ಕವಿತಾकविताPoem

Porikroma (- Shailendra Mehta)

[kovita] Porikroma (- Shailendra Mehta)

Aichea kallar monoxak solisayen mankodd korunk don vidhanam asat. Ek; itihasachim ghoddopam ani don; fottkiri kanni. Khorench; monis sotak dha sovalam korota punn fottink turont mandun gheta. Hantum dorek vorgacho monis asa mhonntokoch tempadolo itihas fuddolea vorsamni purto bodoltolo.

Bab xoilendro mehtacheo kovita omurt kovita, sonkirnn imajink apolea kovitemni guntun to kovita boroita dekun ek kovita kaim sobhar kannio sangotat. Hi kovita soit tech vorogachi, bakichem tukunk tujer soddotam.

[kovita] Porikroma (- Shailendra Mehta)

Porikroma

Ghai pekhtat mavo urtat

katiche fattbhumyer

kallache gotipromann

levo zaun visrotat

bhut vednanchi barakhoddi

monachea tollpakhachint mat

kil'lot rauta ek bim

aplim mullam patlloyat

khol anni oispois

vaddot vota romplo ani

mharukhacho zata vistar

sorbhomvotonnochim suknnim

zomtat bhireabhireani

chakhunk follam dusvasachim

aplea chonchik dhar koddit

sangtat tatporeacheo kanneo

natrakotorank

tanteantlean bhair sorchea adinch

itihasik suddachi mokh dourun

nove ghai ghalcheapasot

- Shailendra Mehta. [Feb, 2020]

Shailendra Mehta: Kaim challis vorsam thaun moratthi toxench konkonnint kovita boroun ayil'lo bab xoilendro mehta, paromporik kovita nhoi bogar adhunik kovita boroiteleanchea pongter asa. Omurt sonket (Abstract images) oplea kovitemni guntun utrantolea orthanchea gorbhamni tim lipomvchi xeathi ascho takteunt kovi. Tacho kovitazomo ’Sisifos Teng‌xer’ ailevar porgott zal'lo zaunasa.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

Shailendra Mehta

Zolm': Ponnji
Mullave xikxonn vaglle haiskul mongexi, tache uprant sorkari uchch madhyomik videaloi ani dhempe kolez, ponnji. Uprant mumboi videapitthachi totvoginean vixeantani gova videapitthachi rajyoxastr ani lettin omerikon sttoddiz vixeamni podvyut'tor podvi. 1980 chea doskant videarthi, kamgar ani Konkani cholloullini sokriy.
Konkani, moratthi, inglejh bhaxantlean kovita, lekh, nattyoporikxonn, nibond, sod nibond, mulakhoti toxench sthaptyoxastr, ddizhain, hostokola, somazoxastr, rajyoxastr oxea vingddovingodd vixeamveli borpaull thollavea, raxttri-i ani antororaxttri-i nemalleani sat'tean ujvaddak yet asa.
Goa videapitthachea Konkani vixvokox proklpant sonxodhon sohaik: 3 vorsam
Goan Viklicho Sompadok: 1 vors
Gomontok Times Nemalleant Potrokar: 5 vorsam
Fr.Agnel College, Pilar Hanga Rajyoxastr Vixeacho Veakheata: 6 vorsam
Gelim 26 Vorsam choddso Mumboi rabito.
'inddeks fornichor zornol ' hea antororaxttri-i nemalleachem 20 vorsam sompadon,
'mai monttor'(3 vorsam) hea inglejh ani 'songram'' (7 vorsam) hea moratthi nemalleachem sompadon
Gomontok ttiuhi hea chenlacho maji sol'lagar sompadok: dedd vors
Poinnari.com Sohsompadk: 2020 Saun
Sompadok: Vornnomudra, Konkani sahityik tin mhoineallem 2024 saun
Ujvaddoil'lem Sahity:
1. Sisifos tengxer: Konkani kovitasongroh
2. Mukt chinton: nibond songroh (Konkani)
3. Obhizat: somvsarik sahiteacher moratthi nibondh songroh.
4. Vijnovasantolo bhounddekor: Konkani kovitasongroh
5. Ximepolotoddochem daiz: kothasongroh (16 somvsarik kothancho Konkanint onnkar)
6. Mukt monthon: nibond songroh (Konkani)
7. Mumboicho vepari: ke ji mol'lea hanche kadomboricho Konkani onnkar
8. Algoridomachea vixvant: kovita songroh (Konkani)
9. Pleg: alber kamyuche french kadomboricho Konkani onnkar
10. Goveatil porxuram' kotha vo brahmonni itihasolekhon: moratthi

Fuddem Yeupi Prokaxonam:
1. Okxor: nibond songroh (purvil'lea te modhyoyugamerenchea namnechea sahity rochnnukanchi molaunni) (moratthi)
2. Osvosth vortoman: kovita songroh (moratthi)
3. Pordesantolim fulam: 60 somvsarik kovincher ttipnnam anni tanchea kovitanche onnkar (Konkani)
4. Kotha porikroma: vis somvsarik kothancho moratthi onnkar
5. Osmanoteadd bondd: periar (Konkani)
6. Soundryoxastr ani Konkani sahity
7. Kallkhantolem rong ani her kotha: Konkani kothasongroh
8. Against the Silence: Poetry collection in English
9. Mocking the Mundane: Collection of Essays in English
10. The Parashuram Myth and Brahminical Historiography in Goa (English)
11. Olpakxor: kothnam ani kounam (Konkani)
12. Arvil'lea vicharovixvantole bonddkhor: 10 chicharount ani tanche vichar (Konkani)
13. Srizonosomvosaracho harso: somvsarik sahiteacher nibond (Konkani)

Lipeantoronn Zal'lim Pustokam
1. Sisifos tengxer: Konkani kovitasongroh (kon'nodd)
2. Nirvasit yatrichi bhounddi (kon'nodd)

e-Books
Sisifos Tengxer: Konkani Kovitasongroh (2021)

• 100 poros chodd vingodd vingodd ontororaxttri-i ani bharti-i bhaxantlea kovitancho Konkanint onnkar.
• poinnari onkachea kovi hokk ani man, mhoineacho kovi bhouman mellil'lea kovitancher porikxonnam

Puroskar:
Sisifos Tengxer (kovita songroh):
• Konkani okademicho rajy Puroskar (2018)
• Konkani bhaxa monddllacho rok barretto Puroskar (2018)
• Vishwa Konkani Kendrancho Vimala Pai Puroskar (2021)
Mukt Chinton (Nibondh Songroh):
• Konkani okademicho rajy Puroskar (2024)
Mubomycho Vepari (Onnkar):
• Konkani Bhaxa Monddllacho Puroskar (2024)
Nirvasit Yatrichi Bhounddi
• Ashawadi Prakashanacho Denis Dcunha Smarok Kannad Lipeantoronn Puroskar (2025)

All 9 pages by this writer