ಕಿತ್ಲೆಂ ತರಿ (- ಮಾಧವ್ ಬೋರ್ಕರ್)

[ಕವಿತಾ] ಕಿತ್ಲೆಂ ತರಿ (- ಮಾಧವ್ ಬೋರ್ಕರ್)

ಕವಿತೆಚಿ ಸಕತ್ ಪಳೆಯಾತ್, ಥೊಡಿಂಚ್ ಉತರಾಂ ಪಾವ್ತಾತ್, ಮೊನ್ಯಾಂಕ್ ಉಲಯ್ಶೆಂ ಕರುಂಕ್, ಕೆಪ್ಪ್ಯಾಂಕ್ ಆಯ್ಕಾಶೆಂ ಕರುಂಕ್ ಆನಿ ಕುಡ್‌ಡ್ಯಾಂಕ್ ಪಳೆಶೆಂ ಕರುಂಕ್. ಹ್ಯಾ ಥೊಡ್ಯಾ ಉತ್ರಾಂಚ್ಯಾ ಕವಿತೆಚಿ ತಾಂಕ್ ಪಳೆಯಾ.

ತೀನ್ ಸ್ಟಾನ್ಜಾಂನಿ ತೀನ್ ಸಂಸಾರ್ ಉಭೆ ಜಾಲ್ಯಾತ್. ಎಕೆಕಾ ವಳಿಂತ್ ಎಕೇಕ್ ಕಾಣಿ ಆನಿ ಎಕೇಕ್ ಕಾಣಿ ಎಕೇಕ್ ಲಿಸಾಂವ್. ಹಾಕಾಚ್ ಕವಿತಾ ಮ್ಹಣ್ಚಿ ನ್ಹಯ್? ಗೊಂಯ್ಚೊ ವರಿಶ್ಟ್ ಕೊಂಕಣಿ ಕವಿ ಬಾಬ್ ಮಾಧವ್ ಬೊರ್ಕಾರಾಚ್ಯಾ ಕವಿತೆಚೊ ಅಭ್ಯಾಸ್ ಕರ್ಪಿಂಕ್ ಹಿ ಏಕ್ ಸೊಭಿತ್ ಕವಿತಾ.

[ಕವಿತಾ] ಕಿತ್ಲೆಂ ತರಿ (- ಮಾಧವ್ ಬೋರ್ಕರ್)

ಕಿತ್ಲೆಂ ತರಿ

ಒಂಠ್ ಘಟ್ಟ್ ಮಿಟಿಲ್ಲೆಂ

ಉರ್ತಾ ಭಿತರ್ ದೂಖ್

ಗಾಂಠೀಕ್ ಪದ್ರಾಚ್ಯಾ

ಚಿಮ್ಟೀಭರ್ ಸೂಖ್

ವ್ಹಾಂವ್ತಾ ಪೊಟಾಂತ್ಲ್ಯಾನ್

ಮೂಠ್ಭರ್ ಕಾಳೊಖ್

ಕಳ್ಟಾ ಕಳ್ನಾಶಿ

ಶೆಣಿಲ್ಲಿ ವಳಖ್

ಕಿತ್ಲೆಂ ಜೊಡ್ಲೆಂ ಹಾಂವೆಂ

ಆನಿ ಕಿತ್ಲೆಂ ಮೊಡ್ಲೆಂ

ಹಾತಾಲಾಗಿಂ ಆಯಿಲ್ಲೆಂ

ಕಿತ್ಲೆಂ ತರಿ ಸೊಡ್ಲೆಂ...

- ಮಾಧವ್ ಬೋರ್ಕರ್. [ಎಪ್ರಿಲ್, 2020]