ಕವಿತಾकविताPoem
Chintap (- Gladys Noronha)
[kovita] Chintap (- Gladys Noronha)
Sobhar pauttim monis jye kitem chinta, tem
ghoddana, bogor dusrench ghoddta. Punn
somsarachem nem' hem. Monis hea somsarant fokot
bombim, vo kottputlli. Monoxank choloitolo eklo
asa. Taka konn devo mhonnot ani konn oni kitem
mhonnot. Punn monis mat chintchem kedinch
soddina. Monoxak chintop bhovo gorjechem. Hea
kovitent soit tench chintop aschem polleuyet.
Dispoddto gras sodhun porgamvak geleari,
opli auy bhai visornastam, ticho pos korchi
zovabhdari palltelim bhovo thoddim. Bai gleddis
noronha tosolea bhovo thoddeank poikintli.
Kuveyttant bhurgeank konkonni xikoita, vrit'ten
xikxoki ti zal'leurvim bhurgeank konkonni
xikomvchi gorz ani mohotv bore ritin somzol'lea
hicho vaur thoknnayecho.
[kovita] Chintap (- Gladys Noronha)
Chintap
Jinnyent amim
sodamnit chintamv chintunnch mukar amim
choltamv thodde pauttim virar
soit zatamv uprant purasonn motim
amchea bhogtamv chintunnch akrek eka
nirdharak pautamv ani mukar chintchench
sodankall soddtamv? bhogta tednam amchea
motint mot koxi cholchi zor
chintchench soddlear chintpan'nch monis
nhoi mukar pauta khorem rup to aplea
jinnyek diunko sokta chint ya na chint
kitem forok poddta ani hench chintun to
jinni bhor khorgata? jinn bhor amim
chintun'nch astamv chintamv ani porot
porot chintamv tori portean jinnyecho
hont zoddunk attaitomv horyek pauttim hamv
chinta tench aichea disachea
korneam vixim matr uprant sogllem sarkem
kortalo mhonn devo.
- Gladys Noronha, Pius Nagar, Kuwait. [Jun, 2020]
Gladys Noronha, Pius Nagar, Kuwait: Kundapurochea ’Pius Nagar’ gamvchi Bai Gladys Noronha, pattlea sobhar vorsam thaun Kuwaitant vosti korun asa. Vrit'ten xikxoki punn kuveyttant konkonni vaur korteleam poikint promuk. Bhurgeank konkonni xikomvchi, konkonni podam, kannio xikomvchi hi Inglix, Kon'noddo toxench Konkonnint soit boroita. Kuveyttgani porgott kel'lea jhelo vixes onkeamni toxench ’Kullvarchem Daiz (2002)’ bukant hichi kovita porgottlea.
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.