ನಾಚ್ಚ್ ಜಾಲೆಂ... (- ಎಡ್ವಿನ್ ಫೆರ್ನಾಂಡಿಸ್)

ಅಮುರಕೊ ಹಾಂಸೊ

ಸುಳ್ಸುಳೀತ್ ಗುಲ್ಗುಲೀತ್ ಪೊಲೆ

ಧಾಟ್ಟ್ ಲಾಂಬ್ ಕೆಂಸ್

ತಾಂಬ್ಡೆ ಒಂಠ್ ಆನಿ

ಗಾರ್ಶೆ ತುಜೆ ದೊಳೆ

ಪಳಯ್ತಚ್ ತುಕಾ

ಚಿಂತ್ನಾಂನಿ ಮ್ಹಜ್ಯಾ

ಕಾಳ್ಜಾಕ್ ಘಾತ್ಲೊ ಘಾವೊ

ಸುಂದರ್ ರುಪಾನ್ ತುಜ್ಯಾ

ಕಾಳ್ಜಾಂತ್ ಮ್ಹಜ್ಯಾ

ರಾಬಿತೊ ಕೆಲೊ

ಫುಡ್ಯಾಂತೂಚ್ ಆಶಿಲ್ಲ್ಯಾನ್

ತ್ಯಾಚ್ ಖಿಣಾಂಕ್ ತಾಕಾ

ಭೆಂಟ್ ದಿವಂಕ್ ಚಿಂತ್ಲೆಂ

ಪಾವ್ಲ್ ಫುಡೆಂ ಮಾತ್ ಘಾತಿಲ್ಲೆಂ

ಇತ್ಲ್ಯಾನ್ ನ್ಹಿದೆಂತಲೊ ಉಠಾಯ್ತ್

ಆಈನ್ ಚಾದ್ರೂಚ್ ಒಡ್ಲೆಂ

ತೆನ್ನಾ ಸಪ್ನಾಂತಲೆಂ ಸುಂದ್ರೆಂ

ನಾಚ್ಚ್ ಜಾಲೆಂ, ನಾಚ್ಚ್ ಜಾಲೆಂ

- ಎಡ್ವಿನ್ ಫೆರ್ನಾಂಡಿಸ್. [ಅಗೊಸ್ತ್, 2020]

ಎಡ್ವಿನ್ ಫೆರ್ನಾಂಡಿಸ್: ಕೊಂಕಣಿ ಸಾಹಿತಿಕ್ ಅಭಿರುಚ್ ಆಸ್ಚ್ಯಾ ಹಾಚಿಂ ಕವಿತಾ ಗೊಂಯ್ಚ್ಯಾ ನೇಮಾಳ್ಯಾಂನಿ ಪರ್ಗಟ್ ಜಾಲ್ಯಾಂತ್. ’ನವಿ ದಿಶಾ’, ಆನಿ ’ಗೊಂಯ್ಚಿ ಭುಂಯ್’ ಮ್ಹಳ್ಳಿಂ ದೋನ್ ಕವಿತೆಚಿಂ ಪುಸ್ತಕಾಂ ಪ್ರಕಾಶಿತ್ ಜಾಲ್ಯಾಂತ್.