’Hea somsarant sorvam borim, sorvamni korchim sorv kamam borim tor - itlem khottem ani dhesvatt zamvchi koxi?’

Progotipor Desant monis Ani Monxa Molam?

de49

Voros : 2009

Moino : Febrer

Eka moineachea rojer, hea somsarant progotipor paulamni chomkonchea promukh tin dexam poiki ek zaunaschea amchea desak pavonk mhojelagim as‌l'lem promukh karonn, thoim vosti korchim mhoji prayek pavo‌l'li auy-bapui toxench mhojim soirim dhoirim, ixtt montram. Edoll pason ratichem viman dhorn bomboi er‌porttar kosttomsachea afisorank toxench rakon aschea bhukel'lea zhollarink thoddem rogat dan diun, fanteachem konektting vimar dhorn udentichea roma xherak pamvchi souy zal'leak, hye pauttim ddoirektt mongllurak vimanar pamvchem noxib favo zalem. (hye khatir minot kadd‌l'lea, laddu-pedda vantt‌l'lea, potramni-saittimni bot'tis dant dhakhoun hasonk gel'lea toxench mezauylim khellim kaddn pilead zodd‌l'lea sorvank man bagoitam)

Horxencho konknni bhut lachar zal'logi va her ratthaulleo chodd‌l'leogi kollit nastam mai‌gamvak pam-i thenklo punn modhem labh‌l'lea aukasak tankta titlo gollsilo. Kallkayechea piddent vhollvollchea mitr echchemak bhettlom, tachea progotipor chintnank somzonchem preton kelem, temvi oprupayen mellchea onyeka mitrak mouris xantipurasovem. Prayen lhan, punn chintpachea probhud'dotent zannto mhonn lekhcho mitr elyer, adhle mitr richchi koutar, valttor nondollike, melvin roddrigos toxench sod'deachea arthik divallent somsar kongal zaleari, kallzant mogachi kedinch divalli naschea kallzak lagsilo mitr anddruk bhettlom. Sobhar tork somvad chol'le, somvad chol'lo, sukh duk ekameka vanttun ghetlem. Mhojelagim vanttunk sukh unnem aslem tor‌yi toxem bhogunk hannim aukas diloch na.

Monxa jinnyent horyek hont gorjechem ani promukh, horyek hont xikoita, monxak ekameka parkunk; zoxem monxachem niz tuk kollazoi tor sokallim niralla pottant tachem vozon pollezoi.

Choddtavo malghoddea boroinnarank mellchi mhoji adhli pisai koxi soddchi? dekun omsoran mholl'lleporim vikttor roddrigosak, ddolfi kassiak bhetton ghora pavazoi tor mhoji mogachi vhodd bhoinn mhonn obhiman pamvchi gleddis regochem fon, fonar tinne ghal'le don dhenknne borech lagle. Havem vechea bossar ovchit mholl'lleporim jio agrar mell'llo, suxegat somvad choloilo; bhurgeanchea fuddara pasot, bhurgeanchea donnsonnek virod tanne cholomvchi chollvollevixim, kanoddint tannem porgott kel'lo bukavixim, ailevar sorkaran tachea vaurak xabhaski dil'levixim aikon obhiman paulom.

Gamvak vecheadhim sobhar alochoneo motint gheun gel'lom, horxencheporim malghoddea eddiab (eddi nett'tto)k zamv, vilfiab (vilfi rebimbosa)ger bhett zamv diunko soklom na. Jeriaba (jeri kulxekor) ger gelear ravo‌l'lexivai vochonk to dina. Punn hye pauttim choddtavank fonar‌ch bhettazoi poddlem; malghoddo tor‌yi konknnent bhovo khalto vol'liab (vol'li voggo) toxench her mitrank; dda|eddvordd nojret, bai nondini, vailett bai, jeri raskiF, regam' takodde, ansi paloddka, zoi paloddka, melvin pernal, vilson koyear, ech.Je.Goviyos, proson'n nidd'ddoddi, songit samratt henriab, vikttor konseso, larens kuvelho, toxench adhlo khas mitr machcha milar, je.El.Monzoropolke, eddvin je.Ef, sijyes takodde, ma|melvin pintto nirudde hanchelagim fonar somvad choloun‌ch somodhan bhogazoi poddlem.

Kitem korchem? eka vatter khonddun ghal'le roste, tor onyeka vatten asche lekhache dis ani baki ur‌l'lim kamam oddchonn haddtana nizaiki vol'liabachim utram uddasak ailim; ’ghoddeagaddicher boson ayil'leporim mhoji roza’. Punn hea dorvoddant gamvant ponchu bonttvallak toxench mumboyant kuttam' potrachea sompadokak henriabak mukhamukhi mellon, ruchik gamvchem jevann jevann jeun yeunko toxench tachelagim sobhar songteancher somvad cholounko ek aukas labhlo - devak orgam.

Sontoch, vijmit paulom karam jipamni bhomvchea mhojea sobhar mitrank, vhollkecheank polleun. Mettam mettank dischea vevegllea mobailank, thoim hanga khandar umkallchea leap‌ttopank polleun, thoddeach tempadhim nirzon guddo zaun matr aschi suvat atam jesipin sopatt korun vhodd vhodd bhandpam ubhim zal'lim polleunko borem laglem.

Hea modhem valensiantlea meribayechea ghorantlem ruchik monglluri jevann jeunko visrolom na, temvi mitr anddru ddi’kunha, vitori karkoll, melvin ludrik, richchi koutar toxem thoinchor mell‌l'lo novo kazari ttoni feros. Jeun bhair yetana bhett‌l'li sirivontachi dhuv kearol. Dusre disa mai‌gamvchi bhette modhem bengllurachi bhett korunk poddli, amsor tor‌yi, thoddeach ghoddeank mellonk ailo meaksim' lobo. Thoddeach ghoddiamni tor‌yi tachethoim mhaka zaitem polleunko, somzonk mell'llem - nizaiki sontos. Tea xivai to apnnasovem tacho kovitazomo gheun ayil'lo tem polleun bhovo sontos zalo.

Hea itlea sorv songtim modhem ovchit mhoji nodor korenttachea don sorgeam modhem xirkon, suko tatto zal'lo kaullo dislo; kaim aplo khas to mholl'llem pixem chintap uttoitananch eka peporant kitengi gichchilem; borem rup ailem tor melvik dhaddchem, ani bakichem tacher soddchem.

Hea sorv disamni soireanger, isttanger gelom, progoti polleli, bodlaunn parkili, ekameka dimvcho mohotv somzolom. Ritim pakim fenamni, fenam aslim esimni, simenttechi dhornn asli marbolamni bodlol'li progoti polleli. Godd udak aslem xorbotani, xorbot aslekodde ttin'nachea jyusamni, vo pepsi, kola, sittra, sevenopant zal'li bodlaunn parkili. Matyechi vatt ddamorachi zal'li polletana, ekro zago senttsan vingodd kel'lo, sentsacho zago skver futtint mejchem pollelem. Yokxogano xivai her kitench choddtavo zaun somzanat‌l'lea amchea gamvchea lokamni senseksacher, xer marketticher, itlench nhoi sot'tyomachea ramolingomachea svis beankachea ekounttacher soit tork zamvchem aikalem. Kironn beddichea kocherint zal'lea foisolacher soit, poisilea mumboyant em'menesachea karyokortamni kel'lea gunddagordi (maf kora, hi tancheprokar gunddagiri nhoi, hi tanchi sobhyota) hye sorv vixeancher porgott ritin zamvche tork vixlexonnam aikonk moza aili. Kitem korchem amchea dexant konnaiki kitem-i, koxem-i ulounko, korunk svatontr asa polle?

Bengllurant romodant panch disanchem ’prins 2’ ttreyning aslem, tea ttreyningant hazor aslelea viprontlea thoddea konsolttenttani soval kelem ’tum khoincho?’. Hamv chintunk poddlom kosoli zap dimv mhonn. Zolmon vhodd zal'lo mongllurant (’ojekar’ sobhd lhan tor), sobhar vorsam kam' kel'lem mumboyant, fuddem bengllurant vosti korunk chintun asam’. Tokxonn tannem onyek soval kelem ’ho, tor tuka mutalikachi bori vhollok asonk puro’? hamv chintunk poddlom konn ho mutalik? zoxem sunkudd'ddo ani gasporavixim chint‌l'leporim. Uprant koll'llem mongllurant udel'lea morol polisamvixim.

Hamv chintunk poddlom; hea gamvamni sodanchem bailancher nana ritichem xoxonn zata, ghovo bailank, bafui dhuvank, put auyank dukhoita, lutt'ta. Dot denneanchea nibamni kitlexim cheddvam jivghat kortat, kitlexeank logadd kaddtat, kitlexim bailam, cheddvam porgamvamni konna konnachea xoxonnant ozun jieun asa, tednam he morol polis kom-i gel'le? asom - bhouxa hancheprokar hi sobhyota. (progotipor somsari utramni sangtam)

’Ontor‌zallicher konknnecho fuddar’ vixeacher mhaka ek uloup toyar koryet‌gi mholl'llea echchemachea sovalacher mongllur er‌porttant astana fonar lambayecho somvad choloilo (hamv‌yi vimanar ubhlom mhonn sangcho onyek aukas gollsitam); sobhar vixeacher uloup zalem; hantum promukh utar zaunaslem ’sobhyota’. Hamvem sanglem; poir bomboyant bomb futtoun niropradhi lokank logadd kaddlelea khunigarank zor ek soval vichar‌l'lem ’tumi korchi va kel'li sobhyotagi?’ tor zorur tim zapi ditim ’vhoi’. Talibanak vochon vichara ’tumi korn aschi sobhyotagi?’ ’vhoi’ mhonntelim tim. Ol-kaidak vichara tumi kel'li vo korun aschi ’sobhyota’gi? tim vhoi mhonntelim.

Oxem vad vivad kortana opxench ek sot holltar tor‌yi spoxtt zalem; ’ami kel'lem va korchem sorv borem’, ’heramni kel'lem vo korn aschem sorv vaitt’.

Itlem sorv chintunk vetana anddruchea kovitechim utram naka naka mholleari uddasak ailim ’zageachim molam mezunk mollbak chodda, monxa molam tillunk, choronddeni sodha’.

Atam mhojeyitleak chintun asam, progotipor paulamni chomkonchea amchea dexant monxaponnachiyi progoti zal'li tor?

Khalteponnim,

- Valley Quadros, Ajekar