vrit'ten xikxoki zaun vaur kel'li bai indu mumboi, kolkot'ta, bengllur oxem sobhar vottharamni jieun ayil'li. Chitrapuro sarosvot brahmonni (CSB) bolichea konkonnint kovita boromvchi bai indu gersoppe khup jivita onbhogachi kovi. Ailevarch kovita ttrosttachea raxttri-i mott'ttacho kovita puroskar hika labhla. Kon'nodd, inglix bhasemni soit hi boroita. Sobhar kovigoxttimni inamam jikleant. Hichea ’Sonkolp’ kovitechea pustokak Gõychi konkonn bhaxa monddollicho puroskar labhla.
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.