ಕವಿತಾकविताPoem
ಯಾದಿ... (- ಶುಭಾ ಬರಡ್)
[ಕವಿತಾ] ಯಾದಿ... (- ಶುಭಾ ಬರಡ್)
ಸಾವಳಿ ಮನಶಾ ಕುಡಿಚೊ ಪಾಟಲಾವ್ ಕರತಾ ತರ್ ಯಾದಿ ಮನಶಾಚ್ಯಾ ಕಾಳಜಾ-ಮನಾಚೊ ಪಾಟಲಾವ್ ಕರತಾತ್. ಆನಿ ಹಾಂಗಾಸರ್ ಅಸಲ್ಯೊಚ್ ಸೊಭಿತ್ ಯಾದಿ ಆಸಾತ್.
ಬಾಯ್ ಶುಭಾ ಬರಡ್ ಗೊಂಯ್ಚಿ ಯುವಕವಿ. ’ವಸುಂಧರಾ’ ತಿಚ್ಯಾ ಕವಿತೆಚೊ ಜಮೊ 2015 ಇಸವೆಂತ್ ಪರ್ಗಟಲಾ. ಹ್ಯಾ ಕವಿತೆಂತ್ ತಿಚ್ಯೊ ಯಾದಿಂಚಿ ಸೊಭಾಯ್ ಪಳೆಂವ್ಕ್ ತುಕಾಚ್ ಉಲೊ ದಿತಾಂ. .
[ಕವಿತಾ] ಯಾದಿ... (- ಶುಭಾ ಬರಡ್)
ಯಾದಿ...
ರಖ್ರಖ್ತ್ಯಾ ಖರ್ ವೊತಾಂತ್ ಎಕ್
ಸಾರ್ಖೊ ಕೊಸ್ಳಟಾ ಯಾದೀಂಚೊ ಪಾವ್ಸ್... ದುಕಾಂಚಿಂ ಚಕ್ಚಕೀತ್ ಪಾಂಯ್ಜಣಾಂ ಪಾಂಯಾಂಕ್ ಘಟ್ಟ್
ಬಾಂದೂನ್ ಥಯ್ಥಯ್ ನಾಚ್ತಾ ದೊಳ್ಯಾಂಚೊ ಮೊರ್... ತಾಂಬ್ಡ್ಯಾಗೂಂಜ್ ಗಾಲಾಂ ವಯ್ಲ್ಯಾನ್ ಅಜೂನ್
ಜಾಯ್ತ್ ಆಸಾ ತುಜೊ ಮೊರ್ಪಂಖಿ ಆಭಾಸ್... ಅಶಾ
ವಾದ್ಳಿ ಶಾಂತ್ ಪಾವ್ಸಾಂತ್ ಪಾಪ್ಣ್ಯಾಂ ವಯ್ಲ್ಯಾನ್
ವ್ಹಾಂವ್ಪಿ ದೊನ್-ಚಾರ್ ಯಾದಿ ಆಯ್ಜ್ ಸಾಂಬಾಳೂನ್
ದವ್ರತಾಂ... ಜಾಲೆಂಚ್ ಜಾಲ್ಯಾರ್...
ಕೆನ್ನಾತರಿ.. ತಾಂಚೆಯ್ ಮೊತಿ ಜಾತ್ಲೆ..
-
ಶುಭಾ ಬರಡ್.
[ಫೆಬ್ರೆರ್, 2020]
ಶುಭಾ ಬರಡ್:
ಕೊಂಕಣಿ ಕವಿತಾ ತಶೆಂಚ್ ಲೇಕ್ ಗೊಂಯ್ಚ್ಯಾ ನೇಮಾಳ್ಯಾಂನಿ
ಪರ್ಗಟ್ಲ್ಯಾಂತ್. ಹಿಚ್ಯಾ ಕವಿತೆಚೊ ಜಮೊ ’ವಸುಂಧರಾ’
2015 ಇಸ್ವೆಂತ್ ಪರ್ಗಟ್ಲಾ. ಕವಿಗೋಶ್ಟಿ ತಶೆಂಚ್
ಕವಿಸಮ್ಮೇಳನಾಂನಿ ವಾಂಟೊ ಘೆತ್ಲಾ.
ಕವಿತಾकविताPoem Apr 2019
ಚಂದ್ರಾಕಡೆನ್ ಸಂವಾದ್ [ ಶುಭಾ ಬರಡ್]
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.