नाच्च जालें... (- एडवीन फेर्नांडीस)

अमुरको हांसो

सुळसुळीत गुलगुलीत पोले

धाट्ट लांब केंस

तांबडे ओंठ आनी

गारशे तुजे दोळे

पळयतच तुका

चिंतनांनी म्हज्या

काळजाक घातलो घावो

सुंदर रुपान तुज्या

काळजांत म्हज्या

राबितो केलो

फुड्यांतूच आशिल्ल्यान

त्याच खिणांक ताका

भेंट दिवंक चिंतलें

पावल फुडें मात घातिल्लें

इतल्यान न्हिदेंतलो उठायत

आईन चादरूच ओडलें

तेन्ना सपनांतलें सुंदरें

नाच्च जालें, नाच्च जालें

-  एडवीन फेर्नांडीस. [अगोस्त, २०२०]

एडवीन फेर्नांडीस: कोंकणी साहितीक अभिरूच आसच्या हाचीं कविता गोंयच्या नेमाळ्यांनी पर्गट जाल्यांत. ’नवी दिशा’, आनी ’गोंयची भुंय’ म्हळ्ळीं दोन कवितेचीं पुसतकां प्रकाशीत जाल्यांत.