ಕವಿತಾकविताPoem

Husko (- Atisha Surlikar)

[kovita] Husko (- Atisha Surlikar)

Monis opnnak moronn‌ch na mhll'llem chintonamni dhamvnner aslo. Konnachich vo kosoleachich fikir nastana opunn‌ch vorto mhonnun dhortek muttimb dhorun chondro tarank soit ople tabent dhorunk chintun astananch ek lhan voirosan, jyem konnak‌ch disanaschem voiros, okhkhea somsarak az itlea bhirantiche dis diunko paulem mhollear dorek monis opleach ghorant bondhi zatana oponnathaun vividh ritichea bondhkhonnek dil'leo yadi kaddun sarunk poddchem kitlem viporeas nhoi?

Bai Atisha Surlikar vrit'ten ek xikxoki dekun hichea kovitechem lisamv somestank gomtelem mholl'llo mhozo bhorvoso.

[kovita] Husko (- Atisha Surlikar)

Husko

bondkhonnitoli jinn kira

ata kollun aili

svota bondkhonn bhogtona

tollmoll tuji somzoli..

Kel'lea mapan bhortoli

birmut re kira futt'ttoli

kam' dhondo soddun

soglli ghora bostoli ..

Xirap te soimache

lagle bebhan monxak re

soim' mekllo svas gheta

ami bhogta bondkhonn re..

Pollovo nozo kvorenttain jinn

hasot khellot sarta khimnn

huskea mekllo zauna azun

dog dog pottan bosla fugun...

Disouddeacher bhagoitalo

jeunnam khannancho xinn

farik koxe zatle?

budd'ddil'le te rinn....

Randhli pez, bhajlem kharem

dongor porsantole haddle vojem

konne xivrak tor

konnem surbus khalem nustem...

Kitle dis oxe choltolem?

huskoyache dis ken'na soptole?

ghorant bosun koxe kai

somvsar gadde choltole?

poiso addko soppak paulo

paus mathear tekot ailo

purumetancho vepar deva

ghorant, angnnat kuspak laglo...

Sukhrup urcho ghorabo amcho

goribancho mat husko vegllo

lokddaun zor soplo na begin

patixer zatlo bhavo - bhoinn sogllo....

Orixttank tondd dit

vazoileo tatt - thaleo

odi - modi pettit talleo

go koro nacheo gaileo hoveo...

Lokddaunachea kallar

khorem - khottem aile mukhar

ilesavank soput gheupi

dil'lea utrak gele negar ....

Sakhor, palo, tandlla gotto

kattea khutteatlean ami haddlo khoro

khoim re gelo gamvcho dhoni?

divche soddun pez - panni

ilesamvache ijmol magit

bhouvlo tum rat - dis

goroz tuji astona

kideak liplo dara khachik?

monant gholltta ekuch vichar

ata kide zatle mukhar?

koronacho khetri titthear

koul ami gheynazalear

betkaddoyo poddottleo hati payar...

Vicharanche chokr he thambna

kide korche azun kollna

koronache chokrouyuh moddna

ghora ami boslea xivai

poryai dusro suchna....

Bhogxi deva, bhogxi amonka

magta bhogsonn bhurgim tuji

ata anik sosna

huskean bhorleli jinn amchi.....

- Atisha Surlikar. [April, 2020]