ಕವಿತಾकविताPoem
ಧೆಸ್ವಾಟ್ [- ಜ್ಯೂಡಿತ್ ಮೇಬಲ್ ಫೆರ್ನಾಂಡಿಸ್, ಬಾರ್ಕುರ್ ]
[ಕವಿತಾ] ಧೆಸ್ವಾಟ್ [- ಜ್ಯೂಡಿತ್ ಮೇಬಲ್ ಫೆರ್ನಾಂಡಿಸ್, ಬಾರ್ಕುರ್ ]
ವ್ಹಾರೆಂ ವಾದಾಳ್, ಆವ್ರ್ ಬುಡ್ತ್ಗೊಳ್, ಪಿಡಾ ಶಿಡಾ, ವ್ಹಳ್ವಳೆ ಕಳ್ವಳೆ - ಕಾಂಯ್ ತೆಂಪಾದಿಂ ಚಡ್ತಾವ್ ಜಾವ್ನ್ ಆಮಿ ಖಬ್ರೆಪತ್ರಾಂನಿ ಆಯ್ಕುನ್ ಸಮ್ಜುನ್ ಆಯಿಲ್ಲ್ಯಾಂವ್ ಆಜ್ಕಾಲ್ ಆಮಿಂಚ್ ಅನ್ಭೋಗ್ ಕರುಂಕ್ ಪಾವ್ಲ್ಯಾಂವ್. ಹಿ ನಯ್ಸರ್ಗಿಕ್ ಬದ್ಲಾವಣ್ ಮ್ಹಣ್ ದಿಸತ್ ವಾ ಪೃಥ್ವಿಚಿಂ ಬದ್ಲಲ್ಲಿಂ ಖುಣಾಂ ಮ್ಹಳ್ಳೆಪರಿಂ ದಿಸತ್ ವಾ ಧೆವೊತ್ ಮನ್ಶಾಂಕ್ ಕಾಂಯ್ ದೆವಾನ್ ಧಾಡ್ಲೆಲೆಂ ಅನ್ವಾರ್ ಮ್ಹಣುನ್ ದಿಸತ್ ಪುಣ್ ಹಾಂಗಾಸರ್ ಕವಿಚಿಂ ಚಿಂತ್ನಾಂ ಅಥ್ವಿಂಚ್ ಆಸಾತ್; ಕವಿ ಹ್ಯಾ ಎಕೆಕಾ ಖುಣಾಂಕ್ ವಾ ಪಿಂತುರಾಂಕ್ ಇಮಾಜೆರುಪಾರ್ ಗಳ್ಸುನ್ ಕಿತೆಂಗಿ ಸಾಂಗುನ್ ವೆತಾ. ಜೆದ್ನಾಂ ವಾಚುನ್ ಗೆಲ್ಲೆಪರಿಂಚ್ ಎಕೆಕಾ ಇಮಾಜಿಂಕ್ ಗಡ್ಸುನ್ ತಾಂಚೆಪಾಟ್ಲೊ ಮಿಸ್ತೆರ್ ಸಮ್ಜುಂಕ್ ಗೆಲ್ಯಾರ್ ಥಂಯ್ಚರ್ ಮನ್ಶಾಪಣಾಚಿ ಧೆಸ್ವಾಟ್ ಜಾಂವ್ಚಿಂ ಮಾರ್ಮಿಕ್ ಪಿಂತುರಾಂ ಉಭಿಂ ಜಾತಾತ್.
ಬಾಯ್ ಮೇಬಲ್ ಜ್ಯೂಡಿತ್ ಫೆರ್ನಾಂಡಿಸ್ ಬಾರ್ಕುರ್ ಫಿರ್ಗಜೆಚಿ, ವೃತ್ತೆನ್ ಶಿಕ್ಷಕಿ, ವಾಚ್ಪಾವಿ ಅಭಿರುಚ್ ಆಸ್ಲೆನಿಮ್ತಿಂ ಹಿಚ್ಯಾ ಚಿಂತ್ಪಾಚಿ ಪರಿಪಕ್ವತಾ ಹ್ಯಾ ಕವಿತೆಂತ್ ಪಾರ್ಕುವ್ಯೆತಾ. ಹ್ಯಾ ಕವಿತೆಚಿ ತಾಂಕ್ ತಶೆಂಚ್ ಮಾಪ್ ಮೆಜುಂಕ್, ಮಾಪುಂಕ್ ತುಕಾಚ್ ಸೊಡ್ತಾಂ
[ಕವಿತಾ] ಧೆಸ್ವಾಟ್ [- ಜ್ಯೂಡಿತ್ ಮೇಬಲ್ ಫೆರ್ನಾಂಡಿಸ್, ಬಾರ್ಕುರ್ ]
ಧೆಸ್ವಾಟ್
ಮೊಳ್ಬಾರ್ ಪಡ್ಲೆಂ ಕಾಳೆಂ ದಾಂಪ್ಣೆಂ ವಾರ್ಯಾನ್ ಲೊಟ್ಲೆಂ ಭುಂಯ್ಚೆಂ ಪಾಳ್ಣೆಂ ಚ್ಯಾರ್ಯೀ
ದಿಶೆಂನಿ ವ್ಹಾರೆಂ ವ್ಹಾಳ್ಳೆಂ ಬದ್ಲಾಲ್ಲ್ಯಾ ಕಠೋರ್
ಆವಾಜಾನ್ ದಿಶ್ಟಿ ಮಂದ್ ಕರ್ಚೆಂ ಝಗ್ಲಾಣೆ ಘೊರೊಜ್
ಮಾರ್ಚೊ ಘಡ್ಗಡೊ ಫಾಸಾಳ್ಳೆ ರುಕಾಚೆ ಪಾಂಟೆ ತಕ್ಲೆರ್ ಉಸಳ್ಳೆ ಕಾಂಟೆ ಉಕಲ್ನ್ ವೆಲೆ ಖುಂಟೆ ದರ್ಯಾಚ್ಯಾ ಲ್ಹಾರಾಂನಿ ಮೊಳ್ಬಾಚ್ಯಾ ತಾರಾಂಕ್ ಗ್ರಾಸಿಲೆಂ ಧರ್ಣಿಚ್ಯಾ ಧುಳಿಕ್ ಖಚ್ರ್ಯಾಂನಿ ಭರ್ಶಿಲೆಂ ಮಾತಿಯೆಚೊ ದಾವ್ ಚಡ್ಲೊ ಜಯ್ತಾಚೊ ಗುಡೊ ಪರ್ತಲೊ ವಿಳಾಪಾಚೆಂ ಕಾಟೆಂ ತುಟ್ಲೆ ಭುಂಯ್ ಹಾಲ್ಲಿ ಉದ್ಕಾಚಿ ಶೆಳ್ ಜಿರ್ಲಿ ಮನ್ಶಾಚಿ ತಕ್ಲಿ ಗಿರ್ಗಿಗ್ಲಿ ಕಾಳ್ಜಾಂ ಮನಾಂ ಥರ್ಥರ್ಲಿಂ ಖಿಣಾಂ ಭಿತರ್ ವೀಜ್ ದಿವೆ
ಪಾಲ್ವಲೆ ಆನಿ ವ್ಹಾಜಂತ್ರಾಂ ಸ್ತಬ್ಧ್ ಜಾಲಿಂ ನಾಂ!!! ವೇಳ್ ನಾ ಜಾಲೊ ಶಿರಾಂಧಾರಿಂಚೊ ಪಾವ್ಸ್
ಬೊಡೊವ್ನ್ ಭಂವಾರಿಂ ಕಾಟಿಂ ತುಟ್ಲಿಂ ತಾಟಿಂ
ಫುಟ್ಲಿಂ ನ್ಹಂಯೊ ಬಾಂಯೊ ಏಕ್ ಜಾಲ್ಯೊ ರಡ್ಣೆ,
ರುದಾನ್ ಭಿರಾಂಕುಳ್ ದೃಶ್ಯಾಂ ಸಂಗಿಂ ಧುಸ್ಪಟಾಚ್ಯಾ
ಪೃಥ್ವಿಚೆಂ ಧೆಸ್ವಾಟಾಚ್ಯಾ ಮನ್ಶಾಪಣಾಚೆಂ
-
ಜ್ಯೂಡಿತ್ ಮೇಬಲ್ ಫೆರ್ನಾಂಡಿಸ್, ಬಾರ್ಕುರ್
[ಒಕ್ಟೋಬರ್, 2019]
ಜ್ಯೂಡಿತ್ ಮೇಬಲ್
ಫೆರ್ನಾಂಡಿಸ್, ಬಾರ್ಕುರ್:
ವೃತ್ತೆನ್
ಶಿಕ್ಷಕಿ ಜಾವ್ನ್ ವಾವ್ರ್ ಕೆಲ್ಲಿ ಬಾಯ್ ಜ್ಯೂಡಿತ್ ಮೇಬಲ್
ಫೆರ್ನಾಂಡಿಸ್ ಹವ್ಯಾಸಾಂತ್ ಏಕ್ ವಾಚ್ಪಿಣ್, ಗಾವ್ಪಿಣ್,
ಶಿಂವಂವ್ಣ್, ರಾಂದಪ್ ತಶೆಂಚ್ ಸಮಾಜ್ ಸೆವಾ. ಬಾರ್ಕುರ್
ಫಿರ್ಗಜೆಚ್ಯಾ ಪತ್ರಾಂನಿ ಜಾಯ್ತಿಂ ಬರ್ಪಾಂ ಹಿಣೆಂ
ಬರಯ್ಲ್ಯಾಂತ್.
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.