ಕವಿತಾकविताPoem

ಪತ್ರೆ ವ್ಹೊರ್ತಾ ... ಕಾಗೊದ್ ವ್ಹೊರ್ತಾ .... ಲೊಖೊಂಣ್ (- ಸಂಗೀತಾ ನಾಯ್ಕ್)

[ಕವಿತಾ] ಪತ್ರೆ ವ್ಹೊರ್ತಾ ... ಕಾಗೊದ್ ವ್ಹೊರ್ತಾ .... ಲೊಖೊಂಣ್(- ಸಂಗೀತಾ ನಾಯ್ಕ್)

ಹಿ ಸೊಂಪಿ ಕವಿತಾ ಮ್ಹಣುನ್ ಲೆಕ್ಲಿ ತರ್, ಹ್ಯಾ ಕವಿತೆಚ್ಯಾ ಎಕೆಕಾ ವಳಿಂನಿ ಆಸ್ಚಿ ಕಾಣಿ ಆಮ್ಕಾಂ ಚುಕತ್. ತ್ಯಾ ಎಕೆಕಾ ಕಾಣಿಯಾಂನಿ ಹಕೀಗತ್ ಆನಿ ವಯ್ಚಾರಿಕತಾಚ್ ಅಖೇರಿಕ್ ಕವಿತೆಚ್ಯಾ ಸೊಭಾಯೆಚಿ ಗವಾಯ್ ದಿತಾ. ದರೇಕಾ ದಿಸಾ ಮನಶಾಚೊ ಸಂಘರ್ಶ್ ಚಡುನ್ ವೆತಾ, ಪುಣ್ ಎಕಾ ಅಸ್ತುರೆಚೊ?

ಬಾಯ್ ಸಂಗೀತಾ ನಾಯ್ಕಾಚಿ ಅನ್ಯೇಕ್ ಅಪುರ್ಭಾಯೆಚಿ ಕವಿತಾ. ಹ್ಯಾ ಕವಿತೆಚ್ಯಾ ಗುಂಡಾಯೆಕ್ ವೆಚೆಂ ಕಾಮ್ ಆತಾಂ ತುಜೆರ್ ಸೊಡ್ತಾಂ.

[ಕವಿತಾ] ಪತ್ರೆ ವ್ಹೊರ್ತಾ ... ಕಾಗೊದ್ ವ್ಹೊರ್ತಾ .... ಲೊಖೊಂಣ್(- ಸಂಗೀತಾ ನಾಯ್ಕ್)

ಪತ್ರೆ ವ್ಹೊರ್ತಾ ... ಕಾಗೊದ್ ವ್ಹೊರ್ತಾ .... ಲೊಖೊಂಣ್

ಚೆಡೊ

ಈತಿ ಭುರ್ಗಿಂ ಶಾಡೆತ್ ವೊಯ್ತಾ

ಆಮಿ ಕಿತ್ಯಾಕ್ ಗೊ ವೊಸೊನಾ?

ಕಾಗೊದ್ ಪೆನ್ಶೀಲ್ ಘೆವ್ನ್ ಝೆತಾಂನ್

ಬಾಂಕಾರ್ ಕಿತ್ಯಾಕ್ ಗೊ ಬೊಸೊನಾ ?

ಖಾವೊನ್ ಪಿಯೊನ್ ತಿ ಹೆಪಿ

ತೆಂಚೆ ಸೊಗ್ಲೆ ಥಾರ್ಯಾರ್.

ರಾತ್ ದಿಸ್ ಮೊರೊನುಯ್ ಬಿ

ಆಮಿ ಕಿತ್ಯಾಕ್ ಗೊ ವಾರ್ರ್ಯಾರ್?

ಶಾಡಾ ಶಿಕೊನ್ ವ್ಹೊಡ್ಲಿ ಜಾವ್ನ್

ತಿ ಭೊವ್ತೊಲಿ ಕಾರಾನ್…

ಆಮಿ ಚೀಡ್ಡೊನ್

ಧಾಕ್ಟೀಚಂ ಉರ್ತೊಲಿ

ಪತ್ರೆ ಲೊಖೊಂಣಾಚ್ಯಾ ಭಾರಾನಂ ?

ಚೆಡು

ಎಕ್ ದಿಸ್ ಮುರೆ

ತೆಂಚ್ಯಾ ಬುಕಾಂನ್

ಹಾವೆನ್ ಲ್ಹೊವೂಚ್ ಪೊಯ್ಲಾ

ಅಶೆ ಕಿತ್ಯಾಕ್ ಪೊಯ್ ತೆ

ಮ್ಹಾಕಾಯ್ ತೆನ್ನಾಚ್ ಕೊವ್ಲಾ

ತೆಂಚಿ ಆಸಾ ಎಕ್

ಮೊಠಿ ಅವ್ವಾ ..

ಬೊರಿ ಸಾಡಿ ಘಾಲ್ತಾ.

ಸಾಮ್ಕಿ ಹಿರೊಣೀಶಿ ದಿಸ್ತಾ.

ನಾವ್ ಖುಂಯ್

ಭಾರೊತ್ ಮಾತಾ ...

ತೀಕಾಚ್ ಲಾಗೊಂನ್

ತೆಂಚೆ ಖುಯ್ ದಿಸ್ತಾ ದಿಸ್ತ್ ಜಾತಾ.

ಚೆಡೊ

ತಶೆ ಜಾಲ್ಯಾರ್
ಎಕ್ ದಿಸ್ ಸೊದುನ್ ತೀಕಾ ಕಾಡ್ಚೀಚ್

ಆಮ್ಕಾಯ್ ತುಜಿ ಭುರ್ಗಿಂ ಕರ್

ಮ್ಹೂಣ್ ಪಾಯಾ ತೀಕಾ ಪೊಡ್ಚಿ ...

ಆಮ್ಕಾಯ್ ತುಜಿ ಭುರ್ಗಿಂ ಕರ್

ಮ್ಹೂಣ್ ಪಾಯಾ ತೀಕಾ ಪೊಡ್ಚೀಚ್ ...

- ಸಂಗೀತಾ ನಾಯ್ಕ್. [ಫೆಬ್ರೆರ್, 2020]