Babu

Babu

Asa babu lhan amcho

korta to dhaupoll choddso

bhair pasyek vor mhonntta

vhorna zalear roddun bosta

Khaupak sodta godd to

koddu tonnan ghena to

moma ddedda mhonntta to

kes soglleache oddtta to

Aryon, teche namv asa

bAel tacho auddicho asa

devo pavo korta hat zoddun

khellnni uddoita rokddi moddun

Yo mhonnlear rokddo yeta

soglleank papi bori dita

asa babu khub gunnacho

mama techo khub auddicho

Mogachi Avoi

Natvak samballotta ti opurobayen,

zomna tori samballotta khub mayen।

asa amchi auy mogachi,

korta tokhnnai sodanch natvachi।

​

Aji-aji korta natu,

auy mhoji dita khaupak laddu।

apleak nozo tori korta ti kam',

soglleam khatir kaddtta ti gham'।

Soglleanchem randta ti auddichem,

pouxttik jeunn korta ti ruchichem।

hatank asa tichea svadixtt gunn,

xikun gheta ami tiche gunn।

Natvak mhonnta ti "babu ttunnttunn"।

​magir babu hamsta khu-khu,

aji sangta "babu kor susu"।

amkam polloun dhamvta to ddubu ddubu,

​

Novin kopdde haddtta babuk,

mhonntta "ajin haddla paputt"।

polloun natvachem tem godd hamsnnem,

mhoji auy visrota aplem dukhnnem।

​Amkam somzun gheta ti khub,

amcho husko zata tika khub।

asa hi mhoji gunnachi auy,

laita amkam mai-mogachi souy।

[June, 2026]