ಕವಿತಾकविताPoem

ಫುಲ್ತೆ ಫುಲ್ (- ಉದಯ್ ಮಾಂಬ್ರೊ)

[ಕವಿತಾ] ಫುಲ್ತೆ ಫುಲ್ (- ಉದಯ್ ಮಾಂಬ್ರೊ)

ಕವಿತೆಂತ್ ಸೊಭಾಯೆಚೊ ರಸ್ ಘೆವ್ನ್ ತತ್ವ್‌ಗಿನ್ಯಾನ್ ವಾಂಟ್ಚಿ ಕವಿತಾ ಹಿ. ಸಹಜ್ ರಿತಿನ್ ಸಂಸಾರಾಂತ್ ಘಡುನ್ ಆಸ್ಚೆವಿಶಿಂ ಸಾಂಗುಂಕ್ ಎಕಾ ಮೊನ್ಯಾ ಕಳ್ಯಾಕ್ ಇಮಾಜ್ ಜಾವ್ನ್ ಕವಿತೆಂತ್ ವಾಪ್ರುನ್ ಕಶೆಂ ವೇಳ್ ಗೆಲ್ಲೆಪರಿಂಚ್ ತೆಂ ಫುಲ್ ಫುಲ್ತಾ, ಹಾಂಸ್ತಾ ಆನಿ ಉಪರಾಂತ್ ಬಾವೊನ್ ಪಡ್ತಾ. ಮನಶಾಚೆಂ ಜಿಣೆಂ ಸಯ್ತ್ ಫುಲಾಪರಿಂ ದೆಕುನ್ ಫಾಲ್ಯಾಂಚೆಂ ಚಿಂತುನ್ ಖಂತೀನ್ ಬೊಸ್ಚೆಂ ನಾಕಾ ಪುಣ್ ಆಯ್ಚ್ಯಾ ದಿಸಾ ಆಮಿ ಹಾಸುಂಕ್ ಜಾಯ್ ಮ್ಹಳ್ಳೆಂ ಚಿಂತಪ್ ದಿಂವ್ಚಿ ಕವಿತಾ.

[ಕವಿತಾ] ಫುಲ್ತೆ ಫುಲ್ (- ಉದಯ್ ಮಾಂಬ್ರೊ)

ಫುಲ್ತೆ ಫುಲ್

ಕಾಲ್ಚೊ ಮೊನೊ ಕಳೊ

ಫಾಂತೊಡೆಚೆರ್ ಫುಲ್ತಾ

ರಸ್ರಶೀತ್ ಫುಲಾಚೆರ್

ಫುಲ್ಪಾಂಕುಲೆ ಭೊಂವ್ತಾ

ಪೊರ್ಸುಂ ಫುಲ್ಫುಲೂನ್ ಹಾಂಸ್ತಾ

ಆನಿ ಅಚ್ಕೀತ್

ಪಾವ್ಸ್ ನಾ, ವಾರೆಂ ನಾ

ಸಕಾಳಿಂ ಫುಲಿಲ್ಲೆಂ ಫುಲ್

ಭರ್ ದನ್ಪರಾಂ ಗಳ್ಟಾ

ದೆಂಠ್ ತುಟೂನ್ ಪಡ್ಟಾ

ಝಾಡ್ ತನಾಮನಾನ್ ಹಾಲ್ತಾ

ಭುಂಯ್ಲೆಗೀತ್ ಕಾಂಪ್ತಾ

ಫುಲಾಚ್ಯಾ ಆಂಗಾಖಾಂದಾರ್

ನಾಚ್ಪಿ ಫುಲ್ಪಾಂಕುಲೆ

ಪಾಂಖಾಂ ತುಟೂನ್ ಪಡ್ಟಾ

- ಉದಯ್ ಮಾಂಬ್ರೊ. [ಜ್ಯೂನ್, 2020]