ಕವಿತಾकविताPoem

Kalliz Uddtta Mon Roddtta (- Rupali Mauzo Kirtoni)

[kovita] Kalliz Uddtta Mon Roddtta (- Rupali Mauzo Kirtoni)

Hea somsarant jiemvcho horyek monis poinnari. Hem utor tatvik zalem tor onyeka utran sangtam; hea somsarant jiemvcho choddtavo monis oplo zolmol'lo gamv soddun porki gamvak veta, kaim dispoddto gras sodhun, oplo boro fuddar sodhun ani oplim svopnnam ghevun. Ani jednam porgamvak gel'lo monis, opleank, oplea mogacheank yad kortana kallzant udeun yemvche umalle, tollmolle koxe taka oplea muttint ghetat mholl'llem chintop porgamvant jiel'leank mat kollit.

Hangasor osolich opurbhayechi kovita gheun ailea gõychi bai rupali mauzo kirtoni. Hichea kovitemni asche te umalle ani hor‍yekleak auycho uddas dhoschem chintop vachtana hi kovita vachpeachea kallzak apoddtaxem bhogta. Hea kovitecho osvad korunk tuka ulo ditam.

[kovita] Kalliz Uddtta Mon Roddtta (- Rupali Mauzo Kirtoni)

Kalliz Uddtta Mon Roddtta
Ghor soddun vota ten'na tajey mon roddtta

nokri kama khatir pois takai rauche poddtta

ghorche yadin tajey monant hunddkea lhar futt'tta

rokddoch votlo ghora mhonnit somzut to kaddtta

ogich nosto khorch kiteak zodd satthoit urta

korchi paddil'li toddzodd mat lipoit to rauta

ghorche soglle sonnvar takai khup chukta

mon uktamvonk mat to sodanch fatti sorta

khuxal asa hamv hanga hasun ghorcheank sangta

sodanch tanka hamste dour deva kodden magta

ken'na ken'nai kallzak tajyai yadi pill poddtta

ten'na mat holluch tondd uxeat lipoun soddtta

'dadlo monis tum baba roddop tuka sobna'

utram ghumtat kanant punn mon ten'na aikona

'zodd monachem vojem az zaina ge pelunk

dukam logit toyar nat mhojem kainch aikunk'

huddkea lhar ten'na lhovuch uxem bhizoun vota

ravo noz zaun mon sad ghalunk lagta

'ai e ai tuji yad mhaka yeta

yadin tujea mon mhoje sodanch zodd zata

mon sodanch zodd zata'

- Rupali Mauzo Kirtoni [Oct, 2019]
Rupali Mauzo Kirtoni: Konkonni, Moratthi, Inglix ani Hindint 300 voir kovita boroyil'li bai rupali mauzo kirtoniche Mhojeantolem Hamv (2012), Mollbothaun (2012), Wings - chap book (2012), My mirror - chap book (2017) kovitazome porgottleat. Sauditole te dis (2016) isvent porgottla. Konkonni bhaxa monddoll (gõy) puroskar, TMA Pai xifaros puroskar hika labh‌l'le promuk puroskar.