Ostir Mettam

Osthir Mettam

Stan Ageira

Dubhai thaun ubon ayil'lem viman mumboi viman thollak umo ditana edoll por‍yant jemeun as‌l'lea ognelachi nid tatkalik suttli. Voram ratichim don. Ron‌vecher hollu cholon aschem viman ople zagear sthir zatana sor‍vo poinnari doddboddon opapolim hendd begam araunk lagle. Ognelan ubo zaun matea voilem kontrall ugtem kelem. Opli brif kez ani ddyutti fri dukanam thaun ghet‌l'lea malachim plasttik begam zogasannen svadhin kelim. Soh-poinnar‍yam songim to suronga sar‍kea dvara thaun bhair nikall'llo. Dvara thaun viman sthollak poilem mett dour‍tana taka pamyant osthirota bhogli.

Ghor ani kuttmachem sthir bhovixy axeun to golp raxttrak pavo‌l'lo, so vor‍sam udeog kor‍no azun hi osthirota kiteak? osoktkayeche udvegam thaun bochavi na?

taka auchit dubhayant tache sovem vaur‍cho apt mitr ddeviddacho uddas motint upieono ailo. Ognelacho gamv xirvam tor ddevidd gamvant bonttvallocho. Te ekach kompenint sangata kam' kor‍tale. Roxidia zagear kompenicha kempant tancho nivas. Eka kudda bhitor att zonn, panch bharatache, bakiche teg nepali. Vividh dhikkam thaun tanchem yenne zal'lem. Heram songim ognelak vixes sollaull nat‌l'li. Mongllur‍che as‌pas gamv, konknni ulonne ani protyek zaun kristamv mhonntana tanni ekamekacho sangat sodhul'lean vixexota nat‌l'li. As‌pas mogachim konn‌yim nat‌l'lea taka tache atmiyi mollear ekloch ddevidd. Ekamekacha gor‍chenk pamvchant tankam allsayi nat‌l'li. Dispoddtea jinnyecha mamuli adhara thaun poixancha gor‍zam por‍yant tancho sangat chukanat‌l'lo.

Im'migrexonant lainir ubo zal'lea ognelachem kalliz dodd'doddolem. Oshoni-i kolloulleanchem karonn sodhunk to choddpoddolo. Im'migrexon utron kosottmsacho dhoxi chintun ya xir‍vam rakon ascha ghor‍chank bhettcha otregan ya dubhayant ddeviddak sanddun ailam mhonncha khontin?

im'migrexon paxar zaun loggez ttrolir ghalon pachvi vatt vinchtana tambddea nixane thaun eklo kosottms odhikari add ailo. Axem adimyim ghodd‌l'lem. Xikpi, onkul ya kuttma sovem kitemyi dastan vavon haddlear kosottms odhikari tea pongddak dhoxinant. Tannim rakon aschem oskot pamyamni osthir mettam kaddcha mamuli xik‌l'lea pap vor‍gachank.

Odhikarilagim tor‍ko kor‍che titlem xikap oglela lagim nat‌l'lem. Konxak opoun vor‍no boks ani sutt‌kez ugtem kor mhonntana adlea bhetter vichar‌l'laprim kitle ghetayi mhonn ognelan xida vichar‍lem. Odhikarin dakxenn dakoinasotana don bottam dakoitana ognelak don hozar diun suttka zoddchem ovxy dislem.

Don hozar panch minuttam bhitor razamv nat‌l'lea karannan hogddaitana to nizaiki chur‍chur‍lo. Her vatt nat‌l'li. Don vor‍sam uprant kuttmak bhettcha sontosan hogddayil'lea poixam thaun tachem dhean nisron gelem.

Xir‍vant rakon aschim tachi mam-i, poppa, bhoinn rubi, bhavo onil, bhail sunita, bhur‍gim roxmi ani ren'ni. Char vor‍sam adim gamvank ayil'lea sondor‍bhim auyi bapoicha vot'tayek to kazar zal'lo. Axem poilem roxmichem zonon zal'lem. Don vor‍sam adim roza tir‍satana sunitan porot gur‍var zaun ballant zal'lea ren'nichem tondd ognelan azun polleunk nat‌l'lem. Mukle don mohine kuttmasovem rayaporim dis kaddyet mhonncha sontosan tvorit xir‍vam pavonk to aturit zalo.

Tvorit mongllurak pavonk to vimanar poinn kor‍cha title onkul nhoim. Ontraxoriyi nildanna thaun zaite bhitor‍lea bhitor raxttriyi viman sthollak vechem tanne polleyil'lem. Tosleank opli loggez diun paxar zaunk olog vatt ani soulota as‌l'li. Opnnak tem hokk na mhonn chintun taka veteleancho mosor zalo ani tondd baulem. Mumboi thaun mongllurak tanne vimanar edoll poinn korunk nat‌l'lem. Tanne dubhai kam' kor‍chi kompeni taka fokot mumboi por‍yant don vor‍sank ek vimanachi ttikett ditali. Gamvank pavonk to sor‍kari bossacho adhar ghetalo.

Ognelak tache koxttancha poinnachi porichoyi as‌l'li. Er-por‍ttacho koch nildanna thaun xohra por‍yant vetalo. To kochak rakon raulo. Tache porim her zaite as‌l'le. Koch yetach to loggez samballon choddlo. Uprant thoddea vellan bombe-senttrol demvlo. Sor‍kari boss nildanna por‍yant tanne tteksi bhaddeak ghetli. Chodd pois nat‌l'lem. Loggez nat‌l'li tor to cholon veta as‌l'lo. Tanne gamvank vechi ttikett ghetli. Opli sutt‌kez ani boks bossar choddoilo. Brif‌kez ani plasttik begam boskelagim dour‍lim. Bosker gholltach thoddea minuttamni boss mukar sor‍tana tache dolle kur‍vale.

So vor‍sam adim mongllur‍cha eka ejenttak 35000 yettun dubaichi viza yetana to taka sor‍go bhovo lagim dis‌l'lo. Golfa thaun rojer yemvche zaite soire-ixott-gamvche-sezari jins-ttixor‍cho-rebnachi sobhayi dakoun bhomvtana heram porim ognel pixear podd‌l'leant noval nat‌l'lem. 35000 rupyi ejenttak tor prothom' ttikettiche poixe khud'dh bhorunk. Dubhai vetach doddean bhangar ditolom mhonnchi bhas diun auyk ople nog vikunk tanni raji kel'lem. Veginch novem ghor, bapaiki skuttor, auyk dorbosot bhangar, bhavo ani bhoinnik sobhit videxi vostur, khud'dh opnnak mottem benk belens, sodam jins-ttixor‍tto-rebon-ribok moche ani misa uprant mitrank gheun resttorenttanchem bil'l ditana opnnache hat kampchenant mhonn to sopnnel'lo.

Gamvant stholliyi somstheant lan‌so ilektrikol kor‍so kor‍no viz‌sokot sombondhit kontrattam gheun to oplo dondo choloitalo tori somdhan nat‌l'lem. Tea jinnyent rong nat‌l'lo. Mar‍yad unne. Gamvcha somajent ontosth nat‌l'lem. Soiklar bhomvon puro zal'lem. Boikachi axa udel'li.

Dubhaichi ek viza haddyi mhonn tanne herank magon poratil'leak lek na. Okrek ejenttacha pamya mullak to pavo‌l'lo. Taka helporachi viza prapt zali. Ek pauttim helpor zaun dubaik provex kannge, uprant mendu vapor‍lear dolle dhampun ugtem kor‍cha bhitor ’mhalok’ zaunk soktayi mhonn ejenttan taka rongoli dakyil'lem. Dubhai pavon eka hoftea bhitor taka hunoni var‍yachi, topcha gor‍mechi, tap‌l'lea remvechi ani khotkotea jinnyechi porichoyi zali.

Gamvant viz‌soktechi kontrattam ghetana to oplea mor‍jecho malik tor hangasor ’pepor ttixyu’ toyar kor‍cha eka mamuli kompenint helpor. Ravonk gamvcha sor‍kari aspotre toslem kudd. Kuddant vevegllea zati-katiche att kar‍mik. Gamvant ople ghora to kujnak pam-i dourinat‌l'lo. Punn hangasor kompenicha bosak ani kameleank udak ani cha-kofi dimvchem tachem kam'. Zaddu mar‍chem mezam nitoll kor‍chem tachem sodancho vaur. Kompenicha palesotini bosak fasott-fhudd khaun kedallayi udkadde tor tanne hor‍yek pauttim kaksak vecha fuddem komodd nitoll kor‍no dimvchi tachi ddyutti. Sokallim sanjer bosachem BMW kar dhumvchem tache dincharicho ek vantto.

Gamvant ontosot ani rongall jinnyecha axen opunn soloulom mhonnchem tache gineanak ailem tori ejenttak ani ttikettik hogddayil'le poixe pattim kaddeam mhonncha hott'ttan raulo. Vahon loisns kaddlear opunn bochavo zaunk soktolom mhonn tache gomnak gelem. Punn kompenin aukas dilona. Dhovea kol'lorachem udeoga sovem epar‍tto‌menttamni ravon karamni bhomvcho zaito mongllur‍cho lok as‌l'lo tori bhikecha pagan koxttoncha tache tosle unne nat‌l'le. 

tacho pag 900 diram'. Khor‍chant vixes surat dakoileari jevann, khann, nesann ani itor gor‍zo mhonnon donxim-oddexim diram' khor‍chatale. Mohineak ek pauttim ’mujra’ mhonncho nach, soro, sinema mhonnon xembhor diram' nisron vetale. Sur‍ver to donxim dhiram' ghora dhaddtalo. Punn kazara uprant tinxim dhiram' hor‍yek mohineant tanne chukanasotana dhadd‌l'le. Ur‍tale fokt't donxim-oddexim dhiram'. He bharatiyi korensik porour‍ton kelear sumar tin hozar rupyi.

So vor‍sam adim to dubhai pavon tin mohinea bhitor taka poppachi chitt ayil'li. Ghor por‍nem zalam, moddon durusotechi ichhcha vyokt kel'li. Viza khatir auyn vik‌l'lem bhangar pattim diunk as‌l'lem. Don vor‍samni to rojer gamvank ailo. Vetana sor‍vam porim xoping kelem, auyk bhangar haddlem ani pavanat‌l'leak kazar zalo. Rojer vechant ek faido as‌l'lo. Urounne xivayi rojecho don mohineacho samball eddvans melltalo. Sunita jinnyent ailem. Bhur‍gim zal'lim. Khor‍cho chodd‌l'lo. Sangatach auy-bapaicha piddenchem bil'l ani rubi-onilachem xikap. Gor‍zancho vot'todd doddo zal'lo. Gor‍zank poixe khoim thaun yetat hachi fikir konnak‌cho nat‌l'li. Kam' ani pagant bodlaunn nat‌l'li. Urounni oskot zal'li.

Ognelak oplim ostthir mettam pokoll zaun kedall kosllatelim mhonnchem opdhoir boll zal'lem. 

sor‍kari boss lonavala boss nildannant rautana ognelak zag zali. Vis minuttancho suxeg mhonnon konddkottoran tillsilem. Boglecha sriyek oplea beganchi zoton gheunk vinonti kor‍no to demvon resttorenttacha kaksak gelo. Kuddichi gor‍zo tir‍sun tanne nastto kelo. Donporancha jeunnak punne nildannak boss pavo‌l'lem. Ratichem jevann bellgamvant tir‍silem. Atam baki as‌l'li fokot ek rat. Sokall zatana gamvank pautolom mhonncha chintpan taka dhadosokayi dili.

Rat paxar zaun sokall zatana to uddpint demvlo. Tanne sor‍vo beagez eka ttekser ghali. To ttekser xir‍vam pautana voram sokallinchim sadde-novo zal'lim. Ognelachi tokli foddtali. Purasannen jivant sokot kuskal'li. Ghor‍cha getti lagim tteksi stobdh zatana ghor‍che sor‍vo sodsy sontosacha umallean damvon aile. Sezar‍chim dar ugtem kor‍no lamb gomchi bhair kaddtana taka film' hirochi mor‍yad labh‌l'le porim bhoglem. 

tteksechem bhaddem ditach to pur‍xamvar bhitor gelo. Chalkacha mojten onil ani rubin tachi loggez ghora bhitor vauyli. Roxmi lojen auycha kapdda pattlen liplem. Ren'nik mogan uklchem proiton kor‍tana tem huskar‍no roddlem.

"sokallincha floittar ailoyi?" bapoin mixio vollaileo.

"ham..." sor‍kari bossar ayil'lo mhonn sangonk nor‍galo ognel.

"moje noiki moche haddleayi datt'ttu?" onilak boks ugtem korunk omsor.

"hamve sang‌l'lea ddressacho rong mell'llo datt'ttu?" rubin kuddsilem.

"bauddo purasannen thok‌l'lea porim dista. Naun nastto kor‍no il'lexem viram' korundi." auyn bir‍mot uchar‍li.

"vimanar bhomvteleank purasann khonchi?" sunitak oplo ghovo vimanar poinn kor‍ta mhonnchem vhoddponn.

"blek lebol haddleayire?" bapain vichar kelo. "adle pauttim tumve dil'li redd lebol pion tokli foddtali. Hamve tuka rot‌mens haddunk sang‌l'lem uddas asamu?"

"asa poppa." onilan purasann visron ddyutti fri begantolim choklettam, soro ani sigretticho komr‍ddo bhair kaddlo. Sor‍vanchi nodor boksacher as‌l'li zal'lean onilak tanne ugtem korunk hixaro dilo. Heach hixar‍yak rakon as‌l'lea onilan boks ugtem kor‍no videxi saman bhair dourunk vell kaddlo na. Siddi pleyor, miksor, ddress, lugttanche kuddke, sabu, pouddor, kkrim', xampu, por‍fyum', pen'nam, pistta-badam', moche, vanno, kapddam, noitti, bhitor‍lem vostur ani her nananteo por‍zollik vostu mhonntana ghor‍cha sor‍vo sandeank festa sar‍ko dis zal'lo.

Sunitak sombondh zal'leo protyek vostu sutt‌kejint astaleo zal'lean tem sutt‌kez lottun ople rumak gelem. Ognelak naun bedd'ddar portatana kxonna bhitor niden grasilo. Donporam dukor-son'na masachem jevann jeun porot to nidrasot zalo. Ratim jeunna poilem bapyi songim blek lebol ugtem keli.

"tumchem noxib, itlea boro soro tumkam golfant favo zata." bapain rot‌mens sigrett zolloili.

Toxem nhoim, ho fokot ek xo, oslo soro fokot don botli gamvank yetana haddcho, sodam dubhayant vinchnnar viski pionchi tank opnnak na, hofteak ek-don pauttim bhartiyi viski pion sudhar‍sitamv mhonn sangonk to prerit zalo. Tanne sot sanglem na.

"kitem nid tuka?" ratim amalar bedd'ddar kur‍voncha ognelak polleun sunita taplem.

"oslo viram' mellanasotana don vor‍sam zalim." tanne bhailecha uskear tokli adhar‍sili.

"puro tuzo nattok." sunitan ognelacha kesant oplim bottam rigoilim. "sot't sangtam mhaka tujevinne gamvant ravon puro zalem. Roxmi, ren'ni ani moji tum viza kadd. Amiyim tuje songim dubamyt yeun rautamv. Bhur‍geank thoinch iskalak ghalyet." 

"tache bodlak hamve dubhai soddon gamvant yeun raulear koxem?" ognel pimr‍galo.

"chukon‌yim toxem chintinaka." sunitan takid dili. "tumve dubai as‌l'lea amkam gamvant kitem man favo zata mhonn tum nennamyi. Tumve azun dubamyt kar loisns kiteak kaddunk namyi? amcho zossi vor‍sa adim bahren gel'lo, so mohinea bhitor loisns pas zaun, kar gheun, flett kor‍no atam femili gelea."

sunitacho nimanno bhavo zossi.

"hor‍yekak devachi khuxi zai." ulonk koxttalo ognel.

Sokallim rayall nastto ani donporam-sanjer mhonnon ek hopto paxar zalo. Eka hoftea uprant bonttvall vetam tanne ddeviddak axvason dil'lem. Ddeviddachem ek lan‌xem par‍sel-yi as‌l'lem. Par‍sel hatim gheun tanne sokallincha bossar bonttvallochi vatt dhor‍li.

Ddeviddacha ghora ongnnak mett dour‍tana lokacho zomo polleun ognel ghuspoddolo. Salant ek mor‍no dour‌l'lem. Kollanasotana magnne jeari as‌l'lem. Modhem modhem lhanam-vhoddanchi bobatt. Suttacher nidon ascha moddeacher tanne nodor ghali. Jinnyent itlea vodd aghat taka edoll bhog‌l'lo na ya tanne opekxil'loyi na. Tache osthir pamyanchem boll chuklem. Koxttamni samballon to bankar boslo.

Ddeviddachi nirjivo kudd!

hem koxem sombhou? tanne ddeviddak okrek polleyil'lem dubomyt. Ognel rojer vetana soddunk to er‌por‍ttak ayil'lo. Hofoita bhitor tachem nir‍jivo xorir gamvank paulea? hem koxem ghoddlem? taka patyeunk tras zale. Duk umallon bhair nikall'llem. Ddeviddacha maulleak ognel vollkatalo. Vivr ditana to ulonk koxttalo.

"kal sanjer ddeviddachem mor‍no hangasor paulem." maullean tillsilem. "tache kompenin polisam thaun moddem gheun hangasor dhaddchi vyousota kel'li. Mor‍nachem karonn jiugat mhonn kolloilam. Kuddant fenak umkallon prann gela mhonn ripor‍tto dila. So mohinea adim kazar zaun pattim gel'lo matr. Bhail gur‍var. Tanchi kitem got-gi?" 

jiugat? ddevidd jiugat kor‍cha vor‍gacho nhoim. Konnemyi tachi khun kelea? ddeviddak to lagxilean vollkatalo. Logadd kaddcha tosli dusman‌kayi tanne dekonk nat‌l'li. Hea mor‍nant sulemanacho hat asonk sadhy? ognelacha kallzant xir‍xiro dhamvlo.

Suleman?

sanjer mor‍no matyek pauytach ognel pattim xir‍vam gelo. Ghora pautana kallok zal'lo. Ghor‍chim sor‍vo akantan rakon as‌l'lim.

"mhozo ekloch ixott ddevidd devadhin zalo." sangtana golloglleam roddlo ognel. "ddevidd na tor mhaka dubomyt ravonk naka. Hamv pattim dubai vochana!"

sor‍vo thottakolim. Ddeviddacha mor‍nak ani pattim dubyi vechaki kitem ganch? hem razamv tanche motik gelem na. Mukle char-panch dis taka konnemyi dhoslena.

"tumve pattim vochana tor amkam kitem bhovixy?" muklea hofteant sunitan taka somzailem.

"hamv hangasor kam' kor‍no-yim dis kaddunk soktam." ognelan tor‍ko kelem.

"hangacha kamak golfachi mor‍yad na." sunitan probhavo ghalo. "amkam sor‍vank bhailea vostunchi sovoyi poddlea. Bhur‍geanchem bhovixy chintun tori tumve pattim vochazayi."

"tumve pattim vochazayi puta." bapain putacher vot'todd ghalo. "rubichem kazar korunk asa. Onil azun kolejint xikta."

"randpa kudd durusoti korunk asa." auyn kollit kelem.

"ghorak ek skuttor haddtam mhonn tumve adle pauttim sang‌l'lemyi." onil mhonnalo. "tum visraloyi mhonn dista."

"mukle pauttim gamvank yetana tumve moji ani bhurgeanchi viza haddizayich." sunitan spoxott kelem. "mhaka gamvant ravonk naka." 

ognelak nizaiki pattim vechem kalliz nat‌l'lem. Punn ghor‍cha zovabdore hujrim taka her upavo zhollkalo na. Don mohineachi roza oker zali. To pattim vochonk ttekser bostana sor‍vanche dolle dukamni bhijle.

Ttekser to uddpi gelo. Uddpi thaun bombyi por‍yant sor‍kari boss. Raticha vimanar to pattim dubyi paulo. Mettamni misllal'li osthirota chodd‌l'li xivayi unne zaunk nat‌l'li. Kuddant jiemvcha sangateamni ddeviddacha mor‍na vixim nananteo kannio sangleo. Hor‍yeka kannyent ek samany vixyi utton distalo.

Ddeviddan jiugat kor‍tana rumant sokallim sor‍vo kamak gel'le. To eklo pattim ravo‌l'lo. Punn adle ratim suleman taka bhettonk ayil'lo ani tanne ddeviddak kol'lor dhor‍no bhexttayil'lem. Hem aikatana opnne pattim dubyi yeun brohot chuk adhar‍li mhonn bhoglem ognelak. 

suleman opnnak sodhun kedallayi yeunk puro. Opunn pattim ailam mhonnchi khobor edoll‌cho sulemanak paulea asteli. Tache dosot hea rumant‌yi lipon asat.

Sokallim utton to kamak gelo. Tacho pas‌por‍tto kompenin pattim ghetlo. Sanjer naun sangateam sovem kuddant rand‌l'lem jemvlo. Ratichim novo utratana sulemanachem agmon zalem. Sulemanan taka bhair opoun velo.

Suleman lebor kempacha kar‍mikant rinn diun doddean vosuli kor‍cho lon-xar‍ko!

"tuka jivachi axa asa ya na? amche poixe kedalla pattim ditayi?" sulemanan ragan taka pattim lottlo. "tumve adim ghet‌l'lem dha hozar rinn pattim dilea xivayi gamvak vochonk nozo mhonn tuka ami takid dil'li. Itlem matr noi bichara ddevidda dvarim dha hozar choddit amche thaun gheun tum inddiak geloyi. Amche thaun rokhom gheun ognel bhayik kiteak dileyi, eka hoftea bhitor pattim dina tor omche monis inddiant tache ghora vetele mhonn bhexttayil'lem matr, bicharan atm'‌hot'tea keli. Atam sar‍kem aik..... Tumve adim ghet‌l'lem rinn, ddevidd bhayichem khasgi rinn ani ddevidd bhayin ople namvar gheun tuka dil'lem rinn sangata baki aschi vadd mhonnon 27125 diram' zatat. He amkam so mohineamni sompur‍nno pattim mellazayi. Kompeniche rinn kannge ya gamvant asot vikun houla haddyi. Solouloyi tor ami tuka baki dour‍chenamv. Tum melear amkam por‍va na. Vosuli korunk moje monis inddiant tuza kuttmak vochon bhett'tele! ye suleman ka vada roha!!"

27125 diram' mollear as‌pas tin lak ani tis hozar bharatache rupyi!

pattim rumak yeun bichannear por‍talo ognel. Osthir mettanchem boll sor‍vo majval'lem. Fenak umkallocho ddevidd opnnak opoitachem bhas zalem taka.