ಕವಿತಾकविताPoem
Portun et'toli gul (- Smitha Shennoy)
[kovita] Portun et'toli gul (- Smitha Shennoy)
Monis hea dhortecho yejman koso jieta dekun her jivincher, sukonneancher, zhoddancher opli rajvottki choloita. Dis gel'leporinch monoxacho somsar lhan lhan zaun veta; zoxem eka tempar holl'llemni, xeta-bhattamni, ugtea moidanamni oplem bhurgemponn khorchil'lo monis az tachim bhurgim flettamni, lhan lhan kuddamni jieun asat dekun rostoch tanchem khella-moidan. Holl'llentlea ghorasomor angonn ani angnnabhomvtonnim veg-vegollim fulam zhoddam ani ruk asle punn konkrettichea lha-khan flettamni soit chott'ttemni tea bhagint jiezai aschea fulam-zhoddank jieunko poddlam. Hi kovita fokot itlench nhoi; khub vichar sangun veta.
Punn fulchem gulmohor, rosteacher zhoddl'lim fulam, mai moino sompun jyun moino yetana sogollem bodolchem sokkodd ekek kannio sangun vetat. Gulmohor ek sanketik sahet korn kovita kaim veg-vegolleo kannio sangun vetana kovitarosikak oxem bhogta opunn ek vegollo somsar polletam. Kovita vachun zal'lich porot ek pauttim vachunk prerit korchi kovita hi.
[kovita] Portun et'toli gul (- Smitha Shennoy)
Portun et'toli gul
tin'ni mollyeri osoche mijem ghora konddyentu nilkunu hastati tambddi tambddi
gulmohor zol'le hatho ghalnu
tanddoleari melloto mhonnuno dista,mollona.. Oni kokea bodd'ddo
sirkavonu tandduche mizo zaimano nhoyi rukka mullantunu
polloileari tambdde pachve chitra chhotri xe
dische hanka migelaggi kit'teki logavo kankritt manddun
gel'lelea makkai him gul chompenchi
jiuno pritiche poxem sonjechea thonddo
vareako malvunu sorolla loggicho et'tati
bhit'toreuche mHno osolea vori tedna, vellu pollovunu
zayitle tandduno kannugheuyet.. Mhunn, hamvo tandduno
kaddtolonhoi oppuddanaxi
dhoddoleari ton'ni koptati nirlokxyo keleari
ton'ni volloulltati nillo mollobari kallem
datto zat'tana robbocheako zainaxi
zor varea eko fulo lott'ttone moddunu bhit'tori
poddta itle zal'le magiri
hamvoi soddotolo nhoi ubbarunu poklleo
poklleo porsitam golleari tonddari
dhauddanu sukho pautam obhro rongachea
bhit'tovoilo tizo sukxmo poromollu ghet'tam tigeli opputto
chondayeko solvunu ful'ladanintu dourunu sanoxe hastam surupo polloiyta
nidono poddtam sakallim zoleari
gulmohor 'ki'mhonnochea rukka chea rompeari
pollocheako loggi oppuddocheako dhuro mhollelea
ontrari lambtat eko pautti modhe me
mhohineantu morlelea xirandari pausako ful'lom fura zhoddlim teadisu margachea
hordeako datti tambddi god'doddi pangurli rompeari kamyim
ful'loch nanti sokkoddo ordho
vadd'ddile mitt'tte moka kiteako pottako
ujzoki got'tuna tea disu hamve konddi
koll'lich na vochchile pustoka
modhdhentu fura kednoki dourunu visorlele
gulmohorachem sukkole poklleo pon'no ghouddaitana
nisornu, nikollnu riggunu bharyi poddtati kiteakki mosto
bhorolam hem mojje bhitor mogiri, hamv konddi
kaddunoch koddtolom bhumyicheatunu dhuro
patlanu ghevunu akaxo soglle tambddo
rongu ximpuddchi gul xeherachem bhago zaunu
konnoim monako vhoronotlea vori osso zovabdarinat'tili
chordduponnachi chel'li konnokhoi pollovunu
eki umedi dokhoitili nhoi tijjeitleako ti prayecho bhoromu tika moka moskiri korocho
hasu bhoim-bhito not'tilo
khellu sopuro so poromollu
soddunu moka oppoitona pollovunu hamvo nut'to
zot'tam zun sompche fudde
poroto et'tali gul pollokva.... Tinnech zaunu oyle
xivai mhogu koxim korum?
- Smitha Shennoy. [Oct, 2020]
Smitha Shennoy: Tirthahalli mullachi sod'deak Mongllurant vosti korun, konkonni, kon'nodd, inglix nemalleamni toxench zallizageamni boromvchi hi vrit'ten sohaik pradheapok zaun mongllurchea Besent Collejint potrikodhyom' vibhagachi mukhest zaun vaur korun asa. Ttivi cheanolamni nirupoki, nattokamni obhinoi, mongllur akaxvannint karyokromam, ddijittol addiont kotha sadorponn oxem hichi protibha vevegollea xetant asa.
ಕವಿತಾकविताPoem May 2020
Montari (- Smitha Shennoy)
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.