Kolakar [ Nila Telong ]

Rochon ek kola tor rochonnar tacho kolakar. Ek bori kola ubhzozai tor tachepattlean kosoli, kitli minot, attovo toxench bolidanam diunko poddtat mholl'llem hea kovitent dison yeta. Toxench murliche sur sasonnachea somodhanachi vatt rutam korun ditana sotyom xivom sundorom' chintop motint kosole umalle ubhzaunko sokta mholl'llem hea kovitent polleuyet.

Bai nila telong gõychi namonnechi kouyotri, oddia bhasechea kovitazomeachem konkonnik onnkar korun don buk hinne porgottleat. Sahitik porixod, som'mellonamni hi sokriy zaun vantto gheta. Hichea hea don mottvea kovitencho svad polleunko, parkunk toxench kovitentlo ticho onbhog zoddunk tuka ulo ditam.

[Kovita] Kolakar  [Nila Telong]

Kolakar

kagdache koptte

ronganche potte

dhomprobhor koir

faposl'lo posaro zomnir

kuddichem rup nirkhitali nodor

tantuntoch ubo konn ek kolakar

nak mudd'ddit dolle

heutten teutten ghumvle

oksmat thiraule

kenvhasak dosle

sasnnachi sobitokai

akar ghetali thoim!

***

Sotyom Xivm' Sundrom'

xasvota khatir xirkolem kunzounant

murliche svor monzull dhund monant

futfutleo kusumokolloyo kanant

sungondhit sur soumy sporxi sumnant

ghomghomit chondon mond pounant

khullkhull ghungur zhorinchea alingonat

sotyom' xivm' sundrom' chea chintnat

somadhan samrthy chirontonant

- Nila Telong [Janer, 2019]

Nila Telong: Bai Nila Telong M.A. B.Ed xikop zoddpi. ’kallzachi bhorti’, ’xuneantlean xuneakodden’ mholl'lle don kovitazome hinne oddia bhaxethaun (d‌va supornna) konknnek kel'lem onnkar. Gõychi namnnechi kouyotri, kanniegarn, lekhoki. Gõycha ’kola ani somskriti khatem’ thaun 2016-17 isvecho kola gourou puroskar hika labhla.