Kovitadaiz - 1. Robindronath Tagore

Kovitadaiz - 1. Robindronath Tagore

Zolm': 6 Mai 1861

Moronn : 7 Ogost 1941

Mai‌mbhas : Bengali

Sahitik Bhas/Bhaso : Bengali, English

Vollok:

Proxosti : Oplea Sahiteak (Gitanzoli) 1913 chi Nobel Proxosti

Vektitv:

Vibhin'n vektitvacho robindronath tthagor ek kovi/boroupi zaun namvadd'dik tor‌yi to ek sompurnn kolakar. Ek chintpi, ek chitr‌kar, uloupi anim ek somaz‌vadi monis. Punn robindronath ek sahiti matr nhoi , ek vixal somstho ya zannvayecho doreo mholleari chuk zamvchina.

Porichoi/vivor - Sur‍vil'le dis :

Robindronath Tagore hacho bapui Debendronath Tagore ek somskrot ponddit zaunas‌l'lo matr nhoi, ’adi brohmo somaz’ hacho ghoddnnar anim mukheliy zaunas‌l'lo. Robindronath tthagor hannem aplem burgeaponnachem xikap ghorant‌ch zoddlem. Heach sondorbhar, to sat vorsancho bhurgo zaunastananch oplem poilem kovita hannem boroilem. Itlench nhoi, sotra vorsancho zatana hacho poilo kovitapunzo porgottlo. Robindronath tthagoracha isttamni taka ojeap korcha iradeant ho punzo ghuttan porgottlo.

1878 isvent to fo಼uddlea xikpa khatir inglenddak gelo tor‌y dedd vorsant hea xikpacher obhiruch nastamna pattinch ailo. Oxem pattim ayil'lo robindronath tthagor porot kovita boromvcha aplea denneathoim dhean dilaglo. Kovitasovem mottveo kanneo, kadombori, nattkulle soit borounko laglo.

1883 isvent to Mronnalini Devi Rai Choudhurilagim login zalo. Anim aplea bhailek bengali anim somskrot tannench xikoilem.

1891-1900: hea audent robindronath tthagor hannem aplea zaitea sahiteak porgott kelem. Hantlem choddaut zaun paromporik bengali somskrotevixeancher adharit ya prerit zal'lem.

1891 isvent Robindronath Tagor oplea bapaicha esttettank sambhallchak mhonnon xileyda anim soyad‌pur gelo anim thoincha gorib lokamsovem mellon sadea monxancha jinnyevixeant somzalo. Heach kallar tachi mot choddit samajik ritin chintap chintilagli, gorjeuntacho gorzo somzomvchi xeathi taka heach lokam thaun labhli. Oxem aplea sahiteant sadealokancha somoseancher, gamvtti porisoracher borounko surukelem.

Tachem 1912 isvent fo಼ais zal'lo ’golpo guchcha’ heach graminn porisoracher prerit zavun. Hachexivai sonar tori, kolpona anim chitra heo sor‍v krotio ek nhoi ek ritir osoleach graminn songteancher likhleat. Xantiniketon, gitanzoli anim svatontr: robindronath tthagorak brittixamni rajvottki kor‍chi rit anim tancha nitivixeant bori zannvai as‌l'li. Oxem hannem ’svodexi’ chintpacha songhottonank pattimbo dilo.

1901 isvent Robindronath Tagoran xantiniketon ostitvak haddlem (bengalant ascha bolpur gamvant) anim hea somstheank bhailea gamvcha (paxchaty) ritir anim bharoti-i ritir xikap suru kelem.

1902 anim 1907, isvecha modhem Robindronath Ragorachi bail, anim ek put anim ek dhuv ontorlim. Punn hea duHkhin taka her songteanthaun pois velear‌yi kovitaxetantlo mekllo kelona anim oplea jinnyentli toull‌por‍yantli xrextt kroti mhonn namvaddleli ’gitanzoli’ hannem 1910 isvent fais keli. Bengali bhaxent boroyil'lim hantlim kovita tannench inglix bhasek annkar kelim.

1913 isvent hea bukak ’nobel proxosti’ labhli. Fuddlea don-tin vor‍samni brittix chokrourten taka puslaunko eka pranteachi rajvottki dili.

Punn 1919 isvent zal'lea zolian‌vala bhagant zal'lea monxancha hoteant tthagor itlo khubhall'llo anim kantthall'lloki, tannem hi rajvottki nirakor‍sili.

1916 anim 1941 isvent Robindronath Ragoran 21 bukank chhaple. Hantum apnnan yuropant, omerikant, chainant, zopanant, molesiant, inddonesiant.. Oxem dil'lim bhaxonnam-i attapon asat.

1924 isvent tannem xantiniketonant bharoti-i somskrotechem daiz zaunaschem ’vixv bharoti videaloi’ hachem sthapon kelem. Tthagorachi protibha, fo಼kot sahiteak simit zaun asanastam, songit, nattok, bhaxonnam, pemyttings oxem sobhar prokaramni tannem vixex vaur kela. Okhrek opleach utramni to oxem sangta; "ho somsar mhojelagim uloita rongamni, mhozo otmo tankam zap dita songitan"

Tacha sahitik vauracho mottvo vivor - porgott zal'le kovitanche buk : pon'nasam voir.

Thodde bengali bhasentle buk hye porim asat;

Manosi (1890) [Adorx], Sonar tori (1894) [Bhangarachem tarum], Gitanzoli (1910) [Gitam bhettounnim], Gitimalyo (1914) [Gitanche turo], Boloka (1916) [Krenancho zomo].

Toxench English-ant porgottlele buk;

Do Garddonor (1913), (Mali) Frutt-geadoring (1916), (Follancho zomo) do Fujittiv (1921), (Suttka labh‌l'lo) Offerings (1912), (Bhettounni) hacha sor‍v krotiam poiki unchli kroti mhonnon namvaddlea.

Nattok ;

Razo (1910) [do king af do ddark chembor], Ddak‌ghor (1912) [postt afis (Toppal ghor)], Ochholoyaton (1912) [Osthir zainatosolem], Muktodharo (1922) [’Ghosgos’, ya ’Zoll‌podd’ mhonnje voir thaun poddchem udak (fals)], Roktokarovi (1926) [tambddem vikall zhodd].

Hache mottvea Kanneanche Buk ;

Gora (1910), Ghare-bhaire (1916), Yogoyog (1929) hea xivai tanne songit nattok, nroty nattok, sorv thoranche probhond, proyann sahity, toxench don atm'‌kotha likhleat. Poili oplea tornattponnacha nimannea hontar tor onyek oplea mornacha thoddeach vorsadhim. Itlench nhoi, hannem oplea thoddea kovitank talle anim songit‌y boroilam. Zaitim tachim pemyttings anim pinturam-i lokamogall zaleant.

Kovitadaiz - 1. Robindronath Tagore

Him kovita tacha gitanzoli bukantlim vinchleant; (mamydd vitoutt fiyor, slip)

1. Bhirant Nat‌l'li Mot

Khoim mot bhirantevinnem,

anim tokli ubharun dorun;

khoim zannvai svotontr;

khoim somsar barik ghor‍cha vonnodinche kuddke zaun

fo಼uttonk nant‌gi;

    Khoim utram yetelim

    sotacha gunddayethaun;

    khoim purasonnevinn porixrom' nirontor

    ople baulle poripurnnote teuxin vistartana;

    khoim ud'dexacho nitoll vallo;

    opli vallvattacha nixttur remvecha

    souyantosli vatt chukanangi;

Khoim mot tuza mukhelponnakhal

nirontor chintnank anim kor‍nenk fo಼uddem soron;

svotontracha sorgak, mhoza bapa

mhoza desak zagoi.

2. Nid

Purasonnecha ratim

kitench protibhotton nastam hamv mhakach nidek ditam

mhozo bhorvoso tujer dourun

mhaka nimv‌l'lea spiritan unnea toyarechem,

tuza aradhonek bholotkar korunk naka.

To tunch zaunasai zo thok‌l'lea disacha dolleank

raticho vell bandtai

ani tacha dixttik

novea hurupacha zagvonnek novikrot korunk