ಮ್ಹಜಿಂ ಗಿತಾಂ (- ದೆವಿದಾಸ್ ಕದಮ್)

[ಕವಿತಾ] ಮ್ಹಜಿಂ ಗಿತಾಂ (- ದೆವಿದಾಸ್ ಕದಮ್)

ಕವಿತಾ ಮ್ಹಳ್ಳ್ಯಾ ಥೊಡ್ಯಾಚ್ ಉತರಾಂನಿ ಗೂಂಡ್ ವಿಶಯ್ ಆನಿ ಅರ್ಥಾಭರಿತ್ ವಿಚಾರ್ ಖರೆಂಚ್ ದರೇಕ್ ಸಾಹಿತಿಕ್ ಅಭಿಮಾನಿ ಖಾಯ್ಸ್ ಕರತಾ. ವೃತ್ತೆನ್ ಶಿಕ್ಷಕ್ ಜಾವ್ನಾಸ್ಚೊ ಬಾಬ್ ದೆವಿದಾಸ್ ಕದಮ್ ಕೊಂಕಣಿಂತಲೊ ನಾಮ್ನೆಚೊ ಕಥಾಕಾರ್, ಕಾದಂಬರಿಕಾರ್ ಪುಣ್ ಏಕ್ ಅಪ್ರೂಪ್, ಅಪುರ್ಭಾಯೆಚೊ ಕವಿ ಮ್ಹಳ್ಳೆಂ ಜಾಯತ್ಯಾಂಕ್ ಕಳಿತ್ ಆಸ್ಚೆಂ ನಾ. ಹಾಚ್ಯಾ ಕವಿತೆಂಚೊ ಬೂಕ್ ’ಮ್ಹಜಿಂ ಗಿತಾಂ’ ವೆಗಿಂಚ್ ಪರ್ಗಟುನ್ ಯೆಂವ್ಚ್ಯಾರ್ ಆಸಾ. ಹ್ಯಾ ಜಮ್ಯಾಂತ್ಲಿಂ ಥೊಡಿಂ ಕವಿತಾ ಹಿಂ.

[ಕವಿತಾ] ಮ್ಹಜಿಂ ಗಿತಾಂ (- ದೆವಿದಾಸ್ ಕದಮ್)

ಮ್ಹಜಿಂ ಗಿತಾಂ

*1*

ಪಳಯ್ ನಾಕಾತ್

ಮ್ಹಜ್ಯಾ

ಪುಸ್ತಕಾಚೀಂ

ಪಿಂಜಿಲ್ಲೀಂ

ಪಾನಾಂ...

ಪಳಯಾತ್

ಪುಸ್ತಕಾಂತಲೊ

ವಿಶಯ್

ಪಾನಾಂ

ನಶ್ವರ್!

ನ್ಹಯ್

ವಿಶಯ್!

*2*

ಈತ್ಸಾ ಕೆಲೀ

ಮನಾಚೆ

ಶಾಂತೀ ಪಾಸತ್

ದೆವಳಾಂತ್ ವಚಪಾಚೀ.

ಈತ್ಸಾ ಕೆಲೀ

ಮನಾಚೆ

ಶಾಂತೀ ಪಾಸತ್

ರಾನಾಂತ್ ವಚಪಾಚೀ.

ಈತ್ಸಾ ಕೆಲೀ

ಮನಾಚೆ

ಶಾಂತೀ ಪಾಸತ್

ಹಿಮಾಲಯ್ ವಚಪಾಚೀ.

ಪೂಣ್, ಧರಲೀ ನಾ

ಈತ್ಸಾ ಎಕಾ

ಬರ್ಯಾ ಸಾಂಗಾತ್ಯಾಚೀ

ಜಯ್ ಶಾಂತತಾಯೆಚೀ

ಮುಳಾಂ ರುಜಲ್ಯಾಂತ್..

- ದೆವಿದಾಸ್ ಕದಮ್. [ಮಾಯ್, 2020]

ದೆವಿದಾಸ್ ಕದಮ್: ಸಾಹಿತ್ಯ್ ಅಕಾಡೆಮಿಚೊ ಪುರಸ್ಕಾರ್ ಜೊಡ್ಪಿ, ತಶೆಂಚ್ ವಿಮಲಾ ವಿ ಪೈ ಪುರಸ್ಕಾರ್ ತಶೆಂಚ್ ಸಭಾರ್ ಹೆರ್ ಪುರಸ್ಕಾರ್ ಜೊಡ್ಪಿ, ವೃತ್ತೆನ್ ಶಿಕ್ಷಕ್, ಪುಣ್ ಕಥಾ-ಕಾದಂಬರಿಂತ್ ನಾಮ್ನೆಚೊ ಹೊ ಏಕ್ ಕವಿ ಸಯ್ತ್ ಮ್ಹಳ್ಳೆಂ ಸಭಾರಾಂಕ್ ಕಳಿತ್ ನಾ. ತಾಚ್ಯಾ ಕೊಂಕಣಿ ಕವಿತೆಂಚೊ ಜಮೊ ’ಮ್ಹಜಿಂ ಗಿತಾಂ’ ವೆಗಿಂಚ್ ಬುಕಾರುಪಾರ್ ಪರ್ಗಟ್ ಜಾಂವ್ಚ್ಯಾರ್ ಆಸಾ. ಥೊಡ್ಯಾಚ್ ಉತ್ರಾಂನಿ ಗುಂಡಾಯೆಚೆ ವಿಚಾರ್ ತಶೆಂಚ್ ತಾತ್ವಿಕ್ ಚಿಂತ್ಪಾಕ್ ವ್ಹಾಳಂವ್ಚ್ಯೊ ಹಾಚ್ಯೊ ಕವಿತಾ ಆಧ್ತ್ಮಿಕ್ ಚಿಂತಪಾಚ್ಯೊ.