ಕವಿತಾकविताPoem
धेस्वाट [- ज्यूडीत मेबल फेर्नांडीस, बार्कूर]
[कविता] धेस्वाट [- ज्यूडीत मेबल फेर्नांडीस, बार्कूर]
व्हारें वादाळ, आवर बुडतगोळ, पिडा शिडा, व्हळवळे कळवळे - कांय तेंपादीं चडताव जावन आमी खबरेपत्रांनी आयकून समजून आयिल्ल्यांव आजकाल आमिंच अनभोग करुंक पावल्यांव. ही नयसर्गीक बदलावण म्हण दिसत वा पृथविचीं बदलल्लीं खुणां म्हळ्ळेपरीं दिसत वा धेवोत मनशांक कांय देवान धाडलेलें अन्वार म्हणून दिसत पूण हांगासर कविचीं चिंत्नां अथविंच आसात; कवी ह्या एकेका खुनांक वा पिंतुरांक इमाजेरुपार गळसून कितेंगी सांगून वेता. जेदनां वाचून गेल्लेपरिंच एकेका इमाजिंक गडसून तांचेपाटलो मिसतेर समजुंक गेल्यार थंयचर मनशापणाची धेस्वाट जांवचीं मार्मीक पिंतुरां उभीं जातात.
बाय मेबल ज्यूडीत फेर्नांडीस बार्कूर फिर्गजेची, वृत्तेन शिक्षकी, वाचपावी अभिरूच आसलेनिमतीं हिच्या चिंत्पाची परिपकवता ह्या कवितेंत पार्कुव्येता. ह्या कवितेची तांक तशेंच माप मेजुंक, मापुंक तुकाच सोडतां
[कविता] धेस्वाट [- ज्यूडीत मेबल फेर्नांडीस, बार्कूर]
धेस्वाट
मोळबार पडलें काळें
दांपणें वारयान लोटलें
भुंयचें पाळणें च्यारयी दिशेंनी
व्हारें व्हाळ्ळें बदलाल्ल्या कठोर
आवाजान दिश्टी मंद कर्चें
झगलाणे घोरोज मार्चो घडगडो फासाळ्ळे रुकाचे पांटे तकलेर उसळ्ळे कांटें उकलन वेले खुंटें दऱ्याच्या ल्हारांनी
मोळबाच्या तारांक ग्रासिलें धरणिच्या धुळीक
खचऱ्यांनी भर्शिलें मातियेचो दाव चडलो जयताचो गुडो पर्तलो विळापाचें काटें तुटले भुंय हाल्ली उदकाची शेळ जिरली मनशाची तकली गिर्गिगली काळजां मनां थर्थरलीं खिणां भितर वीज दिवे
पालवले आनी व्हाजंत्रां
स्तब्ध जालीं नां!!! वेळ ना जालो शिरांधारिंचो पावस
बोडोवन भंवारीं काटीं तुटलीं ताटीं फुटलीं न्हंयो बांयो एक
जाल्यो रडणे, रुदान भिरांकूळ
दृश्यां संगीं धुस्पटाच्या पृथविचें धेस्वाटाच्या
मनशापणाचें
-
ज्यूडीत मेबल फेर्नांडीस, बार्कूर [ओकटोबर,
२०१९]
ज्यूडीत मेबल फेर्नांडीस, बार्कूर:
वृत्तेन शिक्षकी जावन वावर केल्ली बाय ज्यूडीत
मेबल फेर्नांडीस हव्यासांत एक वाचपीण, गावपीण,
शिंवंवण, रांदप तशेंच समाज सेवा. बार्कूर
फिर्गजेच्या पत्रांनी जायतीं बर्पां हिणें
बरयल्यांत.
© 2019 आशावादी प्रकाशन सर्व हक्कां राखून दवरल्यांत.
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.
Comments
No comments yet. Be the first to say what you thought of it.
Leave a comment