ಬರೆಯ್ಲ್ಯಾಂ ಕಿತೆಂ ತಿತ್ಲೆಂಚ್ (- ಬಾಲಕೃಷ್ಣ ಮಲ್ಯ)

ಎಕೆಕ್ ಖಾವಂಚಿ ಉಂಡ್ಯೆಚೆರಿ ಆಸಾ ನಾಂವ್ ಖಾತ್ಲ್ಯಾಲೆಂ

ಮೆಳ್ಲೆಂ ಕಿತಿ ಕಿ ಮೆಳ್ಳ್ಯಾಂ,

ಮೆಳ್ಕಾಚ್ ಮು ಆಸಿಲೆಂ

ಗೆಲೆಲೆಂ ಕಿತಿ ಕಿ ಗೆಲ್ಲ್ಯಾಂ,

ತೆಂ ವಚೆಂಚ್ ತಾಂ ಆಸಿಲೆಂ

ಆಯ್ಲೆಲೆಂ ಯೆವಂಚಾಕ್ ಆಯ್ಲೆಂ,

ಗೆಲೆಂ ವಚಾಕಯ್ ಆಸಿಲೆಂ

ದಿಲೆಂ ಕಿತ್ಲೆಂ ಕಿ ದಿಲ್ಯಾಂ,

ತಿತ್ಲೆಂಚ್ ತುಮ್ಕಾಂ ಬರೆಯ್ಲೆಂ

ಎಕೆಕ್ ಒಂಟಾಕ್ ಚುಮೂನ್ ಫುಲ್ಲಾಂ ಮ್ಹೊವ್ ಎಕ್ಡೆ ಮು ಕೆಲೆಂ

ಎಕೆಕ್ ಮೂಸಾಂತ್ ಮ್ಹಳ್ಯಾರ್ ಯೊಗ್ ಆಸ್ಲ್ಯಾನಿ ತೆಂ ಖೆಲೆಂ

ಪಿಕ್ಚೆಂ ಮುರ್ಥಂ ಕಾಡ್ಲೆಂ ತರ್

ಫಳ್ ಆಂಬೂಸ್ ತಾಂ ಆಸ್ತಲೆಂ

ಪಿಕ್ಲೆಂ ಮ್ಹಣು ಜಲ್ಯಾರ್ ಮಾಗೀರ್

ಹಾತಾಂತ್ ತೆಂ ವೆಗ್ಳ್ಯಾಂಲೆಂ

ಮೂಂಯ್ಯೊ ಖಾತಚ್ ವತ್ಲಿಂ,

ಚಾನೀಯಾನ್ ಖಾವ್ನೂಯ್ ತೆಂ ಘಾಲೆಂ

ದಿಲೆಂ ಕಿತ್ಲೆಂ ಕಿ ದಿಲ್ಯಾಂ,

ತಿತ್ಲೆಂಚ್ ತುಮ್ಕಾಂ ಬರೆಯ್ಲೆಂ

ಎಕೆಕ್ ಕ್ಷಣ್ ವೆಳೆನ್ ಬದ್ಲತಾ ಸಮಯ್ ಎಕೆಕ್ಲ್ಯಾಲೆಂ

ಎಕೆಕ್ ದಳೀದ್ರ್ ಉಣೆಂ ನಿಮಿಷಾನ್ ಜಿಯ್ತಾ ಜೀವಿತ್ ರಾಯಾಲೆಂ

ಕಳ್ಲೆಂ ಕೊಣಾಕ್ ಕಿ ಕಳ್ಲ್ಯಾಂ

ಮಾಥ್ಯಾರ್ ವಿಧೀನ್ ಥಾಪಿಲ್ಯಾಂ

ಬರೆಯ್ಲೆಲೆಂ ತಶೀಚ್ ಜಾಲ್ಯಾಂ,

ತೆಂ ಜಾವಂಚಾಕಚ್ ತಾಂ ಆಸಿಲೆಂ

ಜಾವಂಚೆ ತಶೀಚ್ ತಾಂ ಬರೆಯ್ಲ್ಯಾಂ,

ವಿಧೀಂತ್ ಅಶೀಚ್ ತಾಂ ಜಾತ್ಲೆಂ

ದಿಲೆಂ ಕಿತ್ಲೆಂ ಕಿ ದಿಲ್ಯಾಂ,

ತಿತ್ಲೆಂಚ್ ತುಮ್ಕಾಂ ಬರೆಯ್ಲೆಂ

- ಬಾಲಕೃಷ್ಣ ಮಲ್ಯ. [ಜನೆರ್, 2020]

ಬಾಲಕೃಷ್ಣ ಮಲ್ಯ: ಕೇರಳಾಂತ್‌ಲ್ಯಾ ಕೊಚ್ಚಿಚೊ ನಾಮ್ಣೆಚೊ ಕೊಂಕಣಿ ಯುವ ಕವಿ, ತರ್ಜಣ್‌ಕಾರ್ ಆನಿ ಬರವ್ಪಿ. ಮಲಯಾಳಮ್, ತಮಿಳ್ ಭಾಸಾಂನಿ ಸಯ್ತ್ ಹಾಣೆಂ ಕಾಂಯ್ ಹಜಾರಾಂಚ್ಯಾಂಕೀ ಚಡಿತ್ ಕವಿತಾ ಬರಯ್ಲ್ಯಾತ್. ’ಜೀವ ಸಂಕಲ್ಪ (2013)’ ಹಾಚೊ ಎದೊಳ್ ಪರ್ಗಟ್‌ಲ್ಲೊ ಕವಿತಾಜಮೊ. ’ಸ್ವತಂತ್ರ ವಿಚಾರ್’ ಬೂಕ್ ವೆಗಿಂಚ್ ಪರ್ಗಟುನ್ ಯೆಂವ್ಚಾರ್ ಆಸಾ. ಸಭಾರ್ ಕವಿಗೋಶ್ಟಿಂನಿ ತಶೆಂಚ್ ಸಾಹಿತಿಕ್ ಶಿಭಿರಾಂನಿ ಹಾಣೆಂ ವಾಂಟೊ ಘೆತ್ಲಾ. ಮಲಯಾಳಮ್ ಭಾಸೆಚೊ ಬೂಕ್ ಸಯ್ತ್ ಹಾಣೆಂ ಪರ್ಗಟ್ಲಾ.