मां [डा| जयंती नायक]

’मां’ भोवशा संसातांतलो भोव सक्तेवंत सब्ध. वर्णुंक उत्रांच नासचो, गुंडाय मेजुंक माप‌च उणें पडचो सब्ध, कांय चडताव भासांनी एक‌च अर्थाचो सब्ध. ’मां’ एक सब्ध मात्र न्हय, एक दरयो, एक सुरयो, एक संसार. आनी एका ’आवय’ विश्यांत चिंताना उमाळ्याच्या सागोरांत उप्येनासचो कोण आसत?

डा|जयंती नायक गोंयची नामणेची काण्येगार्न, कवयत्री, विशलेषकी, तर्जण‌कार्न, नाटकिसत. साहीत अकाडेमी गोंय हाणीं पर्गट कर्च्या ’अनन्य’ स मयन्याळ्याची संपादकी. लोक‌वेदांत संसोद करून आसा.

[कविता] मां [डा| जयंती नायक]

***

तुजेकडल्यान शुन्याचें मोल

एक दीस आयकल्लें,

म्हणूनच आज हांव

शून्य भेदूंक पावलें!

***

भुरगेपणांत एकदां तुवेंच सांगिल्लें

आकाशदिव्याच्या उजवाडांत खंय,

सर्गार गेल्ले पुर्वज, घरा परततात म्हणा,

आतां हांव न चुकतां दिवाळेक

आंगणांत आकाशदिवो पेटयता,

पूण, तूं मात आजून आयलीच ना!

***

- डा| जयंती नायक: [जुलाय २०१८]

डा| जयंती नायक: गोंयचा युनिवर्सिटिंत पी.एच.डी. शिकाप जोडन लोक‌वेदांत संशोद कर्ता तशेंच गोंयचा कोंकणी अकाडेमीन पर्गटच्या स-मयन्याळ्या ’अनन्य’ साहितीक पत्राची संपादकी. कोंकणेंतली नामणेची काण‌येगार्न, कवयत्री. कांय ३५ बूक येदोळ‌च पर्गट केल्यात, तांतूं लोक‌वेद, कविता, नाटक, निबंद, बाल्य‌साहीत, अनुवाद आसात. कला अकाडेमी साहीत पुरसकार, साहीत अकाडेमी डेल्हिचो साहितीक पुरसकार, वावराड्यांचो इश्ट संस्थेचो पुरसकार, गोंय सर्काराच्या महिळा आनी भुर्ग्या विकास संचालनालयाचो यशोदामिनी पुरसकार हिका मेळ‌ल्ले प्रमूक पुरसकार.