Ek Vixoi.. Don Kovita

[Kovita] Ek Vixoi.. Don Kovita

Somsarant az bhovo marekar vik pacharun asa. Koronacheaki hozar vanttean tem vistarun monoxaponnacho bhongostoll korun asa. Bollvont opli sokot gollsun somajechim her nemam oplea faideak lagun korun asat. Hea soktek gollsun konn sorkar rochta. Koronachea bhiranten fokot tondd dhamplear pauta punn hanga sorkar dolle, kan soit dhampta. Hangasor don imajeo, don talle, don kannio ghoddtat; ek hokigot ji guptim asunk punn dusri somsarak dakounko ani lokak bonaunko. Dekun omerikant kaim xekoddeadim palvol'lo mholl'llo zati-katicho uzo atam porot zollunk lagla. Osoloch uzo somsarachea her dexamni zollchem khorench zaun monxaponnacher marekar soval koxem ubhem zalam. Amchea desant soit somsrak dakounko toxench sangunk zaito kannio asat. Osolim ghoddpam rochun khup komamvche bhoddvey somajent yothextt mapan asat. Tankam faleancho fuddar, faleanchem boremponn kitench poddon gel'lem na. Kanank, dolleank koxiy pott'tti bhand‌l'le he dolldir soddvonndar atam lokanchea dolleank, kanank soit pott'tti bhandunk lagtana khorench zaun monxaponn chirddota ani urddota.

’Atm' Nirbhor’ hea fottinchea sankollechi novi ganch. Hanga monis jiemvcho bhorvoso sanddun dis kaddun astana thoim dakoupacho ddong korun dis lottche addolltedar disak ek novi kanni ghoddun lokachea kanank vamygi bhandchem kam' korun asa.

’Oltodd-Poltodd’ onkonnant, eka sokallik vixeacher dogamni boroyil'leo kovita ami fais korteleamv. Poilea ankddeant vixoi ’atm' nirbhor’ ani hea vixeacher don kovita boroileat Bab Shailendra Mehta ani Valley Quadros hannim.

Otmo nirbhor (- Valley Quadros)

sejrachea gamvamni jivdalli rig‌l'leo

jivdalli chabun lokanchim moddim poddtalim

amchea gamvant xejracho rai yemvchar aslo

gamv‌bhor monxam roste sumrgaraunko lag‌l'lim

jivdallin gamvak rigun‌yi zal'lem

gamvcheo goddi ghorchim daram bond zalim

ghoranch natleleank rostear morunk dilem

ami ghorabhitor ravun vati pettoileo

xerak tim zodd mhonnun pattim gamvchi vatt vinchli

roste dhorle khandim ballank gheun

tancheo kati zhorleo pamyam khotto futtleo

ami balkonint ravun tallio pettleo

porki xerant ekek‌ch hogddailem

poilem kam' pakem oplim pelim

tonddar mask nhesun bhuk lipoili

pottantolea kiddink koxem somzoteli

ani ballank auy na bhapaik dhuv na

gamvant rig na vichartolo konn na

prann mat baki urlolea kuddik atam

atmo nirbhor kom-i punn otmo urla khoim?

Atmo nibor (Shailendra Mehta)

vankdde meddhinchem vankddem nem'

techporim somazonem'

soroll chal visraun

patokddeancher haddli jhem'

sutt'tta khaz, khazounk monai

samazakatir dattlim chounam

visrayer ghalunk vedna

motthamotthamni bhokti kounam

dag rogtache rostearstear

punn urta damun dorek khobor

kudd'ddi bhokti riglea mendvant

atmo ken'nach zala nibor

Mull kannyegar tor‌yi, kovitaxetant odhyoin, vixlexonnacho vaur. ’Chear Mukham’ (2002), ’Kott‌putlli’ (2004), ’Dorbharantli Pimr‍gonn’ (2006), ’Bazar’ (2017), 'Bhitorolo Kovi' (2020) porgott‌l'le svotache kovitazome. ’Kovitapatth’ (2005), ’Dor‍yak Udak’ (2006), ’Kallok Nat‌l'lo Gamv’ (2007), ’Mugdonat‌l'lim Gitam’ (2017), 'Sukti Bhorti' (2018) edoll porgott‌l'le kovita odhyoinache buk. Konknnexivai kanoddi, inglix, hindi bhasamni soit kovita boroileant.

Polittikol Sainsacho odheapok zaun vaur kel'lo ho onkonn‌kar, kovi, somikxok, torzo‌kar toxench konkonni vauraddi. Gõy mullacho sod'deak mumbomyt vaur korun asa. Challis vorosam thaun moratthi, konkonnint boroita. ’Sisifos Teng‌xer’ tachea konkonni kovitencho zomo.