ಕವಿತಾकविताPoem

Prokriticho Pas

Kovitazhor - 07

Kovitazhor - 07

Prokriticho Pas

Somsarantolem sor‍voi mhellem

toxem sor‍voi mhelleank

thollant sanddun

’rohttang pasa’chea mostokar boson

mollbathaun pauxemvocho

moipasacho svas seun

mollbapondole vistarayent

hamve mhoje baulle vistaraile

tollat udare korun!

Yugam yugamni

moneamni moll‌l'lo

sureadevo

donparanchea moddam modlean

moneaninch uloilo mhojelagim:

"matso mog vot mhojer

hatar tujea vixevo ghetam

khinnak vochom somsar rojer"

To boslo mhojea hatancher

soukas mhojea monacher

mhojea kallzacher

ani soglloch mhojer

Atam tacheant hamv

sodhunk mell'llona

ani mhojeant to

kaddunk koll'llona

’Rohttang pasa’che poltoddicho

pas ho amcho

hea pasantolem konn‌yo suttna,

pattim por‍tona -

thollantlea mhelleak!

Hangasor sogllem xant

na kosli-i bhirant

khinna konnant

kovitechim fulam monant

noktiranchi malla golleant

muktichim kir‍nnam dolleant

Hangasor somsar-sor‍gachea

forkacho podd'do pinzun

ugti podd‌l'le rong‌manchier

sitechea bhur‍geank

najhrenachi auy pano khauyta,

poigombor payank pamyzonnam

bandun nachta

ani roddchea bhur‍geank

khelloita, bhuzoita

Ramachem-i mon pisvoita

Kovitenchea dasak reuddl'lo

pasancho pas ho

prokriticho pas

’Rohttang pasa’che poltoddicho!

$Placeholder: the original page gave this picture no description, and none has been written yet. It came from daaiz\daaiz\kavitha\kj\kj07.asp.$

Melvin Rodrigues

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.