ಕವಿತಾकविताPoem

ಆತ್ಮನಿರ್ಭರ್ (- ಗ್ವಾದಲುಪ್ ಡಾಯಸ್)

[ಕವಿತಾ] ಆತ್ಮನಿರ್ಭರ್ (- ಗ್ವಾದಲುಪ್ ಡಾಯಸ್)

ಮೆಟಾಂ ಮೆಟಾಂಕ್ ವಿಡಂಬನಾಂ ಆನಿ ಹ್ಯಾ ವಿಡಂಬನಾಂಕ್ ಪಾಟಿಂಬೊ ದಿತಲೊ ಧೆಂಕ್ ಕಾಡ್ಚೊ ಲೋಕ್. ವಿಕಾಳ್ ವಾರೆಂ ಆಡಾಂವ್ಕ್ ಲಾಚಾರ್ ಮನಿಸ್ ಅಪ್ಲಿಂ ತೊಂಡಾಂ ಧಾಂಪ್ತಾನಾ ಹ್ಯಾ ಧೆಂಕ್ ಕಾಡ್ಚ್ಯಾ ಲೊಕಾಂನಿ ಅಪ್ಲ್ಯಾ ದೊಳ್ಯಾಂಚೆರ್ ನ್ಹೆಸ್‌ಲ್ಲ್ಯಾ ಮಾಸ್ಕಾಂತ್ ಕಿತೆಂಚ್ ದಿಸಾನಾ; ದೊಳ್ಯಾಂ ಸಮೊರ್ ಮೊಡಿಂ ಪಡುನ್ ಆಸಾತ್, ಗತ್ ಆಧಾರ್ ನಾತ್ಲೊ ಲೋಕ್ ಅಪ್ಲೆಂ ಕಾಮ್, ಅಪ್ಲೊ ದೀಸ್ಪಡ್ತೊ ಗ್ರಾಸ್ ಸಕ್ಕಡ್ ಹೊಗ್ಡಾವ್ನ್, ಉರ್‌ಲ್ಲ್ಯಾ ತುಟ್ಕರ್ ಫುಟ್ಕರ್ ಸ್ವಪ್ಣಾಂಕ್ ವೊಜಿಂ ಘೆವುನ್ ತ್ಯಾ ಫತ್ರಾಟ್ಯಾ ರಸ್ತ್ಯಾಂನಿ ರಿತ್ಯಾ ಪಾಂಯಾಂನಿ ಚಲುನ್ ಚಲುನ್ ಪಾಂಯಾಚ್ಯೊ ಕಾತಿ ಝರೊನ್ ವೆತಾನಾ ಹೆ ಧೆಂಕ್ ಕಾಡ್ತೆಲೆ ದಿಸಾಕ್ ಎಕೇಕ್ ನವಿಂ ಭಾಶಣಾಂ ದಿತಾತ್ ಆನಿ ಹಾಂಕಾಂ ಜೈ-ಜೈಕಾರ್ ಘಾಲ್ಚೆ ದಳ್ದಿರ್ ಭಡ್ವೆ ಖರೆಂಚ್ ಜಾವ್ನ್ ಗರಿಬ್ ಮನ್ಶಾಚ್ಯಾ ಮತಿಂತ್ ಸವಾಲ್ ಉದೆತಾ ಹೆಂ ಆತ್ಮ್‌ನಿರ್ಭರ್ ವಾ ಆತ್ಮ್‌ನಿರ್ಬಲ್?

[ಕವಿತಾ] ಆತ್ಮನಿರ್ಭರ್ (- ಗ್ವಾದಲುಪ್ ಡಾಯಸ್)

ಆತ್ಮನಿರ್ಭರ್

ಸಂವ್ಸಾರ್ ಮಾಥ್ಯಾರ್, ಭುರ್ಗಿಂ ಖಾಂದಾರ್

ಧರ್ಲ್ಯಾ ಆಮಿ ಘರ್ಚಿ ವಾಟ್

ತಳ್ವ್ಯಾಂಕ್ ಫೊಡ್, ಜಿವೀತ್ ಜಡ್

ವೊತಾಂತ್ ಆಮ್ಚಿ ಭಾಜ್ಲ್ಯಾ ಫಾಟ್

ಪೊಟಾಕ್ ಖಳಿ, ರಿತಿ ಝೊಳಿ

ದೊಳ್ಯಾಂತ್ ದುಕಾಂ ಜಾಲ್ಯಾತ್ ದಾಟ್

ಹಾಲೊವ್ನ್ ಹಾತ್, 'ಮನ್ ಕಿ ಬಾತ್'

ಕಿತ್ಲೆಂ ಸೊಂಪೆಂ ನ್ಹಯ್

'ಆತ್ಮನಿರ್ಭರ್' ದಿವಂಕ್ ಪಾಠ್???

ಆಮಿ ಜಾತಾತ್, ತೆನ್ನಾಚ್ ಮರ್ತಾತ್