ಕವಿತಾकविताPoem

ಮೆಟಾಂ

[ಕವಿತಾ]

ಮೆಟಾಂ

ಸಮಾಜೆಂತ್ ಕೆದ್ನಾಂಯ್ ಅಸ್ತುರಿ ಉಲಂವ್ಕ್ ವ್ಹಚಾನಾ, ಗುಪ್ತಿಂ ಸೊಸುನ್ ವ್ಹರ್ತಾ. ಪುಣ್ ತಿಚಿ ಅಭಿವ್ಯಕ್ತ್ ಸಮ್ಜಲ್ಲಿಂ ನಾಂತ್, ತಿಚಿ ಅಭಿವ್ಯಕ್ತಿ ಸಮಾಜೆನ್ ಠರಾಯಿಲ್ಲ್ಯಾ ಪ್ರಕಾರಾಚಿ ನ್ಹಯ್, ವೆಗ್ಳಿಚ್ ಆಸ್ತಾ. ಪುಣ್ ಜೆದ್ನಾಂ ತಿ ಅಪ್ಲಿ ಅಭಿವ್ಯಕ್ತಿ ಸಮಾಜೆನ್ ಠರಾಯಿಲ್ಲ್ಯಾ ರಿತಿನ್ ಕರುಂಕ್ ಮೇಟ್ ಕಾಡ್ತಾ ತೆದ್ನಾಂ ಉದೆತಾ ಅಸಲಿ ಕವಿತಾ. ಉತ್ರಾಂನಿ ಮೊಟ್ವಿ ದಿಸುಂಕ್ ಪುರೊ ಪುಣ್ ಹ್ಯಾ ದೋನ್ ಕಡ್ವ್ಯಾಂನಿ ಖೂಬ್ ಸಾಂಗ್ತಾ ಜ್ಯೆಂ ಇತಿಹಾಸಾಚ್ಯಾ ಪಾನಾಂನಿ ಆಮಿ ಪರತ್ ಪರತ್ ವಾಚುನ್ ಆಯಿಲ್ಲೆಂ. ಹಾಂಗಾಸರ್ ಜಿವಿ ಸಿಮೆಂಟ್ ಆಸಾ ಆನಿ ತಾಚೆರ್ ಹಂಕಾರಾಚಿಂ ಮೆಟಾಂ ಆಸಾತ್ ತಿಂ ಥಿರ್ ಜಾವ್ನ್ ಉರ್ಚೆಂ ಚಿತ್ರಣ್ ಕವಿ ದಿಸಯ್ತಾನಾ ಏಕ್ ದರ್ಯೊ ಆಸಾ, ಆನಿ ತ್ಯಾ ದರ್ಯಾಚ್ಯಾ ತಡಿಚೆರ್ ನೆಣ್ತ್ಯಾ ಪಾವ್ಲಾಂನಿ ಚಲ್‌ಲ್ಲಿಂ ಮೆಟಾಂ ಪುಸುಂಕ್ ಲ್ಹಾರಾಂಕ್ ಧಾಡ್ಚೆಂ ಚಿತ್ರಣ್ ಆಸಾ. ಲಿಸಾಂವ್ ಭೋವ್ ಸೊಂಪೆಂ; ಅರ್ದೊ ಕೊಳ್ಸೊ ಅಲ್ಕಂದ್ತಾ ಪುಣ್ ಭರ್‌ಲ್ಲೊ ನ್ಹಯ್. ದರ್ಯೊ ಜಾಣಾರಿ ಆನಿ ದರ್ಯಾಚಿ ಸಕತ್ (ಗುಂಡಾಯ್/ವಿಸ್ತಾರಾಯ್) ವರ್ಣುಂಕ್ ತಳಿಂ/ಬಾಂಯ್ಚಿ ಸಸಾಯ್ ಗರ್ಜೆಚಿ ನ್ಹಯ್. ಆನಿ ತೊ ಜಾಣ್ತೊ ದರ್ಯೊ ಸಯ್ತ್ ನೆಣ್ತ್ಯಾಚಿಂ ಪಾವ್ಲಾಂ ಪುಸು ಕಾಡುಂಕ್ ಅಪ್ಲಿಂ ಲ್ಹಾರಾಂ ಧಾಡ್ತಾ.

ಸಲೊಮಿ ಮಿಯಾಪದವ್ ಕೊಂಕಣಿಚ್ಯಾ ಫುಡಾರಾಚಿ ಏಕ್ ಭರ್ವಶ್ಯಾಚಿ ಕವಿ ಮ್ಹಣುನ್ ’ಆಟ್ವೊ ಸುರ್’ ಪುಸ್ತಕಾಂತ್ಲ್ಯೊ ತಿಚ್ಯೊ ಎಕೇಕ್ ಕವಿತಾ ಗವಾಯ್ ದಿತಾತ್. ಮೊಟ್ವ್ಯೊ ಪುಣ್ ಅಪುರ್‌ಭಾಯೆಚ್ಯಾ ಚಿಂತ್ಪಾಚ್ಯೊ ಕವಿತಾ. ಆತಾಂ ಹ್ಯಾ ಕವಿತೆಂತ್ಲಿಂ ತತ್ವಾಂ ಮೆಜುಂಕ್ ತುಕಾಚ್ ಸೊಡ್ತಾಂ.

ಮೆಟಾಂ

A picture from the Poinnari archive that nobody has described yet.

ಜಿವ್ಯಾ ಸಿಮೆಂಟಿಚ್ಯಾ ವಾಟೆರ್

ಹಂಕಾರಾನ್ ಚಲ್‌ಲ್ಲಿಂ ಮೆಟಾಂ

ಸಾಸ್ಣಾಕ್ ಉರ್‍ಲಿಂ.

ದುರ್ಸೊಣ್ಯಾಂಕ್

ಬರ್‍ಗಾಲ್ ಆಯ್ಲೊಚ್ ನಾ!

ದರ್‍ಯಾ ತಡಿರ್

ನೆಣಾರ್‍ಪಣಾನ್

ಚಲ್‌ಲ್ಲಿಂ ಮೆಟಾಂ

ಲ್ಹಾರಾಂನಿ ಪುಸುನ್ ಕಾಡ್ಲಿಂ

ಕೊಣಾಕಿ ಕಳ್ಳೆಂಚ್ ನಾ!

[ಎಪ್ರಿಲ್, 2023]

ಬರವ್ಪಿ

ಸಲೊಮಿ ಡಿ ಸೋಜಾ, ಮೊಗರ್ನಾಡ್

ಸಾಹಿತ್ಯ್ ಶೆತಾಂತ್ ಕವಿತಾ, ಮಟ್ವ್ಯೊ ಕಾಣಿಯೊ, ವಿಡಂಬನಾ ತಸಲ್ಯಾ ಬರ್ಪಾಂನಿ ಚಡ್ ಆಸಕ್ತ್. 1000 ಚ್ಯಾಕೀ ಚಡ್ ಕವಿತಾ, ಚುಟುಕಾಂ, ಚಡುಣೆಂ 30 ಮಟ್ವ್ಯೊ ಕಾಣಿಯೊ, ಏಕ್ ಕಾದಂಬರಿ, ವಿಡಂಬನಾಂ, ಅನುವಾದಿತ್ ಕಾಣಿಯೊ, ಕವನಾಂ ಪ್ರಕಟ್ ಜಾಲ್ಯಾತ್. ವಿವಿಧ್ ಸಾಹಿತ್ಯ್ ಸರ್ತೆಂನಿ ಇನಾಮಾಂ ಆಪ್ಣಾಯ್ಲ್ಯಾತ್. ಮಾತ್ರ್ ನ್ಹಯ್, ಕೊಂಕಣಿ ಆನಿ ಬಹುಭಾಷಾ ಕವಿಗೋಶ್ಟಿಂನಿ ಭಾಗ್ ಘೆವ್ನ್ ಸುಂಕಾಣ್ ಸಾಂಬಾಳ್ಳಾಂ.

ಆಪ್ಲ್ಯಾ ಇಕ್ರಾ-ಬಾರಾ ವರ್ಸಾಂಚ್ಯಾ ಪ್ರಾಯೆರ್ ಬಾಲಮಂಗಳ ಪತ್ರಾರ್ ಆಪ್ಲಿ ಪಿಂತುರಾಂ ಫಾಯ್ಸ್ ಜಾಲ್ಲೆಂ, ಸಾಹಿತ್ಯ್ ಶೆತಾಕ್ ಪಾಂಯ್ ತೆಂಕುಂಕ್ ಕಾರಣ್ ಮ್ಹಣ್ಯೆತ್. ಉಪ್ರಾಂತ್ ದಿವೊ, ರಾಕ್ಣೊ, ಥೊಡ್ಯಾ ಕನ್ನಡ ನೆಮಾಳ್ಯಾಂತ್ಲ್ಯಾ ಭುರ್ಗ್ಯಾಂಚ್ಯಾ ವಿಭಾಗಾಂನಿ ಬರ್ಪಾಂ, ಫಾಯ್ಸ್ ಜಾಲ್ಯಾತ್. ಸಾಹಿತ್ಯಾಂತ್ ಎದೊಳ್ ಕಾಣಿಯೊ, ಕವನಾಂ, ಚಿಕ್ಣಿ ಕತಾ, ಹಾಸ್ಯ್ ಲೇಕನಾಂ, ವ್ಯಂಗ್ಯ್ ಚಿತ್ರಾಂ, ಲೇಕನಾಂ, ಬೈಬಲ್, ಜನರಲ್ ಕ್ವಿಜ್, ಪ್ರವಾಸ್ ಕಥಾ, ಅನುವಾದ್, ಪುಸ್ತಕ್ ಪರಿಚಯ್, ಇತ್ಯಾದಿ. ಆಯ್ಲೆವಾರ್ ಕಾದಂಬರಿ ಬರಂವ್ಚೆಂ ಪ್ರಯತನ್ ಕೆಲಾಂ. ಮಂಗ್ಳುರ್, ಮಹಾರಾಷ್ಟ್ರ, ಕಾರವಾರ್, ಕೇರಳ ಥಾವ್ನ್ ಫಾಯ್ಸ್ ಜಾಲ್ಲ್ಯಾ ನೆಮಾಳ್ಯಾಂನಿ ಬರ್ಪಾಂ ಫಾಯ್ಸ್ ಜಾಲ್ಯಾತ್.

ಆಯ್ಲೆವಾರ್ ಆಶಾವಾದಿ ಪ್ರಕಾಶನಾಖಾಲ್ ಪ್ರಕಟ್ ಜಾಲ್ಲೊ ಕವಿತಾ ಪುಂಜೊ "ಆಟ್ವೊ ಸುರ್"ಕ್ "ಕರ್ನಾಟಕ್ ರಾಜ್ಯ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿಚೆಂ 2023 ವೆರ್ ಅತ್ಯುತ್ತಮ್ ಪುಸ್ತಕ್ ಪುರಸ್ಕಾರ್ ಫಾವೊ ಜಾಲಾ. ಫೊಟೊಗ್ರಾಫಿ, ಫೊಟೊಶೊಪ್, ಡ್ರಾಯಿಂಗ್, ಝಡಾಂ ಪೊಸ್ಚಿ, ಕಂಪ್ಯೂಟರ್ ವೃತ್ತಿ ಸದಾಂಚಿ ಹವ್ಯಾಸ್. ಅತಾಂ ಮೊಗರ್ನಾಡ್ ಆಪ್ಲ್ಯಾ ಕುಟ್ಮಾಸಂಗಿ ವಸ್ತಿ. ವೃತ್ತೆಂತ್ ಕಂಪ್ಯೂಟರ್ ಕೋರ್ಸ್ ಶಿಕ್ಷಕಿ.

All 3 pages by this writer

ಮೆಟಾಂ

More from ಸಲೊಮಿ ಡಿ ಸೋಜಾ, ಮೊಗರ್ನಾಡ್

AI

ಕ್ಯಾಥರಿನ್ ರೊಡ್ರಿಗಸಾಚ್ಯೊ ಕಥಾ-ಜಮೊ ಉಗ್ತಾವಣ್, ಕೊಂಕಣಿ ಕವಿಗೊಶ್ಟಿ ಆನಿ ಸಾಧಕಾಂಕ್ ಮಾನ್

ಧಾಳ್ಯೊ [ಡೊ. ಝೀಟಾ ಲೋಬೊ]

ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)

ಎಕಾ ಫೊಂಡಾಚಿ ಕಥಾ