ಕವಿತಾकविताPoem

ಅಸ್ತುರಿ (- ಎಚ್. ಮನೋಜ್ ಜೆ)

[ಕವಿತಾ] ಅಸ್ತುರಿ (- ಎಚ್. ಮನೋಜ್ ಜೆ)

ಅಸ್ತುರೆಚ್ಯಾ ರುಪಾವಿಶಿಂ, ತಿಚ್ಯಾ ಸಾಖ್ರಿಫಿಸಾವಿಶಿಂ, ತಿಚ್ಯಾ ಮಾಯಾಮೊಗಾವಿಶಿಂ ಜಾಯ್ತ್ಯೊ ಕವಿತಾ ಆಮ್ಕಾಂ ವಾಚುಂಕ್ ಮೆಳತಾತ್. ಹಾಂಗಾಸರ್ ತಸಲಿಚ್ ಏಕ್ ಕವಿತಾ ಎಕಾ ಅಸ್ತುರೆಚ್ಯಾ ನಿರಂತರ್ ಮಿನತೆವಿಶಿಂ ಸಾಂಗ್ತಾ.

[ಕವಿತಾ] ಅಸ್ತುರಿ (- ಎಚ್. ಮನೋಜ್ ಜೆ)

ಅಸ್ತುರಿ

ಜಿವಾಕ್ ನವ್ಯಾ ಜಲ್ಮ್ ದಿವಂಕ್

ಭೊಗ್ಲ್ಯೊ ಕಿತ್ಲ್ಯೊ ಯಾತ್ನಾ ತೀಣೆ

ವೊತಾ ವಾರ್ಯಾಚಿ ಪಾವ್ಸ್ ಗರ್ಮೀಚಿ

ಪರ್ವಾ ತೀಕಾ ನಾಶಿಲ್ಲಿ ಖರೀಚ್

ತಿ ಆಶೀಲ್ಲಿ ಅಸ್ತುರಿ

ರುಖಾಂ ಫಾಂದ್ಯೆರ್ ಝೊಪಾಳ್ ಬಾಂದೂನ್

ಸಾನ್ ಭುರ್ಗ್ಯಾಕ್ ಧೊಲೊವ್ನ್-ಧೊಲೊವ್ನ್

ಪೊಟಾ-ಫಾಟಿ ಎಕ್ ಕರೂನ್

ದಿಸುಯ್ಭರ್ ಕಶ್ಟ್ ಕರಿ

ತಿ ಆಶೀಲ್ಲಿ ಅಸ್ತುರಿ

ದೆಂವ್ತಾಲಿ ಶೆತಾಂ-ಭಾಟಾಂತ್

ಕೆನ್ನಾ ತರಿ ಗಟಾರ್ ಸಾಫ್

ಹೂಮ್ ಗಳಯ್ತ್ ಝಿಜ್ತಾಲಿ

ವಜೆಂ ಮಾಥ್ಯಾರ್ ಧರಿ

ತಿ ಆಶೀಲ್ಲಿ ಅಸ್ತುರಿ

ಸಾಂಜ್ವೆಳಾರ್ ಪರ್ತತನಾ

ಕಾಪ್ಟ್ಯೊ, ಸೊಣ್ಣಾ ವೆಂಚೂನ್ ಹಾಡಿ

ಬುಡ್ಕುಲೊ ಚುಲೀರ್ ಚಡೊವ್ನ್

ಧುಂವ್ರಾನ್ ಬಾಬ್ಡಿ ಘಸಮ್ಟ್ಟಾಲಿ

ತಿ ಆಶೀಲ್ಲಿ ಅಸ್ತುರಿ

ಮಾನ್ಲೆಂ ಕಶ್ಟಾಕ್ ಸೂಖ್ ತೀಣೆ

ಪದ್ರಾನ್ ಪುಸ್ಲೆಂ ದೊಳ್ಯಾಂತಲೆಂ ದೂಕ್

ಚಿತ್ರ್ ಮುಖಾರ್ ಉಜಳ್ ಫುಡಾರಾಚೆಂ

ದವ್ರೂನ್ ತೊಂಡಾರ್ ಹಾಡ್ಲೆಂ ಹಾಂಶೆಂ

ತಿ ಆಶೀಲ್ಲಿ ಅಸ್ತುರಿ

ಪುರಾಯ್ ಕರುಂಕ್ ಜೀಣೆ ರಾಟಿ

ಸೊಡಯ್ಲ್ಯೊ ತೀಣೆ ಹಜಾರ್ ಗಾಠಿ

ಕೊಣಾಯ್ಚ್ಯಾ ಉಲ್ಯಾಕ್ ಪಾವ್ಪಾಖಾತೀರ್

ಜೀವಾಚ್ಯಾ ಆಂಕಾಂತಾನ್ ಧಾಂವೊ ಫುಡೆ

ತಿ ಆಶೀಲ್ಲಿ ಅಸ್ತುರಿ

- ಎಚ್. ಮನೋಜ್ ಜೆ. [ಸಪ್ತೆಂಬ್ರ್, 2020]