ಕವಿತಾकविताPoem

ಪರಿಕ್ರಮಾ (- ಶೈಲೆಂದ್ರ್ ಮೆಹ್ತಾ)

[ಕವಿತಾ] ಪರಿಕ್ರಮಾ (- ಶೈಲೆಂದ್ರ್ ಮೆಹ್ತಾ)

ಆಯ್ಚ್ಯಾ ಕಾಳಾರ್ ಮನಶಾಕ್ ಸಲೀಸಾಯೆನ್ ಮಾಂಕೊಡ್ ಕರುಂಕ್ ದೋನ್ ವಿಧಾನಾಂ ಆಸಾತ್. ಏಕ್; ಇತಿಹಾಸಾಚಿಂ ಘಡಪಾಂ ಆನಿ ದೋನ್; ಫಟ್ಕಿರಿ ಕಾಣಿ. ಖರೆಂಚ್; ಮನೀಸ್ ಸತಾಕ್ ಧಾ ಸವಾಲಾಂ ಕರತಾ ಪುಣ್ ಫಟಿಂಕ್ ತುರಂತ್ ಮಾಂದುನ್ ಘೆತಾ. ಹಾಂತುಂ ದರೇಕ್ ವರ್ಗಾಚೊ ಮನೀಸ್ ಆಸಾ ಮ್ಹಣ್ತಕಚ್ ತೆಂಪಾದಲೊ ಇತಿಹಾಸ್ ಫುಡಲ್ಯಾ ವರ್ಸಾಂನಿ ಪುರ್ತೊ ಬದಲ್ತಲೊ.

ಬಾಬ್ ಶಯ್ಲೇಂದ್ರ ಮೆಹ್ತಾಚ್ಯೊ ಕವಿತಾ ಅಮೂರ್ತ್ ಕವಿತಾ, ಸಂಕೀರ್ಣ್ ಇಮಾಜಿಂಕ್ ಆಪಲ್ಯಾ ಕವಿತೆಂನಿ ಗುಂತುನ್ ತೊ ಕವಿತಾ ಬರಯ್ತಾ ದೆಕುನ್ ಏಕ್ ಕವಿತಾ ಕಾಂಯ್ ಸಭಾರ್ ಕಾಣಿಯೊ ಸಾಂಗತಾತ್. ಹಿ ಕವಿತಾ ಸಯ್ತ್ ತೆಚ್ ವರಗಾಚಿ, ಬಾಕಿಚೆಂ ತುಕುಂಕ್ ತುಜೆರ್ ಸೊಡತಾಂ.

[ಕವಿತಾ] ಪರಿಕ್ರಮಾ (- ಶೈಲೆಂದ್ರ್ ಮೆಹ್ತಾ)

ಪರಿಕ್ರಮಾ

ಘಾಯ್ ಪೆಖ್ತಾತ್ ಮಾವೊ ಉರ್ತಾತ್

ಕಾತೀಚೆ ಫಾಟ್ಭುಂಯೆರ್

ಕಾಳಾಚೆ ಗತೀಪ್ರಮಾಣ್

ಲೆವ್ ಜಾವ್ನ್ ವಿಸ್ರತಾತ್

ಭೂತ್ ವೆದ್ನಾಂಚಿ ಬಾರಾಖಡಿ

ಮನಾಚ್ಯಾ ತಳ್ಪಾಖಾಚೀಂತ್ ಮಾತ್

ಕಿಲ್ಲತ್ ರಾವ್ತಾ ಎಕ್ ಬಿಂ

ಆಪ್ಲಿಂ ಮುಳಾಂ ಪಾತ್ಳಯಾತ್

ಖೊಲ್ ಆಣಿ ಐಸ್ಪೈಸ್

ವಾಡತ್ ವತಾ ರೊಂಪ್ಲೊ ಆನಿ

ಮ್ಹಾರುಖಾಚೊ ಜಾತಾ ವಿಸ್ತಾರ್

ಸರ್ಭೊಂವತಣಚಿಂ ಸುಕ್ಣಿಂ

ಜಮ್ತಾತ್ ಭಿರ್ಯಾಭಿರ್ಯಾನಿ

ಚಾಖುಂಕ್ ಫಳಾಂ ದುಸ್ವಾಸಾಚಿಂ

ಆಪ್ಲ್ಯಾ ಚೊಂಚೀಕ್ ಧಾರ್ ಕಡೀತ್

ಸಾಂಗ್ತಾತ್ ತಾತ್ಪರ್ಯಾಚ್ಯೊ ಕಾಣ್ಯೊ

ನಾತ್ರಾಕೊತರಾಂಕ್

ತಾಂತ್ಯಾಂತ್ಲ್ಯಾನ್ ಭಾಯ್ರ್ ಸರ್ಚ್ಯಾ ಆದೀಂಚ್

ಇತಿಹಾಸೀಕ್ ಸುಡಾಚಿ ಮೊಖ್ ದವ್ರೂನ್

ನವೆ ಘಾಯ್ ಘಾಲ್ಚ್ಯಾಪಾಸತ್

- ಶೈಲೆಂದ್ರ್ ಮೆಹ್ತಾ. [ಫೆಬ್ರೆರ್, 2020]