ಕವಿತಾकविताPoem

कवी मेलो (- प्रेम मोरास)

[कविता] कवी मेलो(- प्रेम मोरास)

आयचें साहितीक वर्तूल लागशिल्यान पळेल्यार ही कविता समजुंक चड त्रास नांत. दोन संसारांनी एक संसार हकीगतेचो. खरेपणीं कवीन लागशिन्यान वोरावन पळेजाय आसलें पूण दुर्भाग‌पण म्हळ्यार चडताव कविता घडतेले फकत सब्धांक मेळंवच्या कलेपाटल्यान धांवुंक लागल्यात देकून ताणीं रसचो संसार वेगळो; काल्पनीक. तांतूं तीन कासांक‌यी मोल ना देकून तसलो कवी मेल्यारी जियेल्यारी कोणाक‌यी कितेंय फरक लागना म्हळ्ळें चिंतप ह्या कवितेचें मुळावें चिंतप.

[कविता] कवी मेलो(- प्रेम मोरास)

कवी मेलो

कवीन घुंतले सब्धाक सब्ध

अर्थ ताचो मेळुंक ना

कितें गाजयता कितें फुगार्ता

संसाराची महिमा व्हाखणता

वर्णुंक तिची सोभाय

कवितेंत सब्धांची जाल्या बडाय

प्रकृतीक कावात्यान वेडो घाला

शिवडी फुल्चा पयलें नारलांनी सुंर्गारायलां

कवी कितें सांगुंक आशेता

हांगा कितें घडून आसा

खंयचर पळेल्यारी काळो धुंवर

कविच्या वर्णनांत भुमी-वयकुंठाचो फोर

काळ्या भांग्रान तिका पांगुरलां

उस्वास तिचो विकाळ जाला

कितें गाजयता कितें वाजयत

कविचेर प्रकृतीक कांठाळो आयला

मयने धांवले, वर्सां धांवलीं

प्रकृतिचो क्रोद कविचेर पडलो

सोभीत सुंदर प्रकृती रागान पेटली

काळ्या भांगारासंगीं कवी मेलो

- प्रेम मोरास. [ज्यून, २०२०]