ಕವಿತಾकविताPoem
Dhesvatt [- Juddit Mebol Fernanddis, Barkur]
[kovita] Dhesvatt [- Juddit Mebol Fernanddis, Barkur]
Vharem vadall, aur buddtgoll, pidda xidda,
vhollvolle kollvolle - kaim tempadim choddtavo
zaun ami khobrepotramni aikun somzun ayil'leamv
azkal aminch onbhog korunk pauleamv. Hi
noisorgik bodlaunn mhonn disot va prithvichim
bodlol'lim khunnam mholl'lleporim disot va
dhevot monxank kaim devan dhaddlelem onvar
mhonnun disot punn hangasor kovichim chintnam
othvinch asat; kovi hea ekeka khunank va
pinturank imajerupar gollsun kitengi sangun
veta. Jednam vachun gel'leporinch ekeka imajink
goddsun tanchepattlo mister somzunk gelear
thoinchor monxaponnachi dhesvatt zamvchim marmik
pinturam ubhim zatat.
Bai mebol jyuddit
fernanddis barkur firgojechi, vrit'ten xikxoki,
vachpavi obhiruch aslenimtim hichea chintpachi
poripokvota hea kovitent parkuvyeta. Hea
kovitechi tank toxench map mezunk, mapunk tukach
soddtam
[kovita] Dhesvatt [-
Juddit Mebol Fernanddis, Barkur]
Dhesvatt
mollbar poddlem kallem dampnnem varyan lottlem bhumychem pallnnem chearyi
dixemni vharem vhall'llem bodlal'lea kotthor
avazan dixtti mond korchem zhoglanne ghoroz marcho ghoddgoddo fasall'lle rukache
pantte tokler usoll'lle kanttem ukoln vele
khunttem doreachea lharamni mollbachea tarank
grasilem dhornnichea dhullik khochreamni
bhorxilem matiecho davo choddlo zoitacho
guddo portolo villapachem kattem tuttle bhum-i hal'li udkachi xell jirli monxachi
tokli girgigli kallzam monam thorthorlim khinnam bhitor viz dive palvole ani
vhazontram stobdh zalim nam!!! vell na zalo xirandharincho paus boddoun bhomvarim kattim
tuttlim tattim futtlim nhomyo bamyo ek
zaleo roddnne, rudan bhirankull drixeam
songim dhuspottachea prithvichem dhesvattachea monxaponnachem
- Juddit Mebol Fernanddis, Barkur [Oct,
2019]
Juddit Mebol Fernanddis,
Barkur: Vrit'ten xikxoki zaun vaur kel'li bai
jyuddit mebol fernanddis hoveasant ek vachpinn,
gaupinn, ximvomvnn, randop toxench somaz seva.
Barkur firgojechea potramni zaitim borpam hinnem
boroileant.
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.