Aahavadi Prokaxonachea panchvea ddijittol addio bukachem mokllik karyem

’yodahom jiumi, ohomaxomse (jivo astasor bhoro‍vostam)’ dhyeyakhal 2000-1 isvent kuveyttant survatun, yedoll pasun konkonni sahiteache vevegolle 46 buk prokaxit kel'lea axavadi prokaxonacho panchvo ddijittol addio buk ’kothamrit (klerens koikombocheo ddijittol kannio)’ mokllik karo‍yem, ogost 15 tariker sanjer 7 vorancher ’poilem ontor‌raxttri-i ddijittol konkonni madhyomacher chol'lem.

Karo‍eache suro‍vater jeral yeukar magun vol'li kvaddrosan ogost 10 tariker ochhanok ritin ontor‌l'lea konkonni boroupi, amcho yuvok potracho adhlo sompadok Robert Furtado Sasthanachea otmeak xanti labhunk eka minuttachem moun praro‍thon kelem. Konkonni Soro‍dar Manest Basti Vaman Shennoy hannim ugtaunn uloupant ’ddijittol amcho fuddar dekun bodlun vechea kallak sori zaun ami soit bodlun, atanchea yuvozonnamlagim konkonni sahiteak vorchi ek vatt ami toyar korunk zai’ mhonn ulo dilo.

Meanchesttor (U.K.) thaun Lawrence V Barbozan ddijittol bukanchi mottvi vollok korun 2005 isvent axavadi prokaxonan ddijittol rupar poro‍gott kel'lea ’sagorachea vattecheo zhori’; poilea ’i-bukachi’, toxench her chear ddijittol bukanchi mahet dili. 2018 isvechea novembr 16 tariker ’kothadaiz’ namvachea poilea ddijittol addio bukant vol'li kvaddrosacheo 23 mottveo kannio, ’suro‍eo udeta’ namvachea dusrea ddijittol addio bukant raxttri-i mott'ttachea 27 kanniegarancheo mottveo kannio, ’mayanogori’ namvachea tisrea ddijittol addio bukant vol'li kvaddrosacheo mumboi‌cheo kannio, ’suro‍eo udela’ namvachea choutea ddijittol addio bukant raxttri-i mott'ttachea 25 kanniegarancheo mottveo kannio ani ’kothamrit’ namvachea panchvea ddijittol addio bukant klerens koikombocheo 20 mottveo kannio asat. ’kothazhor’ namvachea sovea ddijittol addio bukak veginch prosarit korchi toyarai cholun asa mhonnalo.

Prem' Morasan promuk uloupeanchi; Kerollo thaun Gokul‍das Probhu, Mongllur thaun Dr.Edward L. Najreth, Uddpi thaun Fr.Chetan Lobo, toxench Gõy thaun Dr.Prakash Perienkar (Gõy Univorsittichea konkonni vibhagacho mukhest) vollok korun dili. Gokul‌das Probhun ’i-bukamni soit asli vachpachi bondodd ddijittol addio bukamni na, ddijittol addio buk aikunchi ek solis kola aikuvpeank kanni bori korun somzunk kumok korta dekun kanni sador‌koro‍pimni sobdhancho zokto uchchhar korchi goro‍z asa zal'lean tea tea pranteachea kanniank sador korunk tea tea bolinchea sador koro‍pimni kelear borem. Konkonnik atanchea yuvozonnamlagim vorunk ddijittol addio ek ut'tim' madhyom'’ mhonnalo. Do|Edward Nozretan koxem aichea kallar soro‍v bhasemni vachpeancho sonko unno zaun aila, ani printt madhyom' oskot zaun vechea kallar ddijittol madhyom' ek promuk vikolp zaun ubhem zaun asa. Ani ddijittol madhyomamni az konkonnik ’golfachea jivitacheo kannio’, ’mumboi jivitacheo kannio’ aikunk melltat zal'lean amkam amchi somzunni vistar korunk ek vatt ubhi zata’ mhonnalo. Ma|Chetan Lobon jednam ddijittol madhyomacher konkonni kannio prosarit zaunko lagleo toull thaun choddtavo horo‍yek kanni aikun tachem osvadon kelea. Aichea kallar drixy madhyomak choddit khais asa, punn kanni ek vegllo prokar zal'lean ddijittol addio bukarupar konkonni kannio choddit lokank konkonnilagim haddcheant mozot‌gar zatolo’ mhonnalo. Do|Prakash Perienkaran ’konkonni vevegollea lipimni vanttun gelam zal'lean lipichea bondoddek lagun konkonnichea sorv lipimni aschem konkonni sahity amkam vachunk toxench tancher odhyoin korunk ascheo vatto unneo. Punn ddijittol addio buk hea dixen bhovo mohotvachem. Ddijittol addio bukant lipicho somosso na dekun her lipimni boroyil'leo ut'tim' kannio amkam aikunk, somzunk solis zal'lean sahity xikpeank raxttri-i sthorachea konkonni sahiteacho obheas korunk ek opurbhayechi sondhi.’ mhonnalo

Prem' Morasan Clarence Koikombachi mottvi vollok korun ditoch, Valli Quadrosan vis kanniank sador kel'lea vis sador‌koro‍pinchi vollok korun ditoch, manestinn jen oidda pintton ’kothamrit’ ddijittol addio bukak ddijittol mokllik kortoch, klerens koikomban oplim bhognnam ucharn, challis vorsam thaun kannio boroun aileari zaunko natlo onbhog atam ddijittol addio bukant prosarit zal'lea eka kannient zal'lo sontos ucharun, hea ddijittol bukak toyar korunk minot kel'lea soro‍vancho upkar bavuddlo.

Amerikathaun Dr.Austin DSouza Prabhun oplea uloupank ’poilem ontor‌raxttri-i konkonni karo‍yem cholomvchi suro‍vat korun dexachea vevegollea dexantlea konkonni lokank sangata mellunk aukas korun dil'lea axavadi prokaxonacho upkar bavuddlo’. Concepta Fernandes Alvan’ddijittol bukank xikxonn (Academic) somstheamni gollsun hacho boro faido zoddche goro‍jevixim uloili. Canada thaun Gerry DMello Bendur hannem ’ddijittol madhyomant konkonni kanniam mukhantr ami choddit konkonni lokamlagim vochunk ek bori suro‍vat korun dita’ mhonnalo.

Hem karo‍yem manddun hadd‍l'lea Valley Quadrosan upkar attounni keli