Borem mhunn pollovo nozo [ Sonjiv o Verenkar]

Monis dis gel'leporinch budhvont zata, choddit xikop zoddta, choddit ginean zoddta tor‌yi mullavi somybik souyethaun kedinch suddka zoddunk sokana. Dekun ekamekachi nosai korun tonddar borem uloup dhakoun monant kusoita oni opli kalli saulli lipoita.

Kovita fokot ek hoveas nhoi, kovita ek zovabhdar zaun gheun kovita boroiteleam poikint bab sonjivo verenkor eklo. Dekun tachi dorek kovitent ek na ek opurbhayecho vixoi asta. Hangasor‌yi to osoloch vixoi gheun aila ani hea kovitechi sobhai chakunk tukach ulo ditam.

[Kovita] Borem mhunn pollovo nozo  [Sonjivo Verenkar]

Borem mhunn pollovo nozo

kitem mhunn

kainch kollna

konnachench borem mhunn

mhojean pollovo nozo zalam

konn ghor gheta

konn gaddi gheta

konn logn zata

boro somvsar korta

ghovo bailechi

bail ghovachi opurbai korta

padd poddum naka hem

soglleanchech mhaka tras zata

konn novoch nokrek lagta

tachea mhoineacho pogaruch

portun portun sopnat yeta!

ani pixantur zaun melltta tache

gomtter boson dista!

khorem sangu?

khuvch tras zata

dolleam mukhavelem borem titlem-i

nach zainoxe dista!!!!

- Sonjivo Verenkar [Mai, 2019]

Sonjiv Verenkor: Potrikodhyomi, kovi, chintpi toxench vauraddi zaun vaur korchea hachim Bhavo‌zhumbor, Mumbor, Gamvantoli Sanz, Poddve Boili Somvnni, Choitoneacheo Paulleo, Osvosth Sury - he hache yedoll pason porgott zal'le kovitazome. Vimola poi puroskar, tti.Em'.E.Poi puroskar, konkonni bhaxa monddoll (gõyam) puroskar haka labh‌l'le promuk puroskar.