ಮಾಂವಾಡ್ಚೊ ರಸ್ತೊ (- ನಾಮ್‌ದೇವ್ ಗ. ಸುರ್ಲಿಕಾರ್)

[ಕವಿತಾ] ಮಾಂವಾಡ್ಚೊ ರಸ್ತೊ (- ನಾಮ್‌ದೇವ್ ಗ. ಸುರ್ಲಿಕಾರ್)

ಕಾಳ್ ಬದ್ಲುನ್ ಗೆಲ್ಲೆಪರಿಂ ಮನಶಾಚಿ ಜಿಣ್ಯೆರೀತ್ ಸಯ್ತ್ ಬದ್ಲುನ್ ಗೆಲ್ಯಾ ಪುಣ್ ಹ್ಯಾ ಕವಿತೆಂತಲ್ಯೊ ಯಾದಿ ವೆಗಳಿಚ್ ಕಾಣಿ ಸಾಂಗುನ್ ವೆತಾ. ಕುಳಾರ್ ಮ್ಹಣ್ತಕಚ್ ಅಸ್ತುರೆಕ್ ಜಿತ್ಲೊ ಸಂತೊಸ್ ತರ್ ಘೊವಾಕ್ ತಿತ್ಲೊಸ್ ವಿರಾರ್ ದೆಕುನ್ ಮಾಂವಾಡ್ಚಿ ವಾಟ್ ಲೆಗುನ್ ಕಾಂಟೆ-ಕುಂಟೆ ಆನಿ ಫಾತರ್ ದಿಸ್ತಾತ್ ತೆಂಚ್ ತ್ಯಾ ಬಾಯ್ಲೆಕ್ ಕಾಂಟೆ ಲೆಗೂನ್ ಫುಲಾಂಪರಿಂ ದಿಸ್ತಾತ್.

[ಕವಿತಾ] ಮಾಂವಾಡ್ಚೊ ರಸ್ತೊ (- ನಾಮ್‌ದೇವ್ ಗ. ಸುರ್ಲಿಕಾರ್)

ಮಾಂವಾಡ್ಚೊ ರಸ್ತೊ

ಮಾಂವಾಡ್ಚೊ ರಸ್ತೊ ಖುಬ್ ತ್ರಾಸಾಂಚೊ

ವಾಕ್ಡೊ ತಿಂಕ್ಡೊ ಚಟ್ಟಿ ದೆಂವ್ತಿ

ತಾಂಬ್ಡೆ ದೊಗ್ರೆ ಮಾತ್ಯೆಚೊ

ಬಾಯ್ಲೆಕ್ ತ್ಯೊ ಸಂವಯೆಚ್ಯೊ ಕವಾಯ್ತಿ

ಪಾವ್ತಾ ಮ್ಹಣ್ಸರ್ ಮಾಂವಡ್ ಘರಾ

ಪಾಂಯ್ ಮ್ಹಜೆ ಯೆತಾ ಭರುನ್

ರಾನ್ ವಾಟೆತ್ಲ್ಯಾನ್ ಚಲ್ತನಾ

ಶೆಂಕ್-ಯಾಂಚೆರ್ ಪಡ್ಟಾ ನಿಸ್ರುನ್

ಫಾತ್ರ್ಯಾಂತ್ ಮಾತ್ಶೆಂ ಸರ್ರ್ ಜಾಲ್ಯಾರ್

ಆಂಗಾಚೆರ್ ಫುಲ್ತಾ ಕಾನ್ಟೊ

ಪಾಯಾಂಕ್ ಬಿಯಾಂಕ್ ಚಾಬತ್ ಮ್ಹಣ್

ಜಿವಾಣ್ಯಾಂಚೊ ಭಂಯ್ ಮೊಠೊ

ಮಾಂವಡ್ಯಾಂ ವಚ್ಪಾಚೆ

ಕೆನ್ನಾ ಕೆನ್ನಾಯ್ ವಿಚಾರ್ ಯೆತಾ

ಮೊಗ್ರಿಂ ವೊವ್ಳಾಂ ಜಾಯೊ ಜುಯೊ

ಪರ್ಮಳ್ ಆಪ್ಲೊ ಧಾಡುನ್ ದಿತಾ

ಯೆತಾ ತ್ಯಾ ಪಾವ್ಸಾ ಪಯ್ಲಿಂ

ಥಂಯ್ ವಚೆಂ ಥಾರ್ಲಾಂ

ಕುಳಾರಾ ಆಪ್ಲ್ಯಾ ವಚ್ಪಾ ಖಾತಿರ್

ಘರ್ಕಾನ್ನುಂಯ್ ಭುಲ್ಲುಸಲಾ

- ನಾಮ್‌ದೇವ್ ಗ. ಸುರ್ಲಿಕಾರ್. [ಅಕ್ತೊಬ್ರ್, 2020]