ಕವಿತಾकविताPoem

Onupkari Khandd (- Vincy Quadros)

[kovita] Onupkari Khandd (- Vincy Quadros)

Somsarant don vorgache lok asat, ek: fokot oplem pott bhorunk jieta ani don: heranchi fikir soit korun opnnasovem heranchi bhuk soit nivarunk attovo korta. Osolench chintop kaullo soit korta, oplea pilamsovem kogullechea pilank soit posta punn okherik kaulleak bhogunk mellchem fokot onupkari chintop. Hench chintop hea kovitent disun yeta.

[kovita] Onupkari Khandd (- Vincy Quadros)

Onupkari Khandd

Ek kogull aplea pilanchea mogan

Korunk tanchea pottachi vevostha

Sorli bhair jiv dovrun ghotterant

Unch-sokol sodunk mellounk khann

Kednam zhaddanr kednam zomnir

Ani kantteam soit palea-potrant

Punzailem khann chonchin borench

Poddche nant hachi khatrit korun

Dhorlem paim-ianchea gollxirant

Yeunk porot tannli vatt umedichi

Poilie pautt moladik khann melloun

Bhul’lusun geli ti vegllea sonvsarant

Nodor asli thir ghonttera koddem

Okosmat pollelem ek kanvllea pil

Tollmollttalem babllichea kantteant

Pakhamni nett okosmat denvoilo

Churchureanchie bhavnen bhorli

Visron aplea pilank ghusli zhompant

Aplie chonchin kanntte soddoile

Kanvllea pilak suttka dili koxttoun

Svota rongbomball zali karyant

Suria mov aslo xant aslem mollob

Ulhasan gait dhin’vasnniechem git

Kogull pavli khann gheun ghontterant

Nixpap pilam chonchi ugtio, naslo jiv

Kogull lagli roddonk polleun kanvlleak

Zannem kel'lo onupkari khandd ghotterant

- Vincy Quadros. [Jul, 2020]