ಆವಯ್ ಕಿತ್ಯಾಕ್ ಮ್ಹಣಟಾ? (- ಉರ್ಜಿತಾ ಭೊಬೆ)

[ಕವಿತಾ] ಆವಯ್ ಕಿತ್ಯಾಕ್ ಮ್ಹಣಟಾ? (- ಉರ್ಜಿತಾ ಭೊಬೆ)

ಹಿ ಕವಿತಾ ಫಕತ್ ಏಕ್ ಕವಿತಾ ನ್ಹಯ್, ಕವಿತೆಚ್ಯಾ ಎಕೆಕಾ ಕಡ್ವ್ಯಾಂನಿ ಕಾಣಿ ವಾಚುಂಕ್ ಮೆಳತಾ. ಹಾಂಗಾಸರ್ ಮನಶಾನ್ ಸಬ್ಧಾಂತೂನ್ ಮೆಕಳೆ ಜಾಲ್ಲೆ ಅರ್ಥ್ ಆನಿ ಹ್ಯಾ ಸಬ್ಧಾಚೆ ಡೋಂಗ್ ಕರುನ್ ಜಿಯೆತೆಲ್ಯಾ ಮನಶಾಂಕ್ ಸವಾಲ್ ಕೆಲ್ಲೆಂ ದಿಸುನ್ ಯೆತಾ.

ಬಾಯ್ ಉರ್ಜಿತಾ ಭೊಬೆಚ್ಯೊ ಕವಿತಾ ಫಕತ್ ಉಲಯ್ನಾಂತ್, ತ್ಯೊ ವಾಚಪ್ಯಾಚ್ಯಾ ಕಾಳಜಾಕ್ ಆಪಡತಾತ್. ಹಾಂಗಾಸರ್‌ಯೀ ತಿಣೆಂ ತೆಂಚ್ ಕೆಲಾಂ ದೆಕುನ್ ಕವಿತಾ ವಾಚ್‌ಲ್ಲಿಚ್ ಹ್ಯ ಕವಿತೆಚ್ಯೊ ಎಕೇಕ್ ಕಾಣಿಯೊ ಮತಿಂತ್ ಪಿಂತುರಾಪರಿಂ ಉದೆತಾತ್. ಆತಾಂ ಹ್ಯಾ ಪಿಂತುರಾಂಕ್ ಪಳೆಂವ್ಕ್ ತುಕಾಚ್ ಸೊಡತಾಂ.

[ಕವಿತಾ] ಆವಯ್ ಕಿತ್ಯಾಕ್ ಮ್ಹಣಟಾ? (- ಉರ್ಜಿತಾ ಭೊಬೆ)

ಆವಯ್ ಕಿತ್ಯಾಕ್ ಮ್ಹಣಟಾ?

ವಿಧ್ವೆಚೆ ಮಾಥ್ಯಾವರಿ

ವಾಖರ್ ಭೊಂವ್ತಾ ರಾನಾಂನಿ

ಆತಾ ತರಿ ಥಾಂಬ್ಯಾತ್

ಉಚ್ಛೆದ್ ಹೊ ಸನಾತನಿ

ಯುಗಾಂಚಿ ಯುಗಾಂ ಹೊ ಖೆವ್

ಆಕ್ರಸ್ತಾಳಿ ಬಳ್ಜಬರಿ

ಸೊಂಶೀತ್ ಆಸಾ ಘಾಯ್

ಧರ್ತರಿ ಜಾಂವ್ ಅಸ್ತುರಿ

ಕಿತ್ಯಾಕ್ ಮ್ಹಣೂನ್ ದಿತಾ

ತಾಂಕಾ ಆವ್ಯ್ಚೆಂ ಸ್ಥಾನ್

ರಾಖುಂಕ್ ಜೆನ್ನಾ ಯೆನಾ

ತಾಂಚೊ ತುಕಾ ಮಾನ್

ನಾಯ್ನಾಟ್ ಹೊ ಪೂರೊ ನಾ?

ಆತಾಂ ಕಿದೆಂ ಪಳೊಂವ್ಕ್ ರಾವ್ಲಾ?

ಆವಯ್ ಕಾಳ್ಜಾರ್ ಘಾಯ್ ಘಾಲೂನ್

ಸೂಖಾಕ್ ಕೊಣ್ ಪಾವ್ಲಾ?

ಕವಿತಾ ತೀಜೆರ್ ಬರಯ್ ಮ್ಹಣ್

ಕೊಣ್ ತುಕಾ ಶೀಣ್ಟಾ?

ರಾಖುಂಕ್ ತಿಕಾ ಯೆನಾ ಜಾಲ್ಯಾರ್

ಆವಯ್ ಕಿತ್ಯಾಕ್ ಮ್ಹಣ್ಟಾ?

- ಉರ್ಜಿತಾ ಭೊಬೆ. [ಫೆಬ್ರೆರ್, 2020]