Mettam (- Salomi Miyapadav)

[kovita] Mettam (-  Salomi Miyapadav)

Somajent kednam-i osturi ulounko vhochana, guptim sosun vhorta. Punn tichi obhivyokt somzol'lim nant, tichi obhivyokti somajen tthorayil'lea prokarachi nhoi, vegllich asta. Punn jednam ti opli obhivyokti somajen tthorayil'lea ritin korunk mett kaddta tednam udeta osoli kovita. Utramni mottvi disunk puro punn hea don koddveamni khub sangta jyem itihasachea panamni ami porot porot vachun ayil'lem. Hangasor jivi simentt asa ani tacher honkarachim mettam asat tim thir zaun urchem chitronn kovi disoitana ek doreo asa, ani tea doreachea toddicher nenntea paulamni chol‌l'lim mettam pusunk lharank dhaddchem chitronn asa. Lisamv bhovo sompem; ordo kollso olkondta punn bhor‌l'lo nhoi. Doreo zannari ani doreachi sokot (gunddai/vistarai) vornnunk tollim/bamychi sosai gorjechi nhoi. Ani to zannto doreo soit nennteachim paulam pusu kaddunk oplim lharam dhaddta.

Solomi Miyapadav konkonnichea fuddarachi ek bhorvoxeachi kovi mhonnun ’attvo sur’ pustokantleo ticheo ekek kovita govai ditat. Mottveo punn opur‌bhayechea chintpacheo kovita. Atam hea kovitentlim totvam mezunk tukach soddtam.

[kovita] Mettam (-  Salomi Miyapadav)

Mettam

Jivea simenttichea vatter

honkaran chol‌l'lim mettam

sasnnak ur‍lim.

Dursonneank

bor‍gal ailoch na!

Dor‍ya toddir

nennar‍ponnan

chol‌l'lim mettam

lharamni pusun kaddlim

konnaki koll'llench na!

- Salomi Miyapadav. [Apr, 2023]

Solomi Miyapadav: Konkonni, Kanoddi bhasemni kovita, chuttukam, pinturam toxench her ritichim borpam boroita. Tinxamvoir kovita boroileant, kovigoxttimni teo sador keleat. Hichea konkonni kovitenchem dvi-lipichem pustok 'Attvo Sur (2023)’ Ashawadi Prakashanakhal porgott zaun veginch kovitarosikank mellchear asa.